影片
港铁观塘站 A2 出口, 步行约5分钟
继续阅读
电话号码
23285128
营业时间
今日营业
09:00 - 22:00
星期一至日
09:00 - 22:00
*早茶时段：9:00 - 11:00
午市时段：11:00 - 14:00
下午茶时段：14:00 - 16:00
以上资料只供参考，请与餐厅确认详情
食家推介
男朋友喺观塘返工有咩好野都逃不开佢嘅法眼最近佢留意到观塘潮荟轩有个抵食套餐于是叫埋朋友一行四人一齐去试试潮荟轩位于巧明街APM行过去好近餐厅装修高雅楼底高仲有几间包厢可以办小型宴会我仲见到酒楼有雀局自选套餐几正㖞！我地四个食左海虾生翅套餐汤品同小菜都有得自选整体水准唔错份量合适烧味拼盆头盘黎个三拼烧肉皮脆叉烧微焦香甜唔错红烧花胶海皇翅份量多每人可以分到两碗翅汤足料入口够胶质啖啖精华滋补清蒸沙巴龙趸仔鱼新鲜蒸得刚刚好鱼肉细嫩无腥味淋上热油同豉油够惹味又保留到鱼鲜招牌小炒皇炒得好够镬气！虾干、鱿鱼丝、腰果都炒得香脆入味椒盐比例啱啱好送饭一流上汤海虾伊面大虾只只新鲜弹牙伊面挂汤汁唔会淋成碟唔算细食完好饱最后仲食左杞子桂花糕清新唔腻桂花香淡淡地渗出嚟加上杞子啱啱中和返啲甜清清地收尾一流男朋友果然好介绍潮荟轩地方阔落人多仲可以包厢可以慢慢坐好啱家庭聚会、朋友饭局
继续阅读
屋企人钟意食粤菜，揾到呢间酒楼好抵食，晚饭时间2-5位竟然送一碟例牌烧鹅。烧鹅平时都唔平，见到咁抵食，决定嚟呢间酒楼试吓。烧鹅（例牌）估唔到送嘅都好正，出品好有诚意。烧鹅唔系冻冰冰，有温度的，而且皮脆肉嫩，咬落去啲皮度充满油香，鹅肉有肉汁，绝对唔会又干又柴，屋企人食得好满意好滋味。粟米深海鱼块呢个系非一般嘅粟米斑块，鱼块系超级厚一大件，用上靓鱼，肉系一索索。粟米汁系分开上，保证食嘅时候炸鱼块表面系脆身，口感先系湿润嘅粟米汁，然之后脆脆嘅薄薄炸粉，然之后系厚厚爽滑嘅鱼肉。生煎莲藕饼呢个又系好好食，莲藕饼煎得好靓，色泽金黄金黄，咬落去肉饼充满肉汁，而且有一粒粒嘅爽脆莲藕，口感好好，加上适量嘅芫荽葱调味，味道绝配。干烧伊面呢个虽然系好普通嘅菜式，但系好香好好味。伊面质感好好有弹性的，唔系好腍断晒𠮶啲，而且每条都入晒味，挂满蚝油香气，加上芽菜同埋韭黄增加爽口嘅口感，香气十足，我好钟意。最后仲有糖水送添，我哋𠮶晚有绿豆沙同埋芝麻糊。我试咗绿豆沙，有臭草同埋果皮香气，绝对唔会马虎，一样系送嘅都好好味。
继续阅读
