影片
食记 (32)
拣咗肉丝炒面叫外卖，点知变咗肉丝捞面，如果唔识煮好心唔好出，失礼自己，呢一碟即系经典中嘅经典，其次服务态度好唔掂，香港仔出名冇啖好食，但系唔好继续令街坊们失望。
继续阅读
呢间嘢𠮶啲阿姐服务差，态度差，干炒牛河配可乐写到明$60，张单打$68，你唔睇真啲真系俾佢跣到。佢仲话电脑错唔关佢事。啲员工系咁挂住打牙胶，搞到啲嘢又送错，厦门炒米送咗个星洲炒米嚟⋯你做啱晒啲嘢咪倾饱佢啰⋯⋯餐牌价钱加嘢饮全部正价，又唔讲声，佢话餐先唔系正价，提一句啫⋯⋯佢话你做咩唔问。冇所谓，洗得几十蚊受下气正常嘅，不过我下次唔会再去受气啦，唔该晒。
继续阅读
啱啱行完山揾地方食下午茶，系同街嘅小巴站旁有几间好类似嘅餐厅选择，最后都系拣左呢间，因为有下午茶餐食，价钱亦相宜自选双拼粉面 $ 36选择唔少，火腿，煎蛋，肠仔，餐肉，沙嗲牛肉，芝士肠，雪菜/炸菜肉丝等等，我地拣左煎蛋沙嗲牛肉米粉，沙嗲牛肉量系平时见开茶餐厅比嘅两倍，图中蛋下面遮住左啲架😲沙嗲牛肉酱无问题，问题系肉腌到好松散，过晒火，另外佢唔热，就咁室温放上去就算。。。银芽肉丝炒面 $ 42非常有镬气，够脆，银芽肉丝芡多亦足料XO酱鸡扒炒乌冬 $ 42XO酱唔太食得出，但系同样碟头大，份量多，鸡扒肉质结实弹牙，乌冬够味够镬气，同时因为镬气而比较多少少油喺底今时今日下午茶呢个价钱都算系咁，而且佢地似系做街坊同小巴司机生意，因为睇到有熟客倾计，小店可能有不足，但系希望至少支持下，唔好一味投诉
继续阅读
这间餐厅我都常常去，食物质素是有点下降，但食开就算，对上一次食蒸排骨饭排骨唔熟，在想可能间中失手，和收银说了声就算.这次食蒸鱼饭，因为食过好食，点知今次中伏，来了看到一大个鱼头心知不妙，其实我很少会投诉，有时看到毛发都拿起就算，大家都知道叫楼面换饭简直就是自杀一样，但这次忍不住，一大个鲩鱼鱼头，我直接向楼面说了只有四啖肉，还要有骨，然后白饭一大碗，楼面说下次我可以叫鱼腩，我想说为何责任要卸给食家，落单为什么又不问我要不要鱼头，不要说有很多人都喜欢吃鱼头，我觉得喜欢吃鱼头是吃大鱼的鱼头，鲩鱼鱼头根本没什么好吃，只有少量内脏，也不要说鱼头很贵云云，值钱的鱼头只是大鱼，$48买个鱼头只有少量鱼肉，我觉得是呃钱.我吃完了鱼肉和梅菜，白饭还有一大碗，喝了几口柠茶，一怒之下走了，这间餐厅，我永远不会再去.P.S. 相入面那4啖鱼肉被我吃掉了，不是如相中一啖鱼肉都没有，但最后当然是吃不饱，也没心情吃了，再见了潮苑餐厅
继续阅读
有晚同我先生食晚餐，望入去好少客，心谂而家疫情冇乜人仲好啦！入到去我先生点左「烧汁芥末牛粒饭」，碟饭黎到我地坚系呆左，白饭隔离放左几粒牛，完全冇一滴汁，我先生问一个侍应系咪漏左比汁，收银有个女人态度好差咁叫过黎：d牛用烧汁炒，个饭冇汁架！意思系要干吞！我同先生讲算啦，可能d牛好入味易送饭呢.....点知咬d牛，第一咬紧硬胶，第二除左少少少芥末味，一d烧汁都冇，我先生嬲得济将碗罗宋汤倒落饭度食，完全系唔知点解好似受罪咁！食到一半，又见到头发又见到洗锅𠮶d龬丝，即刻直接埋单去第二度食过，百几蚊食个恶梦。
继续阅读