影片
【南区】【瀛火日式放题】好耐冇去南区，咁耐冇写南区饮食我自己都觉得唔好意思。今次难得同美女朋友喺香港仔揾嘢食，点都要写埋佢。不过呢头周围都系啲大集团嘢食，又冇乜动力去揾小店，之前我自己都系食牛一就算。喺香港仔中心见到呢间「瀛火日式放题」，就入咗去喇。我哋系连餐牌都冇睇过就贡咗入去，都算系勇者嘅表现。不过食放题呢啲，间间都差唔多咁食㗎啦。我哋叫咗一阵都冇嘢嚟，老细劲醒目即刻问我哋系咪已经落咗单，主动帮我哋跟，劲抵赞，一定要写。之后好快就上菜，同埋上放题必食嘅日式刺身喇。水准就正常啦，都只能够讲系一般，而且佢啲嘢有机会唔系一齐上，会梅花间竹咁上，唔好叫多咗。间嘢会播埋生日歌帮客庆生，难怪好受街坊欢迎。老细仲好识讲笑同好细心，会记得啲熟客中意食乜。价钱每位 $308，公众假期或前夕加 $10，埋单 $700，可以啦。。。（地址：香港仔南宁街14号香港仔中心五期地下4B号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am南区 #香港仔 #瀛火日式放题 #瀛火 #日式放题 #日式刺身 #炸物 #天妇罗 #甜品 #1am1741 #1ambackup
继续阅读
趁母亲节前夕一家人嚟食个放题，喜出望外，刺身非常新鲜，唔会就住就住，热食亦都系大大份，味道唔错，对得住个价钱，尤其是而家香港地非常之少有嘅服务态度，做得非常之好，啲员工做嘢非常之勤快，合作性高，亦都好helpful，唔会介意问长问短，仲好好礼貌，香港地已经难得一件，今日开心得滞，食食吓跌咗张500蚊纸落地下自己唔知，一位戴眼镜员工帮我执返俾返我先知，非常感恩，今晚一家人食得非常之开心👍🏻👍🏻
继续阅读
首先嚟个重点概括：食物好、服务好、卫生好🫶🏻之前食开旺角本店，好开心竟然喺香港仔开咗分店！🥹 在下一直系忠实粉丝，大本瀛同瀛火系我食过性价比最高嘅放题👍🏻 从来都冇OpenRice Account，但为咗佢哋可以喺香港仔长做长有，等作为街坊嘅我都可以长食长有，决定要写食评帮手宣传吓🤣！食物质素：食物口味呢啲嘢好主观，但如果你都钟意食饭粒软糯嘅寿司，绝对唔可以错过瀛火！出面好多时食嘅寿司饭冻、硬、干、散，但呢度嘅寿司饭暖、糯、润，刺身食材好新鲜，熟嘅食材调味浓而不腻🤤 我最钟意胡椒岩盐烧左口鱼边同蒜香酱油烧三文鱼火炙寿司，鱼嘅油香同软糯嘅寿司饭系绝配🫶🏻 呢个价位系无得输🙂↔️仲有其他菜式，质素都好高水准，好多时候放题可能只系刺身同寿司好食，但系熟食唔得，或者调返转；但呢度无论刺身定熟食都系中上级水准。都系𠮶句，呢个价钱冇得输🙂↔️服务质素：101分！出餐快、准，老细同几位后生仔服务速度同态度都非常好，能够感觉到佢哋每一个人都想做好件事，赞。餐厅环境：干净企理，餐具都清洁得好好👍🏻 点解要特登提餐具呢？就系因为好多放题啲餐具都洗得唔太干净，即使连锁式嘅放题餐具成日都油淋淋⋯(可能我洁癖😂？)最后，重点推介🔥！中意食甜品嘅一定一定一定要试佢个焦糖炖蛋🍮 ！香甜可口🤤仲有Häagen-Dazs 食，完全满足我嘅甜品胃。所以总结，呢个价钱，呢个食物质素，呢个服务质素，冇！得！输！🤪
继续阅读
今日5点半前入座 电话话268蚊一位再加一张单都系咁写然后佢地碌完我张咭 先话今日要收埋“假期前后”服务费 究竟系员工唔记得提 定印错单呢？要收charge冇问题 但你可以碌咭前讲声 碌完先斩后奏先讲 你讲乜都得啦仲要今日唔系红日㖞前线服务态度ok 食物味道尚可 但系收钱手法实在令人咋舌如果你地真系咁中意留在香港仔食放题又好想碌完咭先知有额外服务费既惊喜诚意推荐呢间！______________几年前食过两次一次好好味 一次大失准谂住俾多次机会再支持香港仔食店真心讲味道唔难食 但体验麻麻bye👋
继续阅读
今日约咗好朋友喺香港仔，佢话唔想食咁油腻野，想食刺身。但其实我想食熟野，最好就系食羊同牛。咁佢话唔驶谂，一于去食放题啦。听到香港仔有放题食，心谂唔知得唔得呢？通常我都喺尖沙咀或铜锣湾食，香港仔食唔知得唔得呢？同行朋友话呢间野好多街坊好评，咁就一于试吓啦。一黎到就写剔个刺身并盘俾朋友先啦。汽车啤酒都有，都系果啲野啦。有lotte芒果汁﹑王老吉﹑有糖无糖可乐咁啦。我就前后叫咗几件羊扒，味道都ok, 唔太骚又几嫩。味道正常。薄烧牛舌，味道正常。之后朋友再叫多次刺身。但一到90分钟就上单话last order, 埋咗单佢就上雪榚啦。先前再有叫啲order佢话无晒，佢问我记唔记得仲有乜未到我真系唔记得。我再划好时佢已经话cut咗单。可能我太耐无食放题啦，我一再问朋友话90分钟定120分钟，佢话120分钟，但90分钟就cut单埋单。再坐多10分钟，朋友罐野都未饮晒就问我地可唔可以让张台出黎。我见佢地小店，我地都唔会难为佢，都想佢地做多转生意。我同朋友6点入座时都唔多人，8点未到就叫我地让张台出黎，感觉好似以前食特价提早埋单离座咁，朋友罐野饮饮咗一半；而我颈渴都唔再去拎多罐饮，自己出去买。平均$339/位，野食系ok嘅，但选择唔多，但要准时90分钟埋单。或者应该好似铜锣湾/尖沙咀出面食果啲咁，一坐低就狂叫先得，本著唔浪费唔嘥野精神，食放题食唔饱，我都系第一次。如果细食嘅，想食刺身想食熟野炸野嘅，喺香港仔唔想出去嘅，都可以一试嘅。
继续阅读
您可能会有兴趣的...