澳斯林餐廳

营业中

休息中

今天下午，我同老公去咗奧斯林餐廳，地址係屯門兆康苑商場一樓215號。入到去，環境好舒服，啲服務員都好有禮貌。我一開始點咗份優閒茶餐，唔好講，粟米時菜魚柳飯真係好正！魚柳鮮嫩，時菜又脆口，仲有熱檸茶配搭，清新又解膩。老公則係特選下午茶，佢選咗吞拿魚火腿多士，搭配熱檸茶。多士外脆內軟，吞拿魚味道濃郁，火腿更添香味，實在係一個唔錯嘅選擇！食完之後，真係覺得好滿足，呢間餐廳真係值得再來。#奧斯林餐廳 #屯門兆康苑商場一樓215號

📍環境 & 地理位置：呢間街坊茶記坐落屯門兆康商場1樓，近輕鐵兆康站出口，行兩步就到。裝修走傳統冰室風，卡位闊落但走廊略窄，冷氣夠勁但油煙味稍重。餐廳都好多年喇，熟客多到可以同老闆瘋狂吹水講街坊八卦～ 🍚蔥油雞扒飯配午餐肉：雞扒煎到金黃微焦，外皮脆口，肉質嫩滑唔乾柴，醃得入味帶少少蒜香，淋上爆香蔥油撈飯一流！午餐肉厚切煎過兩邊，油香都夠。蔥油都出色，蔥香味好夠好啱餸飯👍🏻 ☕️熱奶茶：呢到杯奶茶都出名，茶底係濃郁路線，奶嘅比例啱啱好，入口順滑唔會澀口，係傳統茶記奶茶嘅口味！

去屯門做嘢，兆康站落車，去到商場發現冇乜食肆。唔想又食麥當勞；揀咗呢間奧斯林餐廳。叫咗個鮑片雞絲通粉，個湯幾好味。另外，有個多士同雞蛋。我叫咗個煎蛋多士，即叫即整都新鮮鬆軟。另外齋啡一杯；收費$36蚊。

星期六約咗舊同事喺大興邨打波，我哋先喺兆康站集合，諗住食個靚早餐先。選擇唔多之下，揀咗兆康苑商場呢間奧斯林餐廳。呢間餐廳話時話差唔多成40年歷史，兆康苑有幾耐，佢就有幾耐。其實佢仲有自家出爐嘅麵包同蛋撻，今時今日都好少見。我哋叫咗個鮑片雞肉通粉加多士煎蛋同熱咖啡。味道可以，$36位性價比算OK，因為雞肉都算大粒，鮑片也大塊,咖啡也可以。一路食一路聽老闆同啲茶客搭嗲，街坊街哩，另有一番滋味。

去咗新界西兆康做嘢，經過兆康商場，見到有間茶餐廳下午茶幾抵，又想食炒麵，就叫咗個乾炒豬扒烏冬，加左熱奶茶，個烏冬好夠鑊氣，好好味😋而且下午茶份量好足，成個午餐嘅份量

呢間真係由細食到大，試過咁多間餐廳嘅鹽焗雞，澳斯林呢隻真係完全冇得輸好入味好香，$160/隻 ，份量夠三個人食，好味到雞髀雞胸都會食曬🤤 每隔一排都一定黎食雞止癮🐓同平時食開嘅咕嚕肉有少少唔同，多咗啲粉紅色嘅薑(?) 好夠鑊氣，上枱嘅時候熱辣辣，送飯一流🍚 一定要趁熱食！除咗鹽焗雞同咕嚕肉，平時都有叫開椒鹽九肚魚、沙嗲金菇肥牛煲，不過今次得兩個人食所以叫唔到咁多餸😮‍💨 食咗咁多年都保持到水準，有時覺得有種越嚟越好味嘅感覺😆 老闆同員工都好nice，睇得出佢哋真係有心做好間餐廳❤️餐廳環境比較舊，始終都有好多年歷史，不過個人認為清潔程度可以接受👌🏻

今日同朋友嚟咗兆康商場食早餐，點知中哂伏首先員工態度散漫，叫咗個餐遲遲都唔上，將叫咗個餐俾咗另一台客人，問佢先知比錯左另一台客人，搞到要重新再整。等咗勁耐，但又趕時間返工。。。最恐怖係餐具好污糟，我哋自己用紙巾抹完，見到入邊有黑色一達達，勁恐怖另外全部野食都等左勁耐，最後終於上到個炸雞翼，點知未炸熟就上咗，一咬落去，入面有血。。。結果都係唔食得，貼錢買難受話就話出名菠蘿包，菠蘿包如果唔係免費轉都唔會特別叫，一啲都唔香脆，食物質素差，完全唔值呢個價錢，下次唔會再幫襯

