影片
我一般特别难食或者好食，先写食评。但系呢间写嘅原因，系因为佢对员工态度极差。利申出呢个食评绝对唔容易🤣🤣咁话说我有日行开附近，想食牛腩饭，就入去呢间街坊店。一入去，无人招呼，我就自己坐低。跟住员工就行黎问我食咩（态度好好嘅）Order个饭个阵，会拣食咩菜。咁员工唔记得左，就问另一位女士有咩菜（应该之前都有问过几次）呢个时候事头婆系煮面个位开始黎了，系咁讲：「****，做咁*日都记唔得，提左咁多次，你系咪有病？…」下删100字。我开始觉得有啲难受，就算做错嘢都唔需要俾人咁人身攻击。但原来未完，到我个饭上黎，事头婆系我隔离执嘢再大声闹：「有咩理由成日做错….留系度做咩。…」我觉得好愕然，啤左佢一眼，佢无咩反应。然后到我差唔多食完，事头婆加另一位女士再一次系前面面档继续闹个位员工。我呢20分钟真系食得好难受。去过咁多间餐厅，呢间真系第一间可以当住客人面大声粗口横飞、人格侮辱员工。但系无论佢啲牛腩几好食都好，我都唔会再帮衬。佢地个种对员工嘅态度，再加上对客都系无表情，令我觉得去食饭=去受气。
继续阅读
如果唔想比钱买难受 ，真系唔好食 ！谂住夜晚唔知食咩好 ，想清清地 ，买碗鱼旦河食 ，呢间未食过 ，谂住去买黎食下 ，去到见到间铺都唔系咁干净，都冇所谓，食碗鱼旦河，唔想咁高要求，咁叫左碗鱼旦河，谂住想出声叫多个菜，佢又扮听唔到，自己行开左，跟住同佢讲，唔好意思，加多个菜，个呀姐就弹左句：咩你咁烦，又加多样野，我好忙嫁，但事实上间铺系冇咩人，系我眼花，定你地唔忧做？其实如果你地唔想做生意 出声啦 土瓜湾都好多选择 又唔系特别好食！
继续阅读
搬来土瓜湾工作快十个月了偶然间见到呢间潮式鱼旦粉店好想试吓⋯⋯终于找到机会坐下来一试其实来之前也上过OpenRice 睇吓网友食评果然有少少🤏⋯⋯意见入到店内有好多司机叔叔在食饭系呀有饭食。。。不过我目标系试鱼旦河坐下五分钟无人招呼因为刚有人落外卖单想睇吓餐牌⋯⋯OpenRice 上有已经是2018年。。。现场系⋯⋯叫我自己睇墙上无餐牌⋯⋯（好晦气）咁⋯⋯如果无估错个位女士应该是太子女？！佢妈妈似系老板负责煮粉面中途又听到呢位女士同其他叔叔有打成一片。所以好明显系做熟客生意嘅⋯⋯鱼旦是爽口的不过河粉煮岀来有阵味⋯
继续阅读
第一次食，叫佐个牛坑腩河试。唔记得影相📸️忝⋯⋯估唔到呢间D牛坑腩水准都几好好腍好香，油脂分布适中，唔会太肥，牛味重好味😋完全无苏味本人好惊食到有苏味嘅牛，值得一试！下次试下其他先😋😋
继续阅读
服务态度极差，想去厕所，上1秒话个厕所可以用，下1秒问你嗌咗咩食，嗌左一杯嘢饮唔俾去厕所，意识到自己讲错嘢即刻改口话坏咗，叫你去隔离舖头借厕所啦😂请问去个厕所系咪要在额外收费，叫得一杯嘢饮冇资格去厕所？啲嘢饮仲难饮过自己系屋企冲即用咖啡，如果不是恰巧在附近工作也不会中这个伏，个下心谂不如悭返几廿蚊系屋企饮即用咖啡好过，即刻口渴嘅心情都冇晒，喺七仔买支水都冇咁嬲，卫生环境极度欠佳门口地毡仲系湿漉漉的，能够踩出声音以及水，成间舖头布满尘埃。
继续阅读