潮輝麵家 (已結業)

百物騰貴，在新蒲崗往往有驚喜發現。在朝暉麵家這個位置，已轉了兩三手。今天來到，又轉了麵店。麵食好平，幾乎全部$27，油菜$8，冷熱飲品$8……邊度搵？有麵食大大碗，有四粒雲吞，雲吞是大大粒的。不過，要平，就不能可求質素，算是中規中矩啦。鳳城水餃河粉，也是大大碗，四粒大大粒的水餃，加了腩汁，都幾好味。兩杯飲品……茶味不夠。菜呢？就值得一讚！這兩三個禮拜，菜價好貴，一碟菜，只$8，真是童叟無欺！街坊小店……希望疫情下，這小店能捱下去！加油！！

星期二晚上我在新蒲崗「寧遠街」某商場裡面，購買和飲用完一杯水蜜桃梳打飲品之後，立刻回到新蒲崗的街頭裡面，看看還有沒有其他食店，可以讓我食到「牛腩麵」或者「牛腩飯」。結果我在「寧遠街」商場附近的街道「崇齡街」，「崇齡街」旁邊新開的潮州粉麵店「潮輝麵家」裡面，找到我渴望已久的「牛腩」跟粉麵食品。「潮輝麵家」的樓面內沒有電視機，所以環境除了食客聲音之外，大致上都算是頗為寧靜，而且「潮輝麵家」環境尚算潔淨，地板沒有污漬。而且我發現「潮輝麵家」裡面雖然沒有「牛腩飯」，但是有跟「牛腩麵」有關的潮州粉麵食品，不只有「牛腩麵」或者「牛筋麵」那麼簡單，而是有集齊「牛腩」、「牛筋」、「牛肚」三款的潮州牛肉麵。而且「潮輝麵家」有一次過集齊「牛腩」、「牛筋」跟「牛肚」三種牛肉在一起的綜合潮州牛肉麵食品，食品的名稱叫做潮州「牛三寶麵」。我已經很久未嘗試試過，有齊「牛腩」、「牛筋」、「牛肚」的「潮州」牛肉麵，反而台灣牛肉麵裡面有很多「牛肋」、「牛腩」、「牛」可以享用。「潮輝麵家」裡面廚房製作出來的「牛三寶麵」，「牛三寶麵」裡面的牛肉食品實際份量，對我來說已經不算少了，至少有幾枚大粒的「牛腩」可以享用，幾乎肯定還

光顧多次，二十多元一碗粉麫，現在賣少見少，這次吃了魚蛋河，魚蛋味道適中，而且也是很爽口。湯底不太鹹，河粉爽滑，正是香港常吃到的粉麫味道。喜歡吃辣的，可以加少許辣椒油，可令河粉味道提升。

夜晚收工經過呢頭，天氣涼涼地又諗唔到食咩，見度呢間粉麵檔環境唔錯價錢又平所以就入去試下。 入到去環境算寬敞，叫左碗牛雜麵加杯凍檸水。牛雜都算夠淋同入味，不過牛腸有少少韌，可能炆得唔夠耐。麵質算唔錯，有微微鹼水味，可以接受。湯底方面不過不失，起碼唔係死鹹同埋味精水，食完又唔會話好口渴。因為我曾經食過幾間粉麵檔d湯真係得過鹹字，價錢又唔係平，可能係租金問題喇。下次可以試下清湯。 一碗野$25加埋飲品$8埋單$33，以呢個價錢呢個質素同環境，算係相當唔錯。

今日同個仔中午去幫襯食粉麵，叫咗兩杯飲品一送到嚟兩杯飲品入面都有好多黑色一點點，我同個樓面講叫佢換，佢仲同我講俾咁～啦！因為啲冰係叫返嚟啲冰有污糟，換過杯都係一樣又唔肯同我換又唔取消，所以我叫個仔唔好飲，我就飲咗少少之後番到屋企個肚有啲唔舒服痾咗一次，依家個肚都仲有啲痛！咁～食物水準同服務態度之後我都唔會再去光顧依間咁～食肆！真係非常極之唔乾淨同衛生！大家如果想去幫襯都要小心啲仲伏搞都好似我咁就無謂啦！

