影片
今次系闲日礼拜一既朝早9点黎到，计埋我坐左5个客人，整体唔算太旺场，但一般晏昼时段会好少少既。铺头有7张4人枱，餐牌、地板都有种痴粒粒既感觉，如果系极度注重用餐环境卫生既话，呢间野就未必太啱你喇，不过屋邨商场既普通面档，就无谓对佢太苛刻啦。今次嗌左牛腩云吞汤面 ($48)，冻柠茶跟餐加$5。7分钟上齐晒两样野，等候时间合理。先讲牛腩云吞面，牛腩汁汤底味道ok，有干葱+葱花喺面，西生菜2条，牛腩6大件，牛筋2条，云吞3粒，生面底。面底软硬度适中。牛腩既五香卤水味非常入味，可惜肉质偏鞋口左小小，因为牛腩唔系爽腩，系偏瘦既部份。牛筋既情况就同牛腩啱啱相反，味道唔够入味，但燘得够冧。呢方面系比较奇怪……云吞就大大粒，皮薄够滑，入面既馅料就1只虾+猪肉，好食。冻柠茶用既糖浆系坊间茶记比较少用，会偏甜一啲，我个人都几满意个甜度既。黎个简单小总结，埋单5x蚊有碗牛腩云吞面+冻柠茶，五个字讲晒，抵食夹大件。野食我个人会比较推介云吞面，牛腩就中规中矩啦，入味但食落偏鞋口，冻柠茶都值得一试既。环境可能会系扣分位，餐牌、地板都痴粒粒既，不过个人就冇乜所谓，食物好食就得啦。
继续阅读
下午茶的时候，在这里吃过一碗鱼蛋粉，想讲他的鱼蛋非常弹牙，很有在九龙城买的鱼蛋的质素，而且知道这里的店家非常用心地制作鱼蛋，所以非常推荐这里的鱼蛋，配上河粉，加埋佢嘅辣椒油，就真系非常值得一试。
继续阅读
近日饭局太多周末突然有吃粥的念头于是到大元邨街市觅食去很喜欢这家的粥底够绵够米香又不会稀稀的而且不同口味的粥品确实吃得出味道上的差别完全不会有那种所有粥味道一样的感觉事关用料十足图中左边砂碢的是生滚猪润粥(29元)猪润不少粥也有香口肉味另一碗艇仔粥(19元)粥底鲜甜用料十足即包炸两(19元)肠粉皮薄滑滑的因为即包，油炸鬼保持香脆街坊小店价格实惠仍做到用料丰富份量饱肚实在难得呢而且粥品经过本人易敏感体质实证应无甚味精过关可纳入可食用清单
继续阅读
情绪不稳、心情烦躁，路过是但坐低食个面舒缓舒缓。依家连街市食面都好贵，多谢领展、领汇、地产﹗牛腩鱼蛋面，极幼面恰似台湾面线，微爽而挂汤力超强，发觉面越幼就能带更多既汤汁，食落更滋味。款款好大路稳阵，中规中矩、不过不失。弹弹鱼蛋雪白大大粒，仲好鬼圆添，乒乓波一样。清汤腩大大旧，入口松化软滑，无渣无筋无肥膏，又做得几好㖞，唔差。汤底普普通通货色，略清甜。辣椒油普普通通货色，不够香不够辣。四眼阿婶我叫左两次走葱死都要加葱，叫您比只碗仔我又走那左去扮听唔到，火都黎！咁我倒晒落枱您自己抺啦！谁知第二个无辜阿姐过黎执手尾抺枱，真系唔好意思喇。
继续阅读
下午茶黎点左个粟米瘦肉粥，粥味道刚好唔太咸，个人钟意落劲多胡椒粉搅好多次都冇稀到加多个葱花叉烧肠，等左一阵都未黎原来系即叫即拉的，终于黎左肠粉热辣辣加埋辣酱真系好得推介
继续阅读