澳洲牛奶公司

营业中

休息中

👍🏻雞蛋三文治 $20滑蛋份量十足！夠厚夠滑身，蛋味好重🤪炒蛋用左牛奶炒，所以食到陣陣既奶香😋份炒蛋唔怕油淋淋，令到個麵包好油膩👍🏻生熟度啱啱好，怕生/過熟既朋友都啱食😆味道：9/10性價比：9/10-📍#澳洲牛奶公司 佐敦白加士街47-49號地下#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #佐敦 #佐敦美食 #佐敦好去處 #黃店 #佐敦黃店 #黃色經濟圈 #澳牛

澳洲牛奶公司出名環境高壓 未食完茶餐 已經企你附近幫你執嘢 落order稍為慢少少 麻甩佬店員都會啤你串你 偏偏餐廳咁多年來仍然大排長龍 可能就係憑着佢呢個本土港式「真性情」 餐牌選擇並唔多 點完幾分鐘就有得食 被港人稱作「光速餐」 好啦 介紹吓食物先 不外乎都係食茶餐炒蛋多士 炒蛋夠滑 牛油多士脆口就係人都知 教大家多一個食法 就係多士灑啲砂糖 對甜食喜好者來講 真係好滿足 (不過真係好肥…) 今次再介紹兩個secret menu 茶餐嘅叉燒意粉 其實可以轉做滑牛肉 牛肉質素都唔差 另外再特別試咗「果汁凍鮮奶」 據說係今年四月先出 一上枱見到原片橙 放上一杯鮮奶上面 入面冇放冰 飲入口涼涼哋 好順滑 Um…味道都幾得意 甜甜的 但說不上好濃果汁味 好特別 成份應該有橙汁+牛奶+花奶 食完茶餐 不妨單點一杯嚟試吓～  整體性價比：🦖🦖🦖

傷心的燉奶係天意的安排或是係心情嘅倒影本來想去食個All Day Breakfast 但 Cafe 無咁早開 （笑）於是去都賣早餐大名鼎鼎嘅澳牛一早去到都已經大排長龍行過雪櫃見到水珠和倒影不禁有感。而影Edaciousness 7/10心情影響視力

:: 澳洲牛奶公司 ::由細食到大，街知巷聞、中外馳名嘅茶餐廳。同屋企人食咗N次，印象中第一次食係幼稚園hahahah。之前因爲武肺停業咗一排，一開翻兩老就話要去食，結果晨早十點去到已經排緊隊-,- 。；早餐 $38最掛住個炒蛋（好有動感😂)，滑得嚟有奶香，食過咁多炒蛋都係呢個最得我心，配埋烘過嘅厚多士就係perfect池嘅早餐。通粉正常發揮，不過我鐘意叉燒意多過火腿通，可惜早上無啦o(｀ω´ )o。；鮮奶燉蛋白 $30必食之選，質地動L動L，又滑又香。今次食仲覺得佢無之前咁甜，非常好，💯。

今日同女朋友去食澳牛，今日雖然係星期六，但都唔算多人，我地排左3個字就有位了~我地一齊叫左常餐：🍜粉麵： 牛肉／叉燒+意粉／通粉🍳火腿蛋：西煎雙蛋／炒蛋🍞麵包：多士／方包叉燒意粉，雞湯底香濃~叉燒半肥瘦，意粉唔太淋，好食 （個人鐘意加好多好多胡椒粉）火腿炒蛋，火腿無煎，普通；不過炒蛋好滑，好夠味~多士，鬆軟牛油多士，熱烘烘，外脆內軟☕️加埋杯茶走，茶香奶滑， perfect!3個字就食完呢個好好味既早餐!好有效率!有可以出發去拍拖lu~