位于观塘的潮荟轩，主打正宗潮洲小炒小菜，每日都用新鲜的海鲜每逢假期，有很多人在门外等候，建议大家打电话预留座位。===-===-===-===♦️红烧花胶海皇翅♦️这道红烧花胶海皇翅汤色金黄浓郁，花胶厚实软糯，入口即化，胶质丰腴黏唇。海皇翅丝丝分明，吸饱高汤精华，鲜味层次丰富。老火汤底以金华火腿与老鸡熬制，醇厚不腻，带淡淡干贝香气。整体火候到位，滋补奢华，尽显粤式炖汤的讲究功夫，冬日暖身首选。🥰♦️烧味拼盘♦️这道烧味拼盘荟萃粤式精髓：蜜汁叉烧油润晶亮，肥瘦相间，入口焦糖香与肉汁交融；脆皮烧肉三层分明，金黄脆皮下脂肪如雪，蘸黄糖更显咸甜层次；海蜇爽脆解腻，麻油香画龙点睛。拼盘火候精准，冷热搭配得宜，一次尽享三种经典烧味的丰盈口感，佐酒下饭皆宜。 😋♦️清蒸沙巴龙趸♦️这道清蒸沙巴龙趸火候绝妙，鱼肉洁白如蒜瓣，用筷子轻拨即离骨，入口细嫩鲜甜带淡淡海水味。师傅以豉油皇与爆香葱丝提鲜，衬托龙趸本身的清雅。鱼皮胶质丰厚，鱼鳍边的软嫩胶质更是精华所在。蒸制时间精准，鱼眼凸出泛白，尽显新鲜度，是考验厨功的经典粤式海鲜佳作。🥰♦️杞子桂花糕♦️这道杞子桂花糕晶莹如琥珀，质地Q弹却不失细腻，入口即化出淡雅桂花香气。枸杞点缀其间，为甜品添一抹自然甜味与养生意味。糖水比例恰到好处，甜而不腻，尾韵带有蜂蜜般的温润。冰镇后食用更显清爽，是兼具视觉与味觉享受的经典广式甜点，宴席完美的收尾。🍰🍡🍧====-====-====📌店名：潮荟轩📍地址：观塘巧明街107号国基集团中心3楼
继续阅读
潮荟轩位于观塘中心区交通方便酒楼环境高雅明亮气氛唔会太嘈圆枱摆得阔落啱晒一大班人围埋食晚饭今晚同家人聚餐拣左超值晚饭自选海虾生翅套餐晚饭套餐 $788 供4位用菜式丰富净系有翅食已够晒吸引！即使叫套餐仍然可以享受到晚市优惠：二至五位送例牌烧鹅一份更抵食！🔹红烧花胶海皇翅翅汤入味入面仲有虾仁同带子真材实料🔹招牌小炒王炒得够香好有镬气！🔹上汤焗海虾伊面海虾份量多有鲜味伊面挂汁🔹锦绣烧味拼盘烧肉皮脆肉嫩叉烧肥瘦适中拼海蜇样样都啱我食！🔹清蒸沙巴龙趸仔蒸煮时间控制得好沙巴龙趸滑溜鲜味🔹精美甜品有桂花冻糕味道清甜仲有芝麻糊添潮荟轩环境舒服地方够大$788套餐性价比高菜式有诚意又够饱肚啱晒家庭、朋友聚餐
继续阅读
呢排嘅酒楼真系执完一间有一间，所以呢啲小店更加值得大家嘅支持！！！适逢爸爸生日，一家四口拣咗呢一个超值晚餐自选海虾生翅餐！！✨芝士焗海虾伊面呢碟伊面份量非常之充足，先讲海虾新鲜爽甜，面底够湿润但系面条并无糊烂，好食！✨锦绣烧味拼盘卖相唔错，分别有叉烧、海蜇、烧肉通常茶楼呢类型嘅拼盘都会系比较冻冰冰，但系呢一间茶楼却系温热地上枱！✨清蒸沙巴龙趸仔龙趸仔嘅鱼肉都几白滑，葱同姜嘅份量刚好！✨招牌小炒皇小菜四拣一，当然拣个招牌～小炒皇炒得色香味俱全，有菜脯干、虾米、腰果、虾仁、以及韭菜花。✨瑶柱海皇炖冬瓜环汤特意叫咗酒楼小咸，真系更加能够感受到海鲜嘅啖啖鲜味，呢排劲热又正好食冬瓜消消暑～如果唔钟意冬瓜汤、亦都有即日炖靓汤，或者红烧花胶海皇翅！惠顾呢个套餐仲送精美甜品，今日系杞子桂花糕，清清甜甜；而且小店亦都各出奇招，推出咗食晚饭送烧鹅呢个优惠！如果惠顾$600 ，都已经送免费泊车两个钟(・ω・)ノ
继续阅读