叫左個魚三寶米線, 即係魚蛋, 墨魚丸同魚皮餃。米線完全無味!! 就算清湯都5係咁呀? 魚蛋好空氣感,我5中意, 墨魚丸好粉....魚皮餃個皮好硬, 都5知煮熟未....另叫左個豬手, 就反而幾好, 30蚊好大碗, 切到細細舊, 方便食, 入味得來5咸, 夠林, 5錯。

平日食晏係好多地方都要等位，e一間地方大，位多，一碗麵都係$25起，直頭係窮L恩物！當然，咁嘅價錢，有碗正正常常嘅麵食，算係咁！唔敢講佢係好食，但叫5難食，而且我今次叫的是牛雜麵加底，餸份量係5多，但加左$7麵底後，食哂都飽肚ge，但男人吃5加底就一定5夠飽😂😂Anyway，如果下次糧尾的話，我都會再來食食ge🙈🙈🙈雖然係平民小店，但都有得用八達通或支付寶比錢，5洗成日找到一身都係散銀😂🙈

新蒲崗有很多麵舖，但普遍都價錢較貴和分量少，呢日無咩飯癮，想食麵，行下行下見到呢間潮輝，咁就入去試下啦，進去地方還可，不迫和窄，幾好坐，看了看餐牌，要有的都有，咁就試下你啦，叫了一碗牛什河，一碗細的淨豬手和一杯凍奶茶。麵來了，現在來說都不細碗，還幾多牛什，d腩汁好正好濃郁，牛什食得出幾新鮮，到豬手，超有驚喜，通常食豬手麵都是得兩三嚿的，但呢個淨食豬手，雖然是細的，但都有成十嚿八嚿，感覺上好抵食囉，都叫做彈牙和有幾多膠質，不像一d麵舖得骨多過肉，算啖啖肉，食得好滿足，杯凍奶茶都幾好飲，夠滑夠濃又足茶味，麵舖來說，呢間都算食得過，好味的

平時好少入去呢區 但咁岩呢幾個月都要去一去新浦崗整野。咁就是彈搵一間 點知又撞到好食既店播第一次食 就試下佢招牌牛三寶 睇下招牌野水準如何 同埋都唔貴只係35蚊點知三樣都幾好食！ 牛腩好霖滑唔會痴牙 牛筋算係軟身的彈 唔會係太硬又唔會太軟個款三款都好入味 仲要份量唔少 超抵食！到第二次去食就再食番三寶 見佢有伊麵食 就試埋 因為都唔係到到粉麵有伊麵食 仲要只係加兩蚊牛三寶水準keep到 伊麵係新鮮貨 唔係壽x牌好好食凍飲係加8蚊 價錢可接受 因為都係大杯裝

好笑~ 上星期日去買外賣時漏左野畀我~今個星期日我媽又去買外賣時... 同樓面哥哥講返上次漏左個餸但又冇電話既事件後...哥哥仔話上次發現左後, 幾驚我地以後都唔返黎~~~我都講左啦~ 呢間D野係好食既, 只係冇電話好慘豬咁解者~揸住架車買外賣通常都會搵地鋪既, 因為要搵位泊埋一邊又要快手嘛~好食既地鋪唔多架~ 所以野食唔太差, 服務又OK既我地都會KEEP 住食既~今次真係叫廚房畀返我地呀!!!!不過我今日食飽左.. 哈哈~ 所以只嗌兩碗.一碗牛三寶$35, 同一碗 牛腩麵. $24.今次就將上次漏左既加返落黎碗度畀我~抽返D 牛筋走重有咁多牛腩~我堆遺失的牛筋返返黎喇~都係好淋~~~好入味~~不過...佢地都係冇電話既...可能驚畀人玩野落左單唔黎羅啦~~ 