/ 「澳牛」開喺公司附近真係好開心🙈，成日早餐諗唔到食咩，都會揀食佢，因為真係好似上左癮，中左毒咁🤩！前一日同同事就買左三文治🥪外賣返公司食👍🏻💬澳牛既火腿炒蛋三文治🥪真係好出色，好好食，真係會食到上癮😭😭😭！然後到左第二日，同同事可以坐低食，異口同聲話「不如再食澳牛」📍早餐 (火腿通粉) $38💬通粉又係第二個好出色既地方⋯(我同同事每次食都一定要加胡椒粉落通粉，加完真係會再好食好多🤩🤩🤩👍🏻)澳牛真係會令人食上癮，就算要排隊都會排黎食🙈，員工服務態度其實好左好多，個個都好講得笑，唔錯🤣！

同朋友喺尖沙咀食完飯想食甜品，於是就行去佐敦食澳洲牛奶公司，因為佢嘅燉蛋白燉鮮奶係我最愛嘅甜品之一，每碗$30 ，冷熱同價，喺門口就見到佢仲係用緊傳統嘅冰櫃雪燉奶同燉蛋，用嘅都係傳統嘅玻璃碗，因為天氣太熱所以我今次揀咗凍嘅，佢嘅牛奶味好濃，而且超級滑，我食過凍同熱，不過唔知係咪心理作用，我覺得凍嘅比熱嘅甜，可能雪左個甜度提升左？？如果佢有減糖版就好啦！但係我覺得熱嘅蛋白燉鮮奶比雪凍嘅更滑，所以我下次會食返熱既

自從疫情出現冇咗遊客，而家食澳牛唔使成日排隊，只要係非繁忙時間嚟食就可以直接入餐廳，澳牛係香港人嘅茶餐廳，完全感受到香港人速食嘅文化，入餐廳秒速落單，秒速上菜，呢間餐廳好多侍應，所以一個侍應對幾張枱，好快照顧到你嘅需要，侍應見到我抱住個袋，自動波拎張凳俾我放袋好貼心，佢嘅茶餐$46 ，唔算特別平，佢嘅通粉雞湯味都幾濃，叉燒比較硬，我鍾意佢塊牛油多士夠香脆，奶茶都算濃滑，加上澳牛係黃店，黃店一定要撐！！

基本上澳牛嘅味道唔使講大家都知😋十年如一日最愛佢嘅炒滑蛋💖💖黎得澳牛多🧐就知道呢到店員都係鐵漢柔情🤣🤣🤣雖然有時講嘢好粗魯但係佢見到你拎得多嘢或者有特別情況都會特別安排一啲比較好嘅位置比你❤️🔥人情味喺呢度嘅最愛至愛👍🏻

#港式eatcovery💡有水準嘅香港人快餐朝早返工趕時間，諗都唔洗諗，一定要食澳牛，快靚正❤️🍽腿蛋三文治包裝好靚，一打開三文治排得好整齊，唔會壓偏，又唔會俾三文治嘅熱氣整到腍曬，未食就已經心花怒放！烘底夠脆，澳牛炒蛋不嬲都係招牌貨，食落唔會濟、唔油，仲好滑、蛋味十足！加埋火腿多一層口感。好大份，女仔未必食得曬兩份，值咁好味，女小編就點都要食曬😂😂🍽 牛肉三文治牛肉偏咸，食落比較「寡」。烘底包都keep到個水準。相信牛肉加蛋會好味啲🤣🍽 凍奶茶澳牛嘅奶茶都唔洗講都知出色！茶同奶嘅比例啱啱好，夠曬滑，少甜茶味更出！ps/澳牛哥哥好好人，做野快手，令小編唔洗遲到又食到靚早餐💛推介度：⭐️⭐️⭐️⭐️⭐️📍澳洲牛奶公司佐敦白加士街47-49號地下

