潮篇 (已結業)

大年初一台灣朋友來拜年！訂了桌子晚上6點半，我地準時到～最初只有幾圍台有人吃晚飯，諗住都應該唔差～叫左1個6人套餐$688,我地7個人，另叫了2個小菜、開茶、叫菜、連等菜上～還沒計吃的時間，結果等到9點先有得吃！:(已經三催四請了～蟹肉湯（味道不錯）、蒸海班（味道不錯）、龍蝦球伊面（面好吃、蝦球變冷了）！其他都不過不失，9點半終於吃完，叫侍應來最後的水果盤、又等了半小時、催的時候還被罵：未黎咪鬼食啦，走啦！然後就不理我們了。。。甘都得。。。套餐包埋架wow。叫高一級的來理論，還叫我們等下先！又走開唔理我們。。最後冇食埋單走。埋單$958.食到一肚氣。…查看更多

長發商場5樓有2個酒樓 今晚就選擇了這間"潮篇"主要因為設計比較摩登 而且環境看落比較整潔 座位也很舒服 Our orders:-晚飯自選套餐 $138 1. 海蜇青爪拼切雞 2. 翡翠炒龍躉球 3. 鮮露三蔥爆海猳-京式片皮鴨 + 茄子炆鴨件 $168-炒伊面 $52先講晚飯自選套餐 3碟小菜以為好多點知上菜時先發覺份量是小得可憐呢!:(海蜇青爪拼切雞切雞只有一隻細小雞腿的份量 我們3個人食 一人分得1,2塊-___- 味道就是一般切雞味 雞味不太濃 稍感偏咸 肉質好嫩 滑身 翡翠炒龍躉球龍躉球真係好好食 廚師把龍躉球煎得十分香脆 但沒有炒得過老 龍躉球是連皮的 魚皮QQ的 好有彈性 魚肉一點腥味都無 有感大麼只是用了簡單的調味料所以魚的鮮味沒有被掩蓋 好鮮 這個超讚!鮮露三蔥爆海猳海猳好細隻 是BB海猳 基本上無咩肉可以食...又覺得被騙...大麼用了魚露去炒 咸咸的 好鮮味 海猳雖小 得完全吸收曬魚露的香味 因而每一小隻都好惹味 京式片皮鴨 $128鴨大約是中SIZE 師傅會推埋一邊片 片的過程都無睇到上碟時只有小小一碟 每片都屬細小型 而且有好幾片都燒焦曬 黑到無法食 每人大約買食到3-4小片 真係覺得好唔抵食! 睇隻鴨既SIZE真係應該會片到多D!鴨皮燒得不夠脆 有點淋 唔夠脆的皮真的令整道菜失色了但油的甘香還是有的 鴨比較瘦 沒有半點肥膏 廚師燒了一下鴨皮 迫到一點鴨油出來 所以食來頗香的 油的甘名還會留在口腔一陣後來經理建議加$40 加煮一碟 茄子炆鴨件茄子炆鴨件煮法同魚香茄子大同小異 茄子未煮淋 比較硬煮到好似瓜咁 -__- 差! 而且講就講係用剩番既鴨肉來煮 但我地發現胸肉只有4,5件 其他的都唔知留左去邊了~ 全碟有好多骨 例如頸 翼 等無肉食.不過鴨配茄子 加上濃濃的用魚露調出來的汁醬 好夾味不過鴨肉好老 好難咀嚼:(一塊要嚼好耐 不過則越嚼越香 哈哈如果鴨肉嫩一點就好了食曬小菜 定人都未夠飽 無奈地叫了一碟炒伊面 填肚 可憐:(最後會送上糖水 選了紅豆沙 糖水十分出色 煮到起曬沙 夠甜 好軟滑 煮得好香濃 埋單 $447連加一 總結 沒有價值 所有野都細細碟 完全唔夠分 唔夠飽 有D又名不符實. …查看更多