因為工作係呢個屋苑附近，所以有時返工前又唔想煮飯，就會黎呢間茶餐廳醫肚🥢呢間茶餐廳位於居苑既小型商場入面，而且位置又比較入，所以平日既晚飯時間黎都唔算好多人，靜靜地又坐得唔會好迫，比一般既茶餐廳好👍🏻例湯足料👍🏻今日叫左涼瓜班腩，份量超大，可以足夠兩人份食🤓不過班腩炸粉太厚，加埋啲醬汁之後口感比較糊口，如果炸粉少啲會比較好。

其實茶餐廳的速食民化，已經不會深存厚望，但剛好到屯門找朋友，隨便的找著這店。進入舖面一切如常，服務員態度亦可以。接著下單便叫了蒸雞，蒸魚，咕嚕肉及炒飯。估唔到當餸菜送到我們枱時忽然有一種驚喜。接著當然是即刻開始進食。估佢唔到，蒸雞和蒸魚出奇地好味，優勝之處係夠嫩口，完全冇over cook.這是很驚喜的。至於咕嚕肉，我本人就覺得尚可（不過朋友覺得很好）。炒飯也藉得一試，因為真係炒到粒粒飯分開，很乾身👍🏻。終結每款餸菜的水平，真心想跟大家分享一下，反正原來茶記都仲有良心茶記嘅。值得一讚

他們說這裡的鹽焗雞很是出名。而且很久沒有吃過了。剛巧有人提議，所以便選這裡晚飯。坐下後每人提議一個小菜，她們同聲要了鹽焗雞。例湯先來，那湯的豬骨很是好吃。那雞來時也像以前一樣，水準不變，好好吃。再來是魚香茄子，放入嘴裡很是燙口，我未說完燙，有人已中招了。那茄子美中不足是沒有了好味紫色的外皮，被人"批去了"很是可惜。再來是忘了影相的玉子豆腐金菇扒西蘭花。那玉子外脆內軟，好好食。那味豉汁蒸排骨是最後。因是即蒸所以要等得久一些。可惜飯已吃得七七八八了，浪費了它好好味的豉汁。

今天落街食左個兩餸飯($110)最令我LIKE既係"梅菜蒸鯇魚"超大塊 個闊度有對筷子咁長試一口! 嘩.......................個肉質一D都唔老而且重好嫩滑每一個部份都好似食緊魚腩咁 正呀!!!

坐西鐵來到屯門, 因為不用兜市中心而在兆康站落了車. 另外時間只是4點幾, 口又乾乾地. 在這一個小小的兆康苑商場. 找地方hea一hea. 因為想靜一靜, 就選擇了這一間不甚就腳, 感覺比較人少的茶餐廳, 休息一下, 嘆杯奶茶.不想多吃, 又不想齋飲茶. 於是, 就叫一份西多士, 叫做"係咁咦"食返個下午茶.西多士, 算是有點卓頭的, 中間不限於花生醬同果占. 這兒的西多, 可以用火腿同吞拿魚等做餡. 又咸又甜, 應該會是一個幾怪旦的配搭. 一向身先士卒的我, 當然要試, 於是就叫了一份, 火腿西多士.一看就知道, 此西多士是炸的, 而且蛋汁沾得好足夠. 油力勁令到蛋花出哂黎. 食落, 外皮, 的確是夠哂脆口的. 加一片純牛油, 沒有開稀的糖漿, 這是一個非常之傳統既食法, 有少少恨, 為何不叫花生醬原味呢. 不過, 既然此餐廳有標奇立異的食物, 我當然也標奇立異的去享受它啦.因為是鮮牛油, 因為是濃糖漿, 而且夠熱, 令到鮮牛油完全的溶掉, 切一刀, 牛油像水般的滲入在西多士內. 這就是正宗的食法, 內外充滿牛油的西多士, 是絕對的味美. 覺得用上火腿餡會是標奇立異, 但食落倒是沒

話說當時我考緊試咁早放就落樓下食午飯平時小去呢間我叫左個學生餐(18蚊)我家姐叫唔肚餓就叫左個三文治食飯栗米肉粒飯普通到唔再普通你真係估唔到肉粒既味道係蒸排骨果個味飯唔係軟 係硬的算好又一餐唔好又一餐食完比錢走人23???學生餐要二十三???點解佢話兩個人叫一個餐係唔得要收原價十八蚊食碟飯就算la二十三真的接受不了今次事件我決定把心一橫不再惠顧它了