澳莎冰室 (已結業)

一年的轉變自從搬入咗長沙灣之後幫襯呢間茶餐廳都將近一年半了，初初食嘅密度大概係每星期三次，之後少咗因為佢哋已經話冇再送外賣，可能廚師唔想太多生意，就連openrice 嘅自取外賣都冇做 (雖然仲有得如常地落order)，如果唔小心買咗，佢哋話會退錢解決。有次真係趕時間決定入去堂食再幫襯，早餐牌少許改動，舊男店員好似已經冇做。湯米粉嘅質素好似好咗，米粉應該係換咗另一隻牌子，現在比較彈牙。以茶餐廳嚟講佢哋嘅食物質素 確實係ok。失望嘅係店員嘅工作態度好似唔同咗，早餐牌寫明早餐供應至早上11:30，有另一次我早上11:26坐低咗諗住落單，個女店員就話「冇啦，廚師唔做早餐喇」。 其實眼見女店員對佢自己嘅熟客係有另一種態度嘅。以前餐廳係會收八達通，而家亦都依然有八達通機，但係店員只會收佢自己嘅熟客八達通，我呢啲就只可以畀現金。真係唔知道係老闆嘅指示，定係佢哋嘅新作風喇🤔

行完黃金肚餓搵咗附近呢間茶記醫肚。下午茶款式選擇都幾多，粉麵飯、三文治、多士、潛艇等應有盡有。XO醬炒公仔麵 $40公仔麵軟硬程度岩岩好，撈埋惹味嘅XO醬一齊炒，非常夠鑊氣。法式西多士 $35西多士外層炸到金黃色非常吸睛，入面仲有滿滿嘅花生醬做餡。搽埋牛油再淋埋糖漿，每一啖都係邪惡感。芝士鹹牛肉炒蛋潛艇 $32炒蛋嫩滑加上鹹香嘅鹹牛肉同半熔嘅芝士夾係烘過嘅潛艇入面，好味又飽肚。飲品叫咗杯凍奶茶同椰汁紅豆冰(跟餐+$8)，奶茶茶香奶滑，紅豆冰用椰汁整，啖啖都充滿椰香。。。澳莎冰室 (深水埗)深水埗福華街208號福江大廈地下208B號舖。。

早2日係深水埗整車牌，整完車牌係附近食下午茶，意外地食左間好驚喜既茶記。.🍴 粟米魚柳飯 $40就係呢個下午茶粟米魚柳飯，好耐未食過即叫即炸既魚柳飯，魚柳岩岩炸起，又脆又juicy，加埋個粟米汁，簡直可以食幾碗飯😍真心掂！.🍴沙嗲牛肉麵 配火腿奄列及牛油多士 $42常餐本身想食丹麥多士，但賣晒😢有啲失望，好彩個沙嗲牛唔錯，夠晒濃味。.🍴炸雞髀薯條 $35生炸雞髀簡簡單單就好好食，炸野係正既。.跟餐凍飲唔使加錢！抵飲！真心推介佢個粟米魚柳🤣好好食

一人午餐去完福榮街買玩具，路過這間茶餐廳，眼見光猛，又肚餓，立即入去享用下午茶餐。下午茶好抵食， 粟米魚柳碟頭飯的份量都幾大，再加紅豆冰只係$48。抵食到爛👍🏼👍🏼

要upgrade 電腦出左深水埗買Ram, 買完行到攰攰地行前一個街口就見到呢間冰室，好耐冇食下午茶飲紅豆冰就入左去😋😋 公司三文治 ($42)大大份公司治比較特別既係佢地沙律菜唔止生菜，有唔同類型既菜拼埋，更加好食，仲有佢地中間夾左炸雞扒，小店炸野做得好好，香脆又保留到肉汁😚😚馬來咖哩豬扒飯 ($40)朋友未食午餐叫左個飯，下午餐價錢但份量都幾大，有兩大塊豬扒，咖哩汁好香好岩配飯😍😍豬扒包 ($35)另一個又係叫左豬扒，今次係包，豬扒香口鬆軟，個包夠哂脆😛😛跟餐紅豆冰加8蚊，紅豆夠腍夠香好好飲😆😆 📍 澳莎冰室 (深水埗)深水埗福華街208號福江大廈地下208B號舖

周日休閒茶記下午茶 星期日出深水埗買呀 唔經唔覺 過咗lunch時間 一於搵間茶餐廳 食返個下午茶啦😄😄 聽講呢間新開張 一於試吓佢😉 重點係一家人一齊食😍 心裏便甜絲絲的🥰 眼見下午茶時段 都算暢旺 枱與枱之間都算闊落 坐得都幾舒服😌 法式西多士$35下午茶必選 厚厚西多 面上蕉香 加埋牛油🧈 滿滿的滿足感😄 脆炸雞髀$35有跟沙律同沙律菜 雞俾真係皮脆肉滑🥰仲充滿肉汁😄 脆炸雞中亦$35份雞翼就揀咗跟薯條同沙律菜 雞翼炸得好香 係唔錯嘅小食😋 豬扒包$35麵包🥯焗到超脆 豬扒好香👍仲有蕃茄同菜 夾住一齊食 好味😋😋 🥤椰汁紅豆冰跟餐加$8今次都叫咗紅豆冰🤣 好耐飲一次 今次就係放縱一下啦🤣😅 🎈澳莎冰室 (深水埗)深水埗福華街208號福江大廈地下208B號舖

