影片
以上资料只供参考，请与餐厅确认详情
谂住快快脆脆自己食碗粉行过见到啱心水 合眼缘就坐低有自成一角嘅一个卡位仔心谂 正啊正啊🤩🤪挂住讲个外在环境其实要讲系食物😂😂嗌咗一碗好简单嘅牛腩面有好多旧牛腩牛腩好入味 好香 唔会太硬 味道算系重口味嘅 但真系好好食 😋我觉得我下次再嚟都会再嗌 😬😬想讲佢个份量真系好足料呢个价钱 喺太子旺区有张卡位坐 可以静静地玩吓电话食碗面 真心正 楼面哥哥又几好态度 落单埋单态度良好，上菜速度又快又准 附上几张餐牌唔好意思，影到反晒光咁😅真系 我下次会再嚟食😋报告报告报告完毕🤭
继续阅读
点菜嘅时候叫左个牛腩河粉同埋个牛腩捞粗然后两碗上到嚟都系汤嚟嘅然后我就问边碗系捞粗然后个短头发嘅姐姐就话我冇听到你嗌捞粗㖞然后佢话得啦得啦帮你倒落去只碟度试问有冇人见过捞粗系咁多水你自己听唔到就算仲要想赖返我哋转头话我哋冇嗌捞粗一锅粥就系会比一粒老鼠屎炒镬咗其实其他员工都冇乜嘢系佢突然间用咁嘅态度同我讲嘢令我觉得我嚟帮衬你哋仲要俾钱嚟受你气第一次帮衬呢间舖头亦都系最后一次难怪点解越嚟越多人会返大陆食嘢
继续阅读
崩沙腩够油香，冇雪味冇腥味河粉实净，唔会散碎面身弹牙，碱水味足价钱合理出乎意料地好食，所以都冇影相，是那种下次经过会再入去试其他面的店。比起铜锣湾渣甸街𠮶啲粉面档好食三四倍
继续阅读
今日经过太子,打算回去同一个地点光顾以前那间出色的潮龙园，点知原来已经转咗手新店叫做潮兴园。 谂住唔考虑了食其他， 但系见佢广告影啲相牛腩都几靓质素几高，心谂试吓应该唔会中伏挂，叫咗个牛腩河，墨丸河外卖行街，点知门口收钱那位大叔态度差到一个点， 叫佢分汤仲大声夹恶，况且佢都仲未落单，叫定佢分汤仲好似搞到佢好多嘢做咁。 算数唔同啲粗人嘈，谂住如果食物OK受下气都冇所谓。 点知返到打开两个外卖， 个样同佢啲Menu差九条街， 牛腩碎晒，一条条肉丝咁样散开晒，货不对办, 识落又柴又硬，食咗一半已经放弃咗， 另外个墨鱼丸我就比较正常！ 总括嚟讲食物又差态度又差，唔明白呢啲咁嘅店点样可以存在，实在令人费解
继续阅读
好明显生牛肉 阿姐望都唔望就话系牛肉系咁㗎 再次质疑下 阿姐唔情缘罗翻厨房大大声话 「要好熟好熟个只」罗出来仲要um um寻寻话「牛肉系要咁先好食㗎」仲用普通话 「介样才好吃」 话俾啲「大陆人」知牛肉系咁食的。食啲咁嘅嘢唔怪得呢度啲店员都咁精灵🤓。咁就唔该呢啲店员食多啲啦，食饱应该早啲上路。👎👎👎👎👎👎👎👎👎👎👎👎👎👎👎👎👎🤗🤗🤗🤗👎👎👎👎👎👎👎👎👎
继续阅读