潮福蒸氣石鍋 (已結業)

有一排冇打邊爐啦，最近天氣時凍時熱，又引返我去打邊爐先，呢間潮福好多分店，佢嘅海鮮好新鮮，價錢又平，打邊爐都吾錯。佢係一個價錢，有自選同任食menu，岩晒我地大胃之人，入去到環境舒適，先嗌左個花膠雞湯鍋，再另外點了不少海鮮，有桶蠔，海蝦， 龍躉，貴妃蚌，聖子 ，黃刀貝，好豐富丫。仲有極上安格斯牛肉，佢嘅牛真係吾錯，入口牛味濃，而且脂肪比例平均，我覺得可以不用煮太熟更加好味。任食menu我地都嗌左吾少，手打丸， 鯪魚滑，菜餃，腸仔，仲嗌左好多菜丫，粟米，金菇， 鮮淮山等等，食物好多元化，而且價錢合理，物有所值。食物環境都好滿意，而服務我都覺得好好，好細心，又會走嚟幫我地加下湯，同好有禮貌，我覺得可以再嚟，帶父母或者一大班朋友嚟食都岩丫。…查看更多

最近天氣好熱，但熱愛打邊爐嘅我，照樣去打邊爐，今日去嘅係潮福。佢有個新menu，先百幾蚊，就有海鮮，刺身，靚牛同任食menu，好著數，好平又好食，先講海鮮已經回晒本 ，有龍躉，海蝦 ，貴妃蚌，桶蠔 ，蟶子等，超正丫，佢好新鮮，旁邊就有魚缸，d海鮮喺度游水。另外仲有三文魚刺身，都吾錯， 肥瘦適中，好鮮甜，打邊爐都有刺身食，好正丫。到碟靚牛，一睇就知正，鮮紅又有色澤，好香牛味，煮到半熟，食落仲有牛汁好好味丫。食晒都夠飽，如果吾夠，仲有任食，好多款，嗌幾多食幾多，有手打丸，羊肉，雞肉，牛肉，而菜都好多款，我地班女仔仲開心，有菜心，芥蘭，油麥菜，皇帝菜，唐生菜，通菜等等，實有款岩你，最後食條菜，好舒服。…查看更多

每次一家人食飯，我爸爸都好鍾意去潮福，今次唔係食蒸氣鍋，而係打邊爐，都覺得吾錯，同樣又平又好食。先選湯底，我地選左花膠雞湯，都有吾少花膠，雞味都好濃，再有每人嘅海鮮定食又有刺身同安格斯牛，牛好食，好新鮮，肥瘦適中。海鮮方面，有海蝦，好彈牙又大隻好新鮮，仲有貴妃蚌同聖子，都係大大隻，洗得乾淨，冇半點沙，桶蠔都好正，好肥美，又大隻，蠔味濃，好想再食丫，仲有黃刀貝龍躉等。另外刺身係三文魚同象拔蚌，三文魚好正，好肥好新鮮，我好喜歡佢厚切，而象拔蚌都好爽口，鮮甜，吾錯。到任食啦，有好多選擇，肉丫牛丫丸丫菜丫各種面類等等，可以話諗得到都有，例如 鵝腸，魚肚，日本蟹柳， 炸魚皮，炸腐皮，鯪魚滑，手打丸，羊肉，雞件，鮮冬菇等。整體好食丫，價錢又平，選擇又多，會繼續成為我屋企嘅飯堂。…查看更多

襯天氣味係好熱， 就想去食多次火鍋， 約咗朋友去大埔食潮福。揀咗個火鍋套餐， 有海鮮拼盤， 上等肥牛， 龍躉，海蝦，桶蠔，貴妃蚌，聖子等等， 啲海鮮好新鮮， 海蝦種好生猛， 桶豪大大隻，貴妃蚌仲開合開合嘅， 非常好食呀。又有三文魚刺身同象拔蚌刺身， 刺身好鮮甜， 食完仲有任點menu， 選擇好豐富，有黑毛豬啦， 肥牛啦，羊肉啦，雞肉啦， 仲有好多好靚嘅手打丸， 各樣嘅蔬菜應有盡有，好味好味。服務方面，上碟都嚟得好快， 又好快幫我換碟， 服務好周到， 價錢百幾蚊， 食到咁多海鮮同任食嘅自選菜式真係好抵食呀。…查看更多

