澳門台山水佬榮火鍋專家 (已結業)

今日六個人去食飯，叫左海鮮航空母艦，每位298，係幾扺食，食物份量都好多，一定食得飽。有位較年輕既服務員態度好好，熱心幫忙，但大部分服務員態度都係差。我哋19:04分坐低，應該21:34分交枱。服務員9點15分左右，叫我哋last order，但last order既食物上唔齊，要我地再補單去追。食物上齊後沒耐就同我地講話夠鐘，結果係21:35分喺食物仲淥熟緊，我哋仲食緊嘅情況下，服務員收走哂枱面嘅碗筷。雖然係限時2.5小時，但係全場起碼仲有十幾張吉枱，出面又沒人等，顧客仲食緊嘢既情況下收碗筷，真心趕客…查看更多

夜晚入座，限時150分鐘。 價錢有分兩種，一個是海鮮任食，另一個是沒有海鮮的。點了一個基本價錢任食。 最好食是肥牛。 其他食物與一般任食放題冇分別，不過不失。但是上餐速度太慢了，交咗餐紙後，約20分鐘後才想到菜。 上菜後有與餐紙點嘅食物不同。 漏單情況嚴重。 150分鐘裏面，約40至50分鐘是等候食物時間。 告知侍應情況後，侍應服務態度良好並幫手跟進，情況才有改善。如果廚房準備食物的速度可以改善，客人不用等那麼多時間去享受食物。…查看更多

性價比好高！這個價錢可以食到任食海鮮火鍋，仲要喺銅鑼灣市中心，我諗全香港只有這裹！上星期同一家人來到這裏食飯，全單買單都不過2000元！仲要有海鮮，肥牛，其他配菜任揀！仲有啤酒汽水！ 成家人食到好飽！如果不熟悉銅鑼灣地方嘅朋友，有機會比較難搵！ 因為銅鑼灣廣場以其要先上電梯再坐升降機！ 但係銅鑼灣站C出口行去銅鑼灣廣場只需1分鐘！ 一定會再來！一定會再來！一定會再來！一定會再來！一定會再來！一定會再來！！…查看更多

同朋友慶祝生日，想食大盤海鮮艦，咁岩揀左呢間，好好食，食物款式多，鮑魚鮮甜，蟹多膏多肉，肉質適中，味道鮮甜，食完艦海鮮都好多料打邊爐，湯底因為d海鮮既關係亦好鮮甜，買左蛋糕去上蛋糕時連我地都有驚喜，有大量道具比其他人一齊拎住影相，有心思👍🏻👍🏻👍🏻👍🏻👍🏻👍🏻👍🏻👍🏻價錢亦唔貴，呢個價錢有呢個質素，值既👍🏻👍🏻👍🏻👍🏻👍🏻👍🏻👍🏻👍🏻👍🏻…查看更多

星期一至日免收加一，平民價格，食物質素好過好多火鍋任食，特別是田雞同白鱔片，無泥味，又鮮甜，每位員工都十分有禮貌，環境裝飾懷舊得嚟又靚，座位亦很寬敞，一定會再幫襯!…查看更多

凌晨時分，又係餓鬼搵食嘅好時機！夜鬼搵食，最正當然係平過人！十間有九間，都有八折優惠，一樣嘅食物、一樣嘅服務，但有不一樣嘅價錢，個人認為凌晨開飯，性價比高！今夜凌晨，俾我撞上一艘好火滾嘅艦艇，艇上冇海兵，但有海鮮：龍蝦🦞、鮑魚、青口、象拔蚌、八爪魚🐙等整裝待發，加上上湯一鑊過！食完海鮮，仲有陸軍牛脊、雞件、枝竹、豬肉丸、烏冬等，我覺得幾人強馬壯，食完都幾飽，做宵夜有d過份，但當晚飯正餐食就好抵！加上姐姐服務良好，我覺得下次可以再來！…查看更多

一班同事在銅記 OT 完搵食，剛巧來到水佬榮打邊爐，經理介紹「航母海鮮盛宴」餐比我地好！就試一試啦！..落左單，傾下計正諗住都係一般般邊爐野點知經理搬左隻「海鮮航母」來我地枱面😱😱😱，超正呀！！🥰🥰🥰..套餐內包括：..A: 每日8款時令海鮮當日我地有：海蝦 貴妃蚌 鮑魚 青口 蜆 蟹 蠔 帶子..B: 自選5款配料我地唔執輸，叫D貴野：安格斯特級肥牛、手打丸、黑豚肉⋯⋯🤤..C: 精選湯底七選一..D. 每人出前一丁或烏冬半個..Facebook打卡仲可任飲啤酒汽水、免加一、半價加配料..好抵呀！每位只係$238！..…查看更多

之前一路都好期待去呢間餐廳食飯，聽聞佢嗰盆海鮮值得打卡之餘，仲係用了新鮮分量十足的。果然聞名不如見面，即刻同幾位朋友去咗試不過book枱開始，佢每一日嘅預約時間都好full，轉左幾次日子先就到。可能因為本身預約係星期六。如果大家有興趣，請早少少打電話預約會更好。果然海鮮一嚟到，梗係相機食先㗎啦影完一輪相之後，我哋先再叫侍應幫我地加火，過多一陣就已經食得。海鮮的確很好，食落口係新鮮嘅！扇貝同鮑魚都好出色，雖然鮑魚唔係來自日本，但南非鮑魚來講都10分不錯！湯底來講唔算鹹，唔算太多味精下次都應該會再來。或者有冇朋友過了一個愉快的晚上…查看更多