今日星期日落雨， 爺爺個工人姐姐放假， 咁落雨就唔出街食喇， 天雨路滑 老人家唔方便嘛。咁就去開車去新蒲崗買外賣返去彩虹村陪爺爺食啦。$23蚊就有一碗粉。好抵食。買四碗粉， 另加兩個菜， 一個豬手。連埋每碗外賣加一， 一共$171.羅完返到去先發現 我碗雙拼既黑椒牛丸加牛筋 , 錢就收左， 我個牛筋就唔見左。。。諗住打返去話佢地咁大意， 點知open rice 同埋外賣紙都冇電話。。。。雖然只係7蚊。 但我呢刻好想食既餸又冇左係好唔開心。。。。重要冇電話冇仇報wor! 錯哂呀唯有係我媽碗牛三寶度羅返d 筋食。係好味既， 夠淋又入哂味，豬手都好好食。 一碗細既都有成7-8舊d 菜就比較少喇。 唔抵食。 8蚊一個菜重要加一蚊丹賣盒， 既好咁少份量， 不如一個盒裝哂去算啦。 慳返個盒又慳返一蚊。 整體d 餸都係好味既 不過我就好唔開心少左個餸咯

位於新蒲崗圖書館附近，有間老牌粉麵店，我朋友話呢間啲牛雜唔錯，尤其是牛腩，拍得住出面XX清湯腩! 於是今日兩支公就去試下 ！裏面地方普普通通，加上今日係賽馬日 大部分都係麻甩佬 好鬼死地道！ 我們點了牛什米及牛腩米，估不到牛什米都幾豐富 ，除咗有靚嘅金錢肚、豬腸又有牛蒡…… 牛腩真係有些少似出面嘅清湯腩，再睇埋個價錢 真係十分之街坊難怪中午下午茶時間都吸引到大批客人，講真有時食嘢無需要太高的， 簡單的食物，街坊都食得十分開心！呢間粉麵檔，下次再來新蒲崗我都會再試！

今日夜咗少少開餐，唔可以食得太豐富添，新蒲崗真係最多又平又抵食嘅舖頭仔，LEE間魚蛋粉舖頭新開咗無幾耐，又走咗入去試下。一間普普通通嘅舖頭，餐牌上面竟然都有三寶，哈哈，最後當然係食佢啦！牛三寶：五香牛腩，金錢牛肚，爽滑牛筋，我自己就揀咗LEE款配米粉，同另一半交換下餸，我同佢都變咗做六寶米，哈哈哈！LEE間嘅牛腩同牛肚都好有味道，如果再淋D就更好喇，牛筋都算淋，湯底又OK，整體嚟講都幾好味，LEE個價錢，佢真係好多牛喎，三寶都多，感覺比米粉還要多，堅抵食喎！魚三寶：手製魚旦，爽滑墨丸，魚皮胶，另一半就揀咗LEE款，佢都係配米粉。除咗墨丸麻麻地之外，魚旦同魚皮餃嘅味道都可以。

路過見新鋪開張，一於試下。叫左碗牛筋腩米粉，牛腩好正好入味，牛筋滿滿膠感，唔錯，而份量多到差不多蓋過哂成碗麵，可能新開張特別多料，！而價錢比同類食店要平！值得一試！

換左新舖，份量足，價錢仲keep到，食物水準冇下降，lunch黎到叫左個牛三寶拼河粉，一次過滿足晒我3個願望，以前要分幾次食，今次可以一次過食晒牛腩，牛筋，牛肚，牛腩不會太瘦或者太肥，唔會太靭，軟腍適中，牛筋爽脆，不似其他地方將牛筋煮得太腍，抵讚，而佢地既牛肚煮得非常入味不會太淡口，亦係非常之爽脆，希望食物水準能夠長期keep到，而餐廳衛生情況比以前改善左唔少，依家非常非常之乾淨，希望呢樣都要keep得到，唯一我不太滿意飲品比以前貴左少少