好耐冇食過打邊爐啦，今日一家人去潮福食飯，佢有個新menu係打邊爐任食，所以試咗呢個，好抵食。佢menu有海鮮盤定食，安格斯牛肉同三文魚配象拔蚌，海鮮好正，有龍躉， 海蝦，貴妃蚌，桶蠔， 聖子，黃刀貝。全部好新鮮，最中意係桶蠔，好大隻好肥美，而貴妃蚌同聖子都好食，好有彈牙，鮮味，好食。任食方面，我地嗌左牛丫，餃子，丸，菇等等，超級正，牛好好味，睇樣已經知好新鮮，牛味好濃，另外，都嗌左茹，炸魚皮等，因為個湯底咁多海鮮太正，吸到晒湯嘅精華，再加咁香脆嘅炸魚皮，覺得好正丫。先百幾蚊又有海鮮刺身又係任食，真係超值丫。…查看更多

前排好興海鮮蒸煱加粥底火鍋 見呢間餐廳又多分店 又有得book 就give a try吾知呢間係咪太多人 就算book左都要等一陣上到去就見到佢地個signature籐蓋我地簡左放題個set不過吾係每樣食材都係任叫的開頭要簡一款粥底跟住有差吾多8,9樣海鮮比你簡4種以上4種海鮮係有規定數目同冇得追加的咁都係既 如果海鮮都無限追加佢就蝕大本lu可以追加既 waiter會比張追加紙你 好似食放題咁任你點當中既和牛片就好有驚喜估吾到就咁蒸牛肉會咁好味 證明佢地既牛本身質素吾低先會咁有牛味最值得一提應該係個粥底了 超鮮同埋呢度每枱會有一名服務員專門serve你 幫你為每種食材調教特定的時間同分菜 好讚不過價錢就頗貴了 3人埋單1200星期五至日仲會貴d所以耐吾耐一次就ok了…查看更多

今日同屋企人去左大埔探親戚，晚飯係埋呢邊食，屋企人之前食過呢間潮福蒸氣石鍋分店覺得唔錯，所以試下大埔呢間。搭lift上到二樓都幾方便，上到去地方都幾大，我地一行7人坐大圓枱，座位寬敞，坐得都舒服。叫左海鮮定食火鍋放題，無限時任食火鍋，價錢唔算貴。套餐有三種定食，海鮮拼盤：龍躉、海蝦、美國桶蠔、貴妃蚌、聖子皇、黃刀貝；安格斯牛肉同三文魚象拔蚌刺身。先黎三文魚同象拔蚌刺身拼盤，三文魚好肥美，象拔蚌都好新鮮。醬油配料有得任攞，可以自己調配自己鍾意嘅醬汁。海鮮拼盤好豐富：海蝦好大隻，啖啖肉。龍躉肉好滑，好有魚香味。美國蠔肥美大隻。貴妃蚌、聖子皇同黃刀貝都好新鮮，味道鮮甜。安格斯牛肉花紋好靚，厚薄適中，肉香嫩滑。仲有好多其他火鍋配料可以任叫任食。…查看更多

之前食左幾次都係食蒸氣窩套餐，今次試下食海鮮定食火鍋放題，火鍋放題冇限時，可以坐耐d食耐d。首先揀火鍋鍋底先，都有十幾種選擇，星級鍋底有兩款，我地揀左濃湯花膠雞鍋；定食有海鮮盤、安格斯牛肉、三文魚刺身拼象拔蚌；仲有任食火鍋配料。刺身盤新鮮，三文魚肥美，象拔蚌都好爽口。海鮮盤有龍躉、聖子、黃刀貝、貴妃貝、美國桶豪、大海蝦，全部都好新鮮，最喜歡食龍躉片，肉質嫩滑又鮮味。安格斯牛肉，脂肪紋理平均分佈，非常新鮮，肉味香濃。啤酒汽水一樣有得任飲。醬油配料都係可以自己任攞。大埔呢間潮福地方都幾大，仲有電視睇。…查看更多

