影片
潮龙园真的好好食，日日都嚟食同啲姐姐都熟咗🤣炸酱面系日日order成条街食落嚟都系龙园最好食 30出头一碗粉面真系粮尾恩物😆 鱼皮饺超级新鲜，崩沙腩又好弹牙，真心推荐大家试一试👌返工喺荃湾经过都会食潮龙园收工返沙田我都会带埋男朋友一齐食佢都话好好食🤤 男朋友钟意食咖喱牛腩饭，咖喱汁好好味有椰奶的香味 仲有薯仔嘅黏稠，都唔系好辣，我一个唔食辣嘅人都可以接受而家啲姐姐同我讲生意淡咗好多，我真系估唔到㖞🤔咁好间舖头又抵食又平啲服务又好，希望潮龙园加油撑住呀👏沙田街坊的福音👍真心推荐大家来帮衬❤️希望可以一直开落去👏🙏❤️
继续阅读
午餐时间去到河畔，想食嘅都要排队，可能是星期日吧！正在发愁要吃甚么，发现一间新开的粉面店，门口排了少许人，好彩一位不用等，幸运🤩🤩坐低未够一分钟，店员就要求我坐另一张枱，因为张枱可以坐两位😩，明白地方浅窄，不过呢个处理方法并不理想，亦系香港餐厅经常犯的错！佢哋餐牌都算大，有饭有面有小吃，不过实在人多，未有认真睇完我已经叫了一碗牛杂河走肚+冻柠茶。厨房出餐都算快，不用等太耐，份量十足，汤略嫌偏淡，牛杂味道正常，火候准确！不过辣椒油就唔掂，完全冇渣剩系得油，失败！用餐途中不停听到店员送错枱和落错单，可能新开店大家未熟习，总括嚟讲是合格的一餐！是日消费：牛杂河就到肚$35 冻柠茶$8 共$43
继续阅读
沙田河畔花园，新开咗一间潮龙园好抵食，食咗一个咖喱牛腩饭。四十几蚊仲包埋野饮。咖哩唔会好辣，咖哩汁好浓郁，牛腩又够味,杯奶茶都有茶味，我无谂到粉面店嘅奶茶都咁好饮。净水饺好爽口,云吞虾又大只。炸酱米线，啲米线一流，啲炸酱汁都够哂味，肉丝又大条。之前喺荃湾都食过呢间潮龙园,觉得品质一样好。终于喺沙田都等到潮龙园喇，太好喇。汤够热,茶又好饮。以后佢就我嘅饭堂喇。希望佢继续保持水准我都会介绍朋友过嚟食嘅。同埋要赞一赞，呢度啲卫生都几好，好干净。成日睇到伙计嘅搞卫生。服务态度都好好，一定会再嚟过。
继续阅读