🍳炒蛋點可以少左澳牛🤤排隊果陣問侍應可唔可以唔搭枱👀佢都比我地等面壁枱☺️之後食得慢又無趕我地走，其實都幾有禮貌🤣圖4-5有餐牌😉🌟🌟🥪腿蛋治 ($22+1 烘底)炒蛋好足料夠哂厚! 口感真係好嫩滑😍唔過生/熟，我覺得個火喉岩岩好😋蛋味都香濃，暫時係我最鐘意嘅炒蛋🥰如果有邊間🍳好食歡迎話我知😙呢個價錢無得輸，烘底係基本啦😏滑蛋咁重都無整淋塊包😆我印象中好似以前奶味濃啲?🤔🌟茶餐 ($46)有牛油多士🍞火腿炒滑蛋🍳同叉燒湯意粉🍜熱飲☕️無諗過牛油多士可以咁香，塊包又新鮮，朋友仲話好味過我個烘底包🤣炒蛋就無腿蛋治嘅咁厚，質感上碎啲啲，我都係鐘意腿蛋治多啲🙈

一向出名效率極高嘅澳牛，今日嚟咗食佢嘅早餐。早餐時間已經有勁多人排隊，不過整體速度太快，又入座食嘢同買單都好快，所以等位都唔駛等好耐。野食不過不失，快靚正之選。火腿通煎蛋多士，超大塊蛋，同埋個蛋都真係夠滑，可以揀煎蛋 or 炒蛋。通粉係金寶雞湯底，又幾濃郁香甜，不過 d 通粉就有 d 太淋，多士可以再烘濃 d 侍應其實比我感覺都好 nice , 只係效率太快，好似咩都好急，都幾有香港茶餐廳特式，落單同食都好似好急咁，不過其實食得慢都唔會催你。

係佐敦睇完醫生，食澳牛極速醫肚再搭巴士返屋企。要排隊，但等左唔使5分鐘就入得。多士同炒蛋係唔錯！多士係即烘，上枱仲熱同脆。其他就正常發揮，熱華田就一般，好淡，唔夠濃。

.📍澳洲牛奶公司📍 #饅頭去佐敦我要幫澳牛叔叔平反下，其實佢哋可以好nice㗎 (可能少咗大陸客)！ 前提係你要入座前就諗好食咩，基本上跟到佢哋嘅Speed就冇問題。P.S. 媽咪話我哋可以喺嗰度逗留20分鐘好神奇😂。------------------------------腿蛋文治 烘底 ($22+$1)落單轉過頭就光速上碟，效率毋需質疑。切皮方包經烘烤後變到挺身香脆，厚厚地咬落去Fluffy好有滿足感😆；火腿冇煎過但品質唔會過凍嚡口，陪襯食物嚟講係合格水平。炒蛋係重點，足料豐盈，嫩滑中帶點蓬鬆😋，蛋同奶味都非常濃郁，蛋汁增添口感🤤，仲有少少牛油鹹香；整體層次外脆中鬆軟內香厚，味覺碰撞一流，係世界級嘅腿蛋治。❤------------------------------蛋白燉鮮奶 ($30)表面純白平如鏡面，火候控制得啱啱好，保持到液態平固體嘅狀態，香濃嘅牛奶甜味🐮同蛋白混合嘅味道係無敵，入口暖暖地，口感滑溜細緻再化開，好正啊😍！唯一嘅缺點就係甜得濟，宜少食多滋味。------------------------------整體評分：8.0/10小編回頭率：7/10

星期日一點半左右到澳牛 都估到會大排長龍 所以決定同女朋友做完野先再去 大概三點半去到 唔需等 即時入庭澳牛出名簡單同快 叫左個常餐 兩分鐘就到叉燒意粉最出名 個湯係雞湯 夠濃味 同埋意粉夠爽 叉燒偏瘦炒蛋好滑 應該加左牛奶 多士好厚好脆 牛油夠多 火腿普通 微微煎過 最後係凍檸茶 依家都轉左做熱飲杯 不過好細心 檸檬已經去左核 茶底夠濃味 叫左少甜 甜度剛剛好 因為唔飲牛奶 所以冇叫奶茶 試左啖gf叫奶茶 唔錯幾滑 常餐46蚊加2蚊凍飲 繼續保持高水平