澳門九記清湯腩王 (已結業)

中午叫咗个咖哩牛腩饭，卖相本身好似几好，先食咖喱汁送饭，唔错。再嚟食肉，发见成碗都系白色，初初以为系牛筋，一咬落去结，『顶！』系成旧肥膏！结果得2旧系有肉，其余全部都系肥膏，肥膏同肥膏。肥膏同肉嘅比例系9：1。应该改名叫咖哩肥膏饭已经系第2次去，上次以为偶有失手，再俾多次机会作点知仲衰，应该无下次。本身食清汤腩系ok嘅(都系徧肥)，但好明显系用次等肉(应该系次次次等肉)去煮咖哩，咁嘅质素，连活仔嘅1／10质素都无。…查看更多

上次写过篇讲食海南鸡饭讲到香港好食既海南鸡饭真系相当难揾...今次就介绍返一间个人认为好食既好似上篇咁讲,海南鸡饭最紧要都系果几样野；一定要油饭！最岩海南鸡之后就系用黎点缀鸡既酱汁,每间店铺既酱都各有不同,而哩间九记既酱真系好正！但每次食完都总觉得个口好臭最后最重要就系鸡油比例！试过同样哩间铺,食过d无油,干巴巴既鸡...真系完全难以接受就算系觉得咁好味既酱汁,都完全救唔到碟饭。(好彩暂时食咁多次都系得果次失误)最后配埋碗鸡汤,满足满足…查看更多

平时食晏喺附近都食到闷，今次第一次黎呢间九记，5点零钟黎唔系好多人所以都错得舒服~男朋友点嘅牛腩，几好食，而且份量都算多。但今次主力想讲海南鸡~泰式海南鸡脾饭 $42 (+$6鸡脾)附送清鸡汤，唔算好饮，萝卜都几入味~个人认为海南鸡饭有得选择边个部位都几重要，你拣唔系一件事，我有得拣一定转鸡脾，因为我麻麻地鸡胸肉~而且我个人觉得鸡脾肉真系嫩好多，又滑！蒜蓉配鸡冇得输啦！油饭嘅份量都几多，食得好饱！虽然呢餐晏要50蚊，不过饱到我夜晚收工都唔会饿呀~…查看更多

今日收工自己去咗澳门九记好快咁食咗个海南鸡饭。海南鸡饭＄44 ,指定鸡髀加＄6 ,配嘢饮另加＄3。海南鸡非常嫩滑，鸡肉好有鸡味，鸡上面嘅蒜蓉亦都好香，至于佢嘅鸡油饭，亦做得唔错。差唔多每台都叫海南鸡饭， 50几蚊嘅呢个晚餐，的确物超所值。…查看更多

同朋友们之后系呢边有活动，跟手谂著食过快饭就去玩，于是就黎左呢间清汤腩。环境几干净，冷气足够。朋友们叫左店内推介嘅海南鸡饭同清汤腩，偷食左少少，鸡都唔错几嫩口，清汤腩食落去几冧，有咬口，食过华姐都觉得呢间唔太差。我自己因为肠胃欠佳，所以清啖的叫左个墨丸河做主餐，墨丸弹牙够爽。美中不足嘅系，如果佢地嘅粉面套餐可以六日都有的话，我相信会多的人黎的。…查看更多