影片
以上资料只供参考，请与餐厅确认详情
元旦日在荔枝角睇完误判好戏，朋友带我来潮兴，因已客满，叔叔好有礼貌请我们等等，安排位置。中间两次说唔意思，请我们稍等。有实等在唔驶5分钟已有客人离开，迅速执好枱比我们入座。打冷去过几间，第一次咁好招呼。朋友叫左鹅件，来到是花生豆腐垫底一大碟，都有好多件，最重要系食潮兴才知这卤水鹅原来系咁香口。鹅唔肥，因买其他卤水店外卖，层皮太肥无乜肉食，朋友又试过有D食店，斩晒D下栏野比你。这碟送上来，会匀称好多，不同部位都有！唔会死咸，豆腐里面仲好滑。我就点左蒜香蚬肉，少少香辣，无腥味，无沙，好好食送方鱼肉碎粥一流，方鱼肉碎粥一碗已些盛5-6小碗，够晒热同好香。另外蚝饼同我食开的唔同，食开的都系黑麻麻，好似用千年油炸过咁，油淋淋，潮兴的是金黄色，入口不油腻，各款菜肴都系大大碟，好抵食，朋友还叫了花生猪手，好糯软，仍然系香，味道也恰到好处，满足的一顿饭！元气满满！
继续阅读
𠮶日好夜先收工，先打电话去落定order。姐姐叫厨房整好晒先，我地到左之后成枱𩠌好正，好似翻屋企食饭咁！我地系冲住卤水鹅肝而嚟既，果然无失望！之后仲有好正水蟹粥，不过始终系街外食蟹有少少唔方便。猪红好正宗，唔系鸡红。好入味好正。呢个反沙芋不得了，啲糖均匀咁黐喺个表面，粒粒砂糖嘅感觉，外脆内软好正。。虾枣都好经典好正，有2款夹杂无咁闷！好记得我哋去到已经好晏之后啲伙计已经收晒工。老板冇催我哋之余，仲叫我哋慢慢食。。好有爱
继续阅读
上个月过年前同屋企人去左深水埗食打冷小菜1. 潮州卤水鹅片 $188- 每一片都好juicy，啖啖肉🪿2. 潮州卤水鲜鹅肠 $128- 够爽好，好入味，完全冇异味👍🏽(都系一大堆芽菜铺底😏)3. 椒盐海虾 $138- 海虾就麻麻，唔太吸引，同埋啲虾冇乜肉❌个人唔推荐❌4. 蒜蓉炒芥兰- 正常嘅炒芥兰，唔会苦，老人家都食到👍🏽5. 潮州酥炸芋泥卷 $108 - 几松脆，又唔会太甜，系唔错嘅甜品👍🏽6. 煎蚝饼 $105- 煎得够脆，但系蚝嘅份量有啲少🤔7. 方鱼肉碎粥 $118- 个粥系传统嘅潮州粥啦，米同埋汤好分明🙈方面有啲硬，老人家完全食唔到🙈
继续阅读
正宗香港潮州菜非呢一间莫属啦！今次食嘅菜单有余下， 蚝仔肉碎粥 潮兴手打虾枣杨氏元朗乌头王 潮州蛳蚶 糯米大肠 菠萝咕噜肉 小炒皇 芥兰炒腊味 黄金手打牛丸潮州糖醋面每一道小炒都非常好味，而且炒得好香，咁大个女第一次试啲咁正宗嘅潮州菜！真系好回味啊！其中最好味嘅就是我最喜欢的蚝仔肉碎粥啦，啲粥好丝滑啊！而且暖笠笠，好适合冬天的时候吃哦！而且呢间舖头有自制嘅腰果，啲腰果真系好香甜呀！而且很脆脆最重要是没有增加任何添加剂和防腐剂，一开风就要即刻吃晒啦，真系好有心呀，现在很少食物会没有添加防腐剂的呢！
继续阅读
因为『糖醋面』，所以近近地系长沙湾嚟个打冷。时日夜晚爆晒场，唯有坐系街边慢慢叹，门口就可以停车，劲方便。望下餐牌先今晚嘅主食，糖醋面仲整紧！潮洲卤水什拼💲148▪️红肠、猪头肉、墨鱼、鹅肠、猪耳、生肠头、鸡肾，仲多咗只鸡蛋，少有噃。卤水味唔重，所以少咸人仕啱。但中意食潮州卤水者可能未必能满足，因为卤得唔够入味。蚝饼例牌💲75▪️呢个完全唔掂，劲多粉又少蚝，蚝仔又细粒。所以话好食嘅蚝饼，真系唔易揾！韭菜猪红💲65▪️正正常常，份粮足。呢间嘅猪红好食过𠮶间『潮味苑』多多声，𠮶间潮味苑嘅韭菜猪红得𠮶几旧，呃钱。糖醋面💲108▪️虽然要等20分钟，但都值得，因为呢个情怀好多地方都冇。如再煎多阵，再脆卜卜啲就更好。唔讲味道，因为已经完全忘记咗细𠮶个种味。。要一赞系呢间打冷铺个厕所好好好干净之外，味道仲好清新。呢间菜馆斜对面都系打冷铺，其实都几好食，但环境就争啲喇！
继续阅读