今日勁想瘋狂食海鮮🤤🤤🤤🤤所以就特登來左e間酒樓試一試🙌價錢唔算貴，三百幾蚊一位任飲任食勁多海鮮，🦑🐟🦐🦀有花甲，👍🏻👍🏻有魚，🐟👍🏻👍🏻有蟹，🦀👍🏻👍🏻有扇貝，👍🏻👍🏻有帶子，👍🏻👍🏻肉類有牛有豬有雞有羊👍🏻👍🏻👍🏻👍🏻👍🏻👍🏻丸係手打的，超新鮮😈😈蟹超新鮮不是死蟹🦀🦀花甲好新鮮ah環境都幾大幾靚🌈🌈🌈位子幾舒服🙌🙌🙌員工態度非常好👍🏻👍🏻👍🏻👍🏻…查看更多

早前幫朋友搬屋，之後佢請返我地食慶功宴，大家都係大埔朋友，所以我哋揀咗大埔廣場。比平靚正嘅火鍋吸引，價錢唔貴，朋友請任食就最穩陣啦！經過潮福每位都係 $198。一坐低經理已經話送定食，意思係有三樣野包咗嘅，其他嘅配料可以自己選擇。地方裝修簡潔明亮，服務員十分有禮貌，有笑容仲主動介紹火鍋湯底，番茄牛腩湯正，竹蓆茅根水健康，一於試吓！最先奉上的是海鮮盤，生猛海蝦，美國筒蠔。蝦真係手掌咁長，好新鮮。大大隻貴妃蚌，食落爽口甜美。蟶子皇更加係冇得彈，我最喜歡的還是生劏龍躉肉，魚塊肉質鮮嫩，魚皮下的骨膠原非常彈牙。牛肉控非常期待的極尚安格斯牛肉，牛肉油脂及紋理分布均勻，而且每塊都肥瘦適中，滿滿的牛肉味！最後一項定食就係三文魚刺身拼象拔蚌！三文魚厚切入口肥美有質感，象拔蚌爽口彈牙，好新鮮，真係超值。基本上所有材料都好新鮮，仲有好多任點火鍋配料，最喜歡佢哋的手打丸，全部都新鮮彈牙好似乒乓波咁大粒。墨魚丸、鮮蝦丸、味道濃郁而且肉質好啊！用料都非常新鮮，值得推介！如果唔係第日要返工我哋一定飲啤酒，因為朝日同嘉士伯啤酒都係任飲，我朋友就好飲得真係賺咗。街坊價錢真係抵食！…查看更多

出來搵食真係要靠朋友，朋友知道呢到抵食就即時通知我呢啲又要平，又抵食嘅地方，今晚就係呢到食個夠，外面個門面雖然唔係話美輪美奐，但食物同招待確實非常好，咁當然要同大家分享一下啦！首先佢有兩種選擇，一就係蒸氣火鍋$298，另一種就係海鮮定食火鍋$168，咁當然就要平個種啦，咁先至係吃得盡！但呢到又唔會因你叫呢個火鍋而少了東西吃，未開始火鍋前，就先上了新鮮刺身定食，三文魚同象拔蚌，三文魚肉質肥美，而象拔蚌肉質爽口鮮甜，出面食都要你過百元，而個餐就包了，跟住上埋個安格斯牛肉，同埋個海鮮拼盤，火鍋湯底就選擇蕃茄崩沙牛腩鍋，呢個湯底嘅牛腩十分軟熟嫩滑，重香濃嘅牛肉味，入口真係啖啖肉，未放火鍋材料前不防飲埋個頭啖湯，真係十分美味！而個海鮮拼盤分量十足，有生劏龍躉件、生猛海蝦桶蠔、蟶子皇、黃刀貝、貴妃蚌，樣樣都十分新鮮，放湯一陣就可以吃，龍躉件除了肉質彈牙爽口外，塊充滿骨膠原嘅龍躉皮真係好有口感！而蟶子同貴妃蚌嘅肉質都十分彈牙爽口鮮甜！不得不提安格斯牛肉，一拖水一滾即吃，只在口中溶化嘅感覺，愛吃牛或吃肉嘅朋友真係最好嘅配搭！當然還有其他嘅新鮮火鍋配料選擇，一個價錢真係抵食，重要係任吃之餘都係任飲，還有啤酒選擇，多飲幾支絕對係返本超值！另外重點推介係呢到嘅手打丸，粒粒都十分爽口彈牙，有牛、蝦、墨魚、鯪魚，絕對係必吃之選！個人比較喜歡牛，味道就好似吃點心牛肉球嘅味道，但係佢就再彈牙爽口啲！另外店員亦服務殷勤，不時換碟，加湯，同埋為我們送上飲品，真係感覺良好！朋友推介冇錯，當然今晚真係吃得超飽之餘亦十分滿足！…查看更多

