影片
港铁黄埔站 B 出口, 步行约3分钟
继续阅读
附加资料
要订VIP房可电话订座
营业时间
星期一至六
11:30 - 15:00
17:30 - 23:00
星期日
17:00 - 00:00
公众假期
17:00 - 00:00
以上资料只供参考，请与餐厅确认详情
见到红磡开左间火锅店，装潢好靓好新净，今日放工同左朋友黎试下！6点几入到去仲未有好多人，选了一个卡位坐，每个卡位都有栏栏住，私隐度高。老细介绍了一个小食－泡椒凤爪泡椒味好入味，腌得好有咬口，唔会太腍，食完之后成个口腔仲有一阵阵泡椒味，一边等火锅滚一边倾计一边食住凤爪，几好几好。朋友想试下卜卜蚬锅，自己不太爱食蚬，但这个锅味道好好，奶白色汤底下其实有好多蒜泥，有少少莞茜调味，望住蚬一个个开，鲜味慢慢渗入汤底！蚬粒粒大只冇沙，份量多，食到个人都饱饱地了。当然有叫下不同的火锅料－蔬菜拼盘新鲜，条条菜都好幼嫩，仲有金菇木耳粟米豚肉片基本上渌一阵就食得，好浓猪肉味，靓野，嗌得冇错。贡丸／虾丸本身已经饱了，但打边炉点都要食下丸，所以就叫左呢两款，食完更加暖粒粒！
继续阅读
虽然而家打边炉家族上晒电视，但其实佢地唔系因为打边炉而得病，而系打边炉的气氛令大家好兴奋，口沬横飞所造成，而呢间黄埔花园的潮馆，座位空间好大，环境非常整理同干净。美美的酱料盘及酱油壶，让人很期待。Menu:今次我地点左鲜椰青竹笙鸡煲($198):个煲的外型好靓，有宫廷的感觉。竹笙份量都几多，汤底系纯椰青水，成个汤底非常鲜甜，闻起来垂涎三呎。鸡件份量约莫为半只鸡，鲜鸡滑嫩，鸡皮爽弹。吃完鸡煲，可浅尝椰子鸡汤水之解甜，不加任何调味，鸡汤清爽不油腻。吃完之后，侍应很快就替我们加汤，准备下一轮的大开「食」戒!我们点了好几个配料:美国雪花牛肉($88)牛肉不肥，倒是很合我心意，最近不喜肥肉脂肪，瘦肉也不会柴口，肉味够浓，不用酱油也好吃。芥末墨鱼丸并咸蛋虾丸($98)丸类现制手打，没有煮过，上菜时仍保持黏稠质感，非常新鲜，看得出店家的诚意! 我们今次就试了比较特别的两款口味芥末墨鱼丸同咸蛋虾丸!芥末墨鱼丸Q弹滑嫩，一粒粒墨鱼粒增加口感，芥末不是很多，挺match 的!咸蛋虾丸最近好多食物都用咸蛋玩fusion，其实不是样样加咸蛋都好吃，过份了就太咸太济太腻，少了就没新意，只管加了咸味罢了。 这个咸蛋虾丸也还OK，流心咸蛋汁好滋味，配上虾滑不会抢味!芝士肥牛饺并韭菜饺 ($78)芝士肥牛饺芝士遇热即溶，化成一「滩」牛肉饺，使口感没那么好，倒是挺新鲜，牛肉也好吃。韭菜饺皮薄肉肥的韭菜饺，好满足。稻庭乌冬($32)$32就有两饼稻庭乌冬，稻庭的面条呈扁长形，口感细滑!最后店家送上两杯抗疫菊花茶，希望今年大家都一齐事事顺利!
继续阅读
上星期同男友去左依间系屋企附近既火锅店打边炉，经常路过又冇试过，加上最近天气比较冻，成日都感到有寒意，打边炉瘾即起，直接入座唔洗等位平时净叫汤底打边炉好似有少少闷，所以叫左个卜卜蚬煲，食完蚬打定底再打边炉最好不过，只只蚬都大粒肉厚多汁，完全无沙，食得出好新鲜，个煲好浓蒜香味，食落唔会觉得有腻感食完个煲，饮返杯金银花雪莉茶，清甜得黎好润喉，饮完好暖身，要帮自己增强抵抗力另外叫左个小食凉拌黄金皮蛋，口感爽弹兼带流心，过下口瘾美国雪花肥牛牛味好出，厚薄切得适中，又唔会太肥，唔错全晚觉得超好味系依个咸蛋虾丸，食落好弹牙，鲜虾味够哂浓，个饀系咸蛋，食个时有阵阵浓郁咸蛋香，依个配搭得好好，值得encore每次打边炉都好钟意食爆汁芝心鱼卷，唔系度度地方有得叫，见到有即叫左份，烚到胀卜卜，爆汁芝士差少少辣咀，要慢慢小心食，浓郁芝士完全系我至爱点少得韮菜饺拼云呑，超欣赏个韮菜饺，好大只之余，皮薄够哂滑，劲多韮菜饀， 愈食愈好香，真心好食
继续阅读
早几天同朋友去左红磡附近见面食饭，见有间火锅私房菜，特登过黎试下。餐厅环境坐得好阔落同舒服。天气冻冻地叫左个秘制鸡煲。鸡够新鲜滑嫩，而且落左好多配料味道浓，唔会淡茂茂。熟食方面叫左叫椒盐金砖豆腐粒，外脆内软，必点熟食! 火锅配料我地点左安格斯牛肉粒，食落好新鲜好有牛味，食得出唔系雪藏牛肉粒，赞! 仲有点左好特别既芥末墨鱼丸，墨鱼丸里面有流心芥末，唔会好辣但又好特别! 如果中意食芝士既话，必推手工芝士牛肉饺，师傅自己新鲜手打，食多几粒都仲想encore! 呢度既紫菜响钤都系好特别，唔系间间火锅都有!饮品点左原个椰青水，食火锅配椰青水又出奇地夹同解渴。
继续阅读
呢排天气冻冰冰，真系好想去打边炉。咁啱今日大年初二冇乜几多间餐厅开门，最后就试咗呢一间火锅店。呢度首先要讲嘅系佢嘅服务好好，招呼我哋嘅女士应该系老板娘，态度好好，服务亦好足。而佢嘅火锅亦都好有水准，我哋叫咗牛腩锅，佢话系熬出嚟嘅汤底 ，味道真系好重，不过我认为本身汤底有少少太咸，所以都系加咗水打边炉。而佢嘅食物系好新鲜、肉质亦都好好。啲牛又腍又滑，而丸类同埋饺子都比较特别，唔系出面食开𠮶啲。所以应该系自家制嘅！
继续阅读