影片
大围既揾食市集系疫情后我既买外卖好地方选择多又低食火焰芝士炸虾反卷 4件 $30呢样系每次必点，小朋友至爱入面炸虾够大只啖啖肉烧过既芝士系非常香加上烧到有小小㶶边芝士配搭炸虾卷口感超正炸虾手卷 2件 $19（优惠价）收银度贴住呢个优惠就买埋食虽然系做优惠价，但都冇偷工减料炸虾炸得松脆配上沙律酱角切鱼生饭 $58鱼生满满咁补系饭上面，净睇都自愈虽然系鱼生角切但鱼生一啲都吾系碎湿湿咁有啲仲几大旧下架饭既份量吾小，就算男士都会够饱
继续阅读
难得去大围做野，揾下近车站既lunch，见到呢间位于“揾食市集”既日式餐厅，款式有生有熟，就试试。今次我叫左吉利猪扒便当，堂食（食完开工）$49。等左约10分钟，有得食，猪扒热辣辣，系即叫即炸，咬落坚脆，炸皮同旧肉唔会散开，出色，肉质几好，唔系超嫩但足够嫩（应该无用松肉粉，但都唔会硬，不错）。便当有跟饭（个人觉得唔驶加饭素上面，饭面本身加左烧汁但又加饭素，太浓），一件烧玉子（有炙烧既味，但调味偏甜，各有喜好），有细兜青瓜沙律，一格沙律酱一格烧汁（用黎点咩随你）。总结，性价比ok，系香港地少有既脆口吉猪，又有小食同沙律食下，做lunch 不错啦（有埋野饮就very good la)。#环境有间隔，但部份比较窄，我去时比较少人，还可以#有专人执枱同量体温#可安心或不安心食用
继续阅读
见到餐牌嘅第一眼就知道一定要拣三文鱼蟹籽丼（$45）（平时嘅我系选择困难症末期患者😂😂） 其实顾名思义就系一个三文鱼+蟹籽嘅饭三文鱼都好高质、好滑👍👍啲饭又唔会太硬无口感之后再配合埋沙律酱同豉油😋𠮶种味道真系此生都唔敢忘怀重点系呢个饭嘅味道同我中二嘅味道几乎一模一样个刻我地都劲感动（因为我地之前食过𠮶间虽然已经执咗，但系带左比我地好多美好回忆嘅舖头）之前食过咁多间三文鱼蟹籽饭都未试过可以食返中学嘅味道❤️❤️之后我一定会成日去食不过我发现原来无咩人食三文鱼会mix沙律酱（因为要特登嗌佢比，佢先会比沙律酱😮😮） 我地都嗌咗一份吉列炸虾反卷（$22），咁呢个就有四件，值得抵赞嘅系啲炸虾真系好新鲜滚热辣🥰🥰所而且仲好脆，所以如果钟意食炸虾嘅话一定会觉得好满足，当然重点都系有沙律酱啦
继续阅读
我系第一次帮衬，叫左个Set B由于呢段时间系抗疫时期不能堂食，拎到返屋企，个炸猪扒卷物返到家食时仲系脆嘅，玉子豆腐都好味！麻酱面都唔错！手卷拎到返家d紫菜就林左，如果过左疫情后我会再去试一次堂食！整体都唔错！
继续阅读
上次系揾食巿集试盐水鸡，今次试另一间，日本菜，餐厅名瀛一.点咗和风猪软骨，汉堡扒带子丼.优点：1, 好鬼中钟哩个揾食巿集，冷气足够餐厅选择又多又干净又清净，正！2, 猪软骨入味而且松软，连软骨部份都冧哂，出色！3, 汉堡扒以为系D现成作品，食得出系自家制，汉堡扒腌制过，味道唔会太重而且口感唔会太硬，满意！缺点：1, 哩个场间间餐厅都系饮品选择唔多，场地面积不足吧！2, 猪软骨同汉堡扒出色，可惜.... 份量略为不足.3, 56蚊一个饭，对于我哩D穷鬼唔系平.
继续阅读