之前試過依間食火鍋，質素都吾錯，見今日凍凍地，咪同男友兩個再次光臨，其實原本想去長發，但排長龍。惟有選擇依度，入座後，先叫個湯底，但係等左好耐都未嚟，惟有一路選擇火鍋料一路等，叫左第一輪食物，同樣等左好耐，但奇怪的是，食物嚟到，而個湯底仍然未見，三催四請，個湯底終於嚟啦，算吧，總之嚟左就可以，但見到佢有漏單，其實都見怪不怪，咁只好再叫第二輪食物，但同樣等左好耐，都係冇任何食物到，咁又係催。。。催左起碼一個鐘都係冇食物到，咁即係點，係吾供應定係漏單，完全冇人理我哋，投訴都有人理，真係不知所謂，坐左兩個鐘，只係食得幾樣野。。。咁不如吾好叫任飲任食，碟碟計咪算。講番啲食物，叫左個沙爹及清湯底，沙爹湯底好咸，加左幾次水都感覺好咸，清湯就只係得兩件豆腐，完全冇味，其他食物完全吾新鮮，特別係啲牛肉雪到完全得個雪味，只有唐生菜可以。。。以後要食火鍋，都係去番長發算，依度，不去也不覺可惜。。。。…查看更多

前幾晚同左女友同左幾個fan去左呢間店到打邊爐,我地一坐底就即刻點野食,即刻比d小二,點知等左半個鐘都唔來,要三催四請先來,但只係比左野食你,個湯底唔比你,又要追d小二,d小二見到我地以極度唔友善既目光對住我地,然後竟然走開,係連續三四個都係咁,要叫到部長先理我地,但個部長去追單後竟然話因為冇人落單所以漏左,之後我地要等多10分鐘先可以有個湯底,前後已經冇左1個鐘!!而且我地要既食亦都唔齊,要再點,但再點都係唔會比你,我覺得佢地既服務態度唔得law!!d食物質素都真係幾差下,尤其係d丸類,d雪味超勁,d肥牛真係好肥,幾乎之有肥膏,呢間店唔係平,埋單一人$128,我覺得出面好食過佢又同佢差唔多價錢既店好多law,唔值呢個數,以後請都唔會再來!!…查看更多

經過上一次買叉燒飯黎食 , 覺得驚為天上後 , 我係一個超鍾意食叉燒既人 , 潮篇既叉燒巳經成為我買叉燒既首選 , 今日再次買左一斤叉燒叉燒肥瘦均勻 , 外表蜜汁色澤靚 , 唔會黑蚊蚊 , 另外剪得厚薄適中 , 口感一流 , 正 !! …查看更多

最近去左 青衣長發邨長發商場5樓潮篇食野...芝麻腸粉:夠熱,夠好味!芝麻好香...粉果皮太薄,一夾即穿...蒸豆腐,好好味..其它野食..好普通..無咩好寫..無咩好照…查看更多

來這個地方，當然不是我的主意，只不過主人家定好了，我答應過出席，就一定會到。點菜也輪不到我話事，看主人家跟相熟的部長有傾有講，大概已辦妥了今晚的菜色。不用費心叫餸既我，看看杯碟，全是油油的，甚至黏著食物殘渣，衛生情況慘不忍睹，要自行徹底清洗後才敢食用。第一道業是乳豬，由於人數不多，無需要全體，例牌就可以了。乳豬皮是脆，卻稱不上鬆化，肉則太肥了，吃落滿口是油，是近年食到小數質素低劣的出品，即使愛吃燒豬的我亦不能多食。打開佛跳牆的煲蓋，嗅不到香味，心知不妙。看其湯料，原來只有兩隻雞腳，少許瘦肉和一兩粒冬菇，難怪！這個湯，自然是不清甜。部長推介的楊枝甘露骨，那些排骨大件得難以咬開，而且質感就像做起了九年的出品，醬汁又唔夠，面頭的芒果肉和柚肉肯定無幫提升味道。之後來的金菇豆苗，心想應該會好一點吧！可惜，我太天真了。豆苗竟然毫不嫩口，吃起來有「骨」，金菇菜的質感亦不理想，實在太令人失望。好像是要相熟才有供應的蒸水蛋，是幾大碟，不過蛋是完全不滑溜，沒蛋香，裡頭有蔥花和皮蛋，同是沒有香味，好在沒有叫白飯去送。稍為貴價的有上湯龍蝦伊麵，用的是波士頓龍蝦，自然是沒什麼肉，同埋肉質一定不會彈牙，墊底的伊麵，並無吸入上湯味道，又軌得離譜，比我荷包還要乾，真可憐。鮑魚就梗係鮮鮑，孔雀鮑是也，缺乏彈牙口感，鮮味欠奉，即使有著芫茜和薑絲，也不行；清蒸老虎斑，算是有點鮮味，但正如所料，肉質是嚡口，蒸老虎斑的火喉是不輕易掌握的。店方送上壽包，睇落都可以的。然而，包不軟熟，蓮蓉香欠奉，又沒有蛋黃，不能令我滿意。這一餐生日宴，除了自攜的蛋糕外，無一可取。…查看更多

