影片
依间鱼蛋皇食过几次....虽然环境一般, 装修是普通茶记的装修...也坐得比较迫,其他食物普通...但牛腩整得相当有水准...而且招呼有礼！等候时间合理,唔会话等好耐！今日中午叫了个牛腩河同腐乳通菜！牛腩肥瘦适中，入味又唔韧，份量唔少，起码有六七旧！牛筋软淋，入口即溶！其实夹起𠮶阵时已经感觉到好淋。汤底加了腩汁，有浓郁鲜甜的牛味~~河粉吸收了腩汁超好味呀！食完意犹未尽！腐乳通菜啲通菜够翠绿同新鲜、咬落爽口！腐乳酱份量又啱啱好！
继续阅读
其实每朝返工经过呢间铺果阵, 都闻到好香. 心成日想入去试下, 终于今日Lunch time走嚟试~~都好多选择,最后要了牛筋河同油菜...牛筋河，炆得入味，又有胶质柱候牛腩酱够入味、份量十足。河粉选用较细既河粉，相当滑溜！汤偏咸及重口,可能过多腩汁！倘若爱辣之人记得要落辣椒酱，味道会加分啊！油菜系腐乳通菜, 腐乳适量通菜爽口嫩绿！卖相得入口亦掂~午市时候虽然要搭枱,四十零蚊已经食得好开心,完全冇压力｡虽然地方唔系好大,环境我觉得接受到~
继续阅读
性价比超高的一间潮州粉面馆。疫情期间任何粉面加10元可以送油菜和饮品实在超划算，所以进来试试。点了最基本的云吞面+腐乳通菜+热斋啡才38元。性价比爆棚。不过老实话云吞面做得一般般。云吞粒比较小，汤底也不是正宗云吞面汤底。不过味道还是可以的。再加上这个价钱你实在不能要求太多。腐乳通菜还可以，只嫌腐乳酱实在放得太多太咸。反而我最欣赏是那杯热咖啡😂这里装修算是干净。服务属于正常水平整体不过不失。想便宜点吃一顿的话是值得推荐。
继续阅读
前两日同同事去左位于湾仔嘅潮隆泰食晏, 之前同事试过呢间餐厅, 话lunch几抵食大食妹一于去睇一睇<京都炸酱面>大食妹嗌左份炸酱面, 份量唔会话好大, 但炸酱几足料甜甜嘅炸酱捞面食味道唔错仲有送汤, 俾你食落唔会觉得太干加多10蚊仲可以跟菜同饮品, 大食妹拣左通菜腐乳太多, 有啲太咸, 建议大家叫腐乳另上, 咁咸度就可以自己调整<冻柠茶>冻柠茶味道standard, 不过不失Overall, 42蚊可以食到咁多野, 潮隆泰嘅性价比可以话系above average
继续阅读
公司附近的潮式粉面店，本身已经算抵食，最近推出抗疫价，加10蚊有油菜同饮品！食咗墨丸河，墨丸做得唔错，算系弹牙，唔会好似食紧一团面粉咁样！佢地用嘅系较幼身嘅河粉，食落够滑身，亦唔会一夹就断，比好多粉面店出色！加咗一碟通菜，睇得出呢个腐乳汁系有诚意嘅，色泽金黄油润，舖满在菜面，食住啖啖沾满腐乳嘅通菜，都几有满足感！附带一提潮隆泰嘅辣椒油做得出色，辣得嚟够香，亦无一般潮洲辣椒油咁咸，为碗面加分不少。总体而言，潮隆泰性价比高，环境干净卫生，服务都唔错，会继续成为我同同事嘅饭堂！
继续阅读