位於深水埗新開張冇耐嘅澳莎冰室，今日同朋友去睇完電腦零件，經過見到呢間，一於入去食個下午茶。我哋兩個人叫咗一份茶餐及一份常餐，價錢合理，仲加多一份西多士share! 🔸下午茶餐🔸🔥XO醬炒公仔麵（ $40 ）碟炒公仔麵一上枱，出哂煙，香噴噴，就知好夠鑊氣！望落去色澤都好吸引。味道香口，配料亦都足夠，感覺啱啱好，唔會覺得配料仲多過公仔麵👍🏻茶餐來講算幾大碟，仲包一杯冷熱飲品🤭🔹常餐🔹🐂招牌沙嗲牛肉麵（$42）配🍳火腿奄列、🍞丹麥多士黎到冰室，梗係要是招牌常餐—沙嗲牛肉麵！外表同普通茶餐廳牛肉麵一樣，但係味道就好出色。沙嗲醬好濃郁，令到成個公仔麵好香。公仔麵方面，麵質唔會太淋或者太硬，值得推介！火腿奄列入面，除咗有火腿絲之外，最令我哋驚喜嘅係有鮑魚絲！至於丹麥多士，餐廳有烘底到金黃色，絕對唔馬虎🤫🍞法式西多士（$35）港式下午茶又點少得西多士，西多士炸到金黃色，外脆內軟。入面好多花生醬，唔怕肥又鍾意食甜嘢嘅一定唔好錯過！

過開黎搵屋企人，經過呢間冰室，位置係內街，見新開就試下-蒜蓉炒雜菜 $63菜大大碟，有穫氣，炒得夠味，菜新鮮唔會老-蜜汁薯仔炒牛柳粒 $65薯仔外脆內軟，牛柳粒餸飯好惹味。蜜汁味好重-口水雞（半隻）$95 份量好夠，大碟，足半隻，雞好滑唔老入味-椒鹽豆腐 $63椒鹽惹味，送啤酒一流，椒鹽可以再多啲，濃味啲甘就再正啲小菜大部分$6X-$9X，大大份，包埋飯，野飲同羅宋湯，性價比好高，夜晚唔煮飯可以落樓下搞掂😋餐廳價錢經濟實惠，老闆好好人，會同食客有傾有講

星期天大清早，約了好友到深水埗電腦商場買零件升級電腦。行下睇下都唔記得左過灑食飯時間，都係醫肚後再血拼。好耐無去深水埗，估唔到疫情後時代，深水埗好多食店都煥然一新，文青風格，傳統老店，惹味小吃，全部共冶一爐。可惜很多店都人滿為患， 長長嘅人龍令我們卻步。走著走著打算到長沙灣醫肚， 怎料在福榮街尾，發現一間新開的小店，就在中電斜對面。店門外華而樸實，很有老香港傳統冰室風格。 畢竟行逛得太久，而且回電腦商場只有數分鐘的路程， 毅然到店內一試。一進店門，涼涼的冷氣爽送 ，服務員殷勤熱情的招待令我們印象深刻。由於太肚餓，又過了正餐時間，我們急不及待點了 他們的下午茶套餐，以及冰室必有的常餐。我們分別點了黑椒雞扒炒烏冬， 還有沙爹牛肉公仔麵配炒蛋。 點餐後不久，炒烏冬已經準備好了。師傅把烏冬炒得熱騰騰 ，火候十足， 焦香直撲鼻腔。雞肉爽嫩彈牙， 洋蔥，紅蘿蔔絲，韭菜王， 芽菜花， 所有配菜渾然天成， 未品嚐已經有滿分視覺的享受。除了主菜衝擊味蕾，朋友點的常餐我也忍不住偷嘗一下。炒蛋奶味香濃，爽滑油而不膩，蛋香停留在舌尖上良久不散。最後想在這裡讚一下它的紅豆冰。紅豆冰在很多冰室已不常見，這裡的紅豆

今日同女朋友黎到深水埗行行下覺得肚餓就經過呢間小店茶餐廳女朋友又咁岩想食小菜就決定入去試下！店舖簡潔光猛餐牌有好多選擇，小菜款式齊全實有一款岩你如早一點，下午茶都好吸引例湯呢個老火湯好足料d精華係哂個湯到味道好濃郁又開胃係真材實料滑蛋炒蝦仁滑蛋並沒有全熟而是6,7成熟係最合適既程度帶有少少流心效果蛋好香滑，配上爽口既蝦仁味道好夾土魷蒸肉餅肉餅肉味香濃再加上肥豬肉既香口成個香味充斥口腔加上彈牙鮮味既土魷點上甜豉油係勁好送飯！我食到停唔到啫啫生菜啫啫味剛好唔會太咸令到生菜都可以咁惹味值得一讚