天氣冷, 跟媽媽妹妹去了潮篇打邊爐晚上8:30後, $99一位任飲任食包茶芥加一人很多, 大約30分鐘後入座, 怎知就是惡夢的開始入座後15分鐘, 才開始有人放下杯, 碗碟等用具我們在9:24pm入第一次單, order了十多樣食物然後鍋底和gas爐來到, gas爐明顯是其他檯用剩的..因為那個火細得, 鍋底煲了超過15分鐘, 也還沒有任何滾的跡象不過我們還是打算等食物來到, 才叫侍應換gas等到9:50, 還沒有任何食物來到我們叫一位主任幫我們check check單, 他只回應一句:"等一陣啦, 好快就到"當然他沒有幫我們check任何事過了一會, 只來了3碟食物: 肥得像煙肉的肥牛(真的很肥!)、羊肉、生蝦因為我們根本沒有叫生蝦, 我們知道他們送錯單, 便告訴另一位侍應這位哥仔亦只拋下一句: "你地唔要蝦嘛, 咁我拎走佢囉" 跟著再送上2碟蔬菜, 1碟炸魚皮, 送食物的阿姐未將食物放上檯, 就已經說出一句: "呢度有既就係咁多架啦, 無既就無架啦"我地呆了, 咁都得? 好, 問阿姐有甚麼食物是沒有的, 她說: "我唔知喎, 你問佢地啦" (指一指侍應們)說畢, 阿姐已經走開留下呆了的我們, 肚餓之下, 唯有先吃送來的幾碟食物, 再立即填第二張單, 將沒有送來的食物再填一次, 再落order食完5碟食物, 還沒有任何食物來, 再叫哥仔追單, 他說:"廚房有好多單, 等一陣啦"又是一句說話敷衍我們再等了15分鐘, 已經坐下個多小時, 3個人都只是吃了5碟食物, 只能呆呆望住慢慢煲乾的鍋底耐性到了極限, 叫了另一個樓面阿姐追單阿姐竟然叫我地再寫多一張單! 我們很勞氣的跟她說, 我們已經寫了2張單!發火後, 阿姐終於願意幫我地去check之後阿姐送上幾碟腸仔 (火腿腸, 腸仔, 芝士腸), 魚旦, 魚片頭, 並說找不到我們的單, 叫我們先吃這些食物等, 再寫一張單給她入廚房執唉, 這些都不是我們order的東西, 我們又不吃腸仔, 唯有收下魚旦, 魚片頭接著聽到主任大聲說, "無晒火鍋料啦"噢! 那我們怎麼辦?! 聽到鄰檯亦是不停投訴漏單, 我們真的對這裡很失望之後有幾碟食物送上, 但明顯是廚房有甚麼就上甚麼因為有幾碟食物如西洋菜、唐萵, 我們都從來沒有order滑牛, 豬頸肉, 雞片也只是幾片堆在一碟裡面不過事已至此, 我們只想快點吃完快點走, 也不再追究寫了3張單, 我們都無法見到生蠔, 蘿蔔片, 鮮腐竹, 冬瓜片, 魚滑等反而來了一堆我們不想吃的食物任飲任食就是, 你喜歡給我們甚麼食物, 我們就要吃甚麼?!失望到極點, 付錢來這裡, 只吃了一肚子火…查看更多

平時都有黎飲茶,不過以後都唔會再去,食物一般,冇咩特別野講!!星期六同媽媽姐姐去飲下午茶,向來潮篇服務都唔太好嫁喇...食完後我同姐姐去埋單,等個收銀計數,無啦啦問我幾多個茶位,我本身已經見到佢打左3個,咁我咪同佢講3個,跟住佢話你地4個下嘛,我話得3個,幾時多左個人呀,跟住條友指住張卡,咁依度又寫4個,講真,張卡寫到咁樣,但好明顯佢係畫左3劃啦!!!我地冇理佢,總之就係得3個,條收銀勁啤住我地囉!!!又係佢自己問我地幾多個先既,我地話3個,佢又要唔信,死都話我地係4個,你自己睇唔清楚,咁關我地咩事呀,喂...我地等俾錢嫁咋,我見住佢打左3位茶錢嫁喇,無啦啦又問幾多位,條氣咁唔順既,咁咪問番佢d同事囉~等俾錢都要咁受氣,無啦啦俾人屈,唔通呃你果$5咩,我而家好後悔冇罵佢轉頭~我以後都唔會再去依間野~…查看更多

