影片
📍环境 & 地理位置：呢间街坊茶记坐落屯门兆康商场1楼，近轻铁兆康站出口，行两步就到。装修走传统冰室风，卡位阔落但走廊略窄，冷气够劲但油烟味稍重。餐厅都好多年喇，熟客多到可以同老板疯狂吹水讲街坊八卦～ 🍚葱油鸡扒饭配午餐肉：鸡扒煎到金黄微焦，外皮脆口，肉质嫩滑唔干柴，腌得入味带少少蒜香，淋上爆香葱油捞饭一流！午餐肉厚切煎过两边，油香都够。葱油都出色，葱香味好够好啱𩠌饭👍🏻 ☕️热奶茶：呢到杯奶茶都出名，茶底系浓郁路线，奶嘅比例啱啱好，入口顺滑唔会涩口，系传统茶记奶茶嘅口味！
继续阅读
去屯门做嘢，兆康站落车，去到商场发现冇乜食肆。唔想又食麦当劳；拣咗呢间奥斯林餐厅。叫咗个鲍片鸡丝通粉，个汤几好味。另外，有个多士同鸡蛋。我叫咗个煎蛋多士，即叫即整都新鲜松软。另外斋啡一杯；收费$36蚊。
继续阅读
星期六约咗旧同事喺大兴邨打波，我哋先喺兆康站集合，谂住食个靓早餐先。选择唔多之下，拣咗兆康苑商场呢间奥斯林餐厅。呢间餐厅话时话差唔多成40年历史，兆康苑有几耐，佢就有几耐。其实佢仲有自家出炉嘅面包同蛋挞，今时今日都好少见。我哋叫咗个鲍片鸡肉通粉加多士煎蛋同热咖啡。味道可以，$36位性价比算OK，因为鸡肉都算大粒，鲍片也大块,咖啡也可以。一路食一路听老板同啲茶客搭嗲，街坊街哩，另有一番滋味。
继续阅读
去咗新界西兆康做嘢，经过兆康商场，见到有间茶餐厅下午茶几抵，又想食炒面，就叫咗个干炒猪扒乌冬，加左热奶茶，个乌冬好够镬气，好好味😋而且下午茶份量好足，成个午餐嘅份量
继续阅读
呢间真系由细食到大，试过咁多间餐厅嘅盐焗鸡，澳斯林呢只真系完全冇得输好入味好香，$160/只 ，份量够三个人食，好味到鸡髀鸡胸都会食晒🤤 每隔一排都一定黎食鸡止瘾🐓同平时食开嘅咕噜肉有少少唔同，多咗啲粉红色嘅姜(?) 好够镬气，上枱嘅时候热辣辣，送饭一流🍚 一定要趁热食！除咗盐焗鸡同咕噜肉，平时都有叫开椒盐九肚鱼、沙嗲金菇肥牛煲，不过今次得两个人食所以叫唔到咁多𩠌😮💨 食咗咁多年都保持到水准，有时觉得有种越嚟越好味嘅感觉😆 老板同员工都好nice，睇得出佢哋真系有心做好间餐厅❤️餐厅环境比较旧，始终都有好多年历史，不过个人认为清洁程度可以接受👌🏻
继续阅读
您可能会有兴趣的...