好耐冇同朋友去食火鍋， 今次就楝咗呢間水佬榮試下， 因為我哋唔係好肚餓， 所以就冇試佢出名嘅海鮮盛宴， 不過我哋散叫最尾嘅價錢都係要二百幾蚊一位雞煲好濃味，太咸，唔太啱我哋嘅口味不過佢嘅小食椒鹽豆腐就好惹味， 一口豆腐內淋外脆， 食下食下食咗好多粒魚皮同蟹柳都ok其他火鍋配料蝦膠釀油炸鬼和手打蝦丸幾好食， 蝦丸好彈牙， 不過豬頸肉切得太薄， 根本就夾唔起一片 擺落個鍋度就已經散曬， 完全食唔到一片片豬頸肉嘅口感我見其他食客都係叫咗海鮮盛宴， 應該會好食一點吧…查看更多

真係食到火都嚟。正日生日過嚟食飯，因為朋友話有蟹食先上嚟，見到有得食粥底火鍋，就選左個粥底。點知上到菜DLLM,龍蝦嚟既，個waiter,話，係ar廚房random 上ga, 我地控制唔到。我為左隻蟹過嚟,落單前又唔講聲？？？？？？？？ 你圖片，在場食客人人都食蟹，仲要俾我見到隔黎遲我好多嚟都係食蟹，真係好q嬲。好啦，個所謂粥底，個呀叔同我講可以有公仔麵，又有粥，但會走左南瓜芋頭，我先叫姐。點知上到嚟，水嚟既大佬？？你又講到d野要分開上，乜乜乜，我地諗會唔會個飯後上，食完個海鮮先。到我地食完問番個粥喺邊………佢話，依個咪係囉。DLLM,水嚟ga 喎......仲要好proud of 話，依d 粥水嚟………,我食左個清水邊爐真係喊出嚟…………………生日食飯一肚氣，bad list bye bye. waiter唔該加強training la,誤導哂d客，又唔講清楚，真係好騙案feel。…查看更多

一直喺銅鑼灣做嘢都唔知道有間水佬榮係銅鑼灣，原來就係公司附近嘅銅鑼灣廣場2期5樓!同埋同老婆一家膽粗粗去試吓，海鮮都幾新鮮，配料都唔錯，最記得係肥牛同埋蝦，肥牛好有牛味，啲蝦落湯之前d腳仲郁緊！除咗海鮮鍋入邊嘅海鮮，仲會有一啲火鍋配料，基本上食呢個餐都夠飽，不過我哋大食就叫多咗兩三碟肥牛！ 我老婆最鍾意食佢啲丸，應該系水佬榮自家製，因為出邊都未食過！服務都唔錯，基本上舉手一陣就已經會有侍應行埋黎幫手！如果鍾意打邊爐嘅朋友依家都係個唔錯嘅選擇！…查看更多

上星期同一班朋友一齊去食生日飯，一行10人叫咗個航母海鮮鍋，一個人大概$300左右埋單，呢個價錢食到唔同種類嘅海鮮真係喺香港好難搵！仲要有埋其他火鍋配料！要首先一讚係個牛肉超好食，雖然係個套餐入邊包埋但係一啲都唔會覺得係cheap野！仲有個梅菜豬肉丸，簡直係有驚喜❤️啲海鮮都唔差，我食咗扇貝同蝦仲有一啲貝殼類，會再嚟因為仲有一間房仔俾我哋，私隱度極高，成班女仔一齊去食幾嘈都唔怕嘈到人！成盆海鮮影相仲要超靚❤️侍應服務都OK，會周不時入嚟問我地洗唔洗加湯或者睇吓我哋有咩需要🥰 會再嚟…查看更多

澳門水佬榮一向好出名，香港喱間就未試過～ 今晚同屋企人食飯就試試佢。一行8人去左銅鑼灣分店哩間～ book 左7點得我地一枱客～侍應都好好，詳細介紹價格同埋帶我地去任飲區㨂飲品～ 套餐價$238/per head 可有是日精選海鮮+5款火鍋自選配料+醬料錢+任飲。一句講晒～好抵👏👏母艦裡面有花蟹、象拔蚌、蜆2款、八爪魚、鮑魚、青口，另加椒鹽賴尿蝦～（海鮮既新鮮度都算係咁，蟹都新鮮唔會霉肉、鮑魚彈牙～其他都不過不失唔錯）👍 其後既5款自選配料都份量足～大家都好滿足！一大班人黎食都唔錯👍😋 影相都抵🤪…查看更多

打邊爐其實真係好開心，仲要可以食到勁飽，好幸福阿！今次就同一大班朋友去左食水佬榮，大家都第一次去，係懷住好奇既心入去食，又真係唔差咖喎，仲可以話幾正添！打邊爐最緊要就係個爐，冇爐點打阿係咪先！而尼間鋪最有趣可能就係個爐，因為好似D航空母艦咁樣，一開始以為係咩黎，個個都係到望，點知原來係咁大個爐！成班朋友都好喜歡食海鮮，所以就叫到成個爐放滿左咁濟，好滿足阿個畫面！咁當然個味蕾都相當滿足啦，睇落就知道好正啦！d野食真係又大又好食，下次一定會再去！…查看更多

澳門好出名食嘅水佬榮，原來香港有分店，緊係要去試吓啦，好彩訂咗枱，唔使等位直接有位首先黎個好誇張嘅海鮮拼盤，有蟹，蝦，鮑魚以及幾款貝殼類...海鮮質都好新鮮，一d都唔腥之後再黎多個牛拼盤，牛味好濃，肥瘦適中，佢喺牛柳粒都唔錯，唔韌好新鮮…查看更多