呢間8:30pm 後有特價小菜，很抵，有$18, 28, 38 小菜揀，當然$18 主要都係菜同豆腐類，但都算幾多選擇。同老公兩個人，叫咗個沙爹醬翠肉瓜炒牛肉、四季豆炒雞柳同埋蜆介鮻魚球，三款都係$18 類。坦白說，唔會有好高要求。三個菜都好夠份量，翠肉瓜沙爹夠香，四季豆用面豉炒，又係好好送飯，蜆介鯪魚球都唔錯，都係新鮮炸。三個菜都幾滿意，最後翠肉瓜同四季豆都係食咗半碟，仲可以有得拎走。加兩碗白飯，總共都唔駛$80，超抵，唔怪得我見到咁多 auntie, uncle 兩公婆嚟食，比我都費事煮啦~~…查看更多

平價既選擇之一 真係唔明~點解~ 同一集團 沙田 同青衣個價 差唔多差一半 =口=賣單~好似6x蚊味道還比沙田好一點haha3星燒賣 樣唔得~ 但好好食~XD …查看更多

二月上旬既然花心機去寫主理人熬汁醬，談撈麵伴醬的味道被飲食網站專業評審員三番四次的定為非食評處理，偶也真的不知往後還有多少食評石沉「馬評」之下了。同家人到樓下酒樓吃飯，吃了一碟燒得很好味肉很嫩的燒鴨，拼盤有滷水豆腐同埋油添喎，只收$58，吃得好滿意，再加碟炒菜同三碗白飯，埋單$150，又唔知會否被定位「非食評」呢？*此食評亦會在fb album推出。…查看更多

上星期5晚約了打令令, 相公, 仲有邊邊精aki ma .. + 陪aki ma 讀書之熊仔一齊打邊邊, 為了打令令既玻璃腸既關係..於是去了佢屋企附近既潮篇了...一入到去都幾多人...大部份都係打邊邊, 因為任飲任食, 酒樓另外也有提供本魚至愛既混醬, 好開心唷~ 一坐低即刻點野食了.. 肉類有肥牛, 羊肉, 肥牛比較肥, 羊肉切得比較大塊+厚身...味道可以 鵝腸 - 本魚唔吃...但應該唔係咁好食..因為其他人..吃了好少就收手... 生蠔 - 嘩, 都幾大隻肥味, 本魚唔吃, 但見佢地叫了2次, 應該唔太差.. 釀豆泡, 炸響鈴 - 豆泡普通, 炸響鈴反而幾好, 浸少許湯, 外面淋, 裡面仲脆, 想再叫, 已無晒了...:( 游水蝦 - 唔... 蝦肉, 有D霉, 有D爽..睇下好唔好彩, 但基於任食黎講, 都算可以 粟米, 魚皮餃 - 粟米幾甜, 魚皮餃, 真係估佢唔到, 大隻..咬一口..唔知..點形容, 比較爽身, 比起用百寶盒個種魚皮餃..呢間好D.... 飲品-任飲枝裝汽水, 一楂楂既利賓立, 酸梅湯, 等...種類都彼多~ 總括, 環境幾迫, 無咩服務可言, 可能人多, 伙計唔夠既關係, 仲有我地落紙後, 等了都幾耐先有野食, 還有無炸響鈴...我地問了幾次伙計, 佢地先答你無囉....但以咁既價錢, 任飲任食係抵既~…查看更多

忙到震，坐低食餐晏仔既時間都冇咁啱送完貨，聽人講樓上有間茶樓外賣掂，上去試下點知．．．真係得，$10個燒味飯，叉燒肥瘦適中多豉油多飯，啖啖都有味，正好過俾廿幾蚊食快餐…查看更多

Weekend冇野做同屋企人落左樓下潮篇飲茶點心的選擇唔算太多同埋唔算太特別,不過都好彩係即叫即蒸牛肉腸因為佢做緊$4.8一碟所以即刻要試腸粉皮比較厚, 其實佢唔駛整得咁厚,反而薄的感覺才嫩滑 = )P.S.個冷氣好凍P.S.侍應好似你爭佢十萬九千七咁,明明望到都唔幫手…查看更多