今日好得閒專登同小鮮肉老公仔出咗去大埔～ 諗住搵好嘢食！！！ 最後見到潮福一百九十幾蚊已經可以食火鍋所以就中咗入去啦一入到去門面企企理理～ 分咗蒸氣石鍋區同埋打邊爐區～ 靚女經理安排咗一張五至六人枱畀我哋兩個人坐！😄 我只可以用好闊落嚟形容坐得好舒服～～首先原來定食123 係一定會有齊畀我嘅！！ 之後任點任飲任食 就係喺圖中右手邊嗰一列😍😍 貝係食個海鮮拼盤都已經好抵！！打邊爐梗係要飲 竹蔗茅根水～ 清甜夠味而且涼浸浸！！！有超多配料～ 又可以開展混醬大行動～而且企企理理！岩曬喜歡乾淨的本人妻！！極尚安格斯牛肉到了～ 條理分明！ 肉味夠海鮮拼盤超大盤～除咗有聖子～ 仲有大大隻的蠔～蝦～ 貴妃蚌等等～～ 係大大隻嘅貴妃蚌呀 喺潮福 散叫的話係斷兩計㗎！！！！！！ 只係食隻蚌都抵魚生好新鮮～～～ 好味好味！！ 人妻發現原來啲象拔蚌係可以放落雞煲打邊爐㗎！！！ 一 蚌兩食～ 叻叻豬大家冇睇錯！！！呢隻咁嘅雞係畀我攞嚟做湯底嘅～～ 絕對唔係未發育嘅鵪春雞～～～ 而係一隻絕對過咗青春期嘅肥雞人妻將佢一次過放曬落去煲湯度～ 之後叫咗啲粟米！ 攞嚟淆湯～ 首先滾 咗啲海鮮食～ 海鮮非常鮮味！海鮮嘅甜味充分融入雞湯裏面～ 大家記住千祈唔好加水～ 叫姐姐畀個 湯殼片走上面啲油！！ 之後飲咗嗰雞湯先 好肯定我一句好諗過阿媽煲啲湯呀( 內心小聲音：阿媽對唔住) 真係好好飲好好飲好好:手打丸系列絕對唔係街市凍肉舖嘅貨色～ 全部彈牙牙有口感食完亦都唔會口渴！！手打韭菜餃～～ 直情有住家味道味黑毛豬肉～ 滑嘟嘟！！ 肉味濃～總括嚟講真係好抵食而且好味！！！ 最緊要係個湯底都飲得～ 而且舒服無論係家庭同拍拖都值得一試！！！…查看更多

今日入左大埔搵個老友 行到好攰想搵個地方吹下水 最好就係搵d抵死又坐得耐嘅地方 火鍋鋪就一定係最好嘅選擇 $198任食任飲坐幾個鐘 真係冇得輸有成差唔多60樣唔同嘅野任食 同其他地方都差唔多 不過手打丸就唔係度度都有 所以我自己都點左幾轉連去食放題必飲嘅忌廉溝鮮奶都有 真係估佢唔到 不過最近熱氣 所以我飲竹庶茅根水算海鮮拼盤係得一拼 冇得反叫 好彩我自己對海鮮就一般 不過百幾蚊任飲任食仲有個海鮮拼盤比你食 仲想點呀 真係一個字 —— 抵極品黑豚肉 我朋友話係最好食 佢話好新鮮 唔係放左好耐同最最最緊要唔係雪藏豬黎呢個都係冇得反叫嘅極尚安格斯牛肉 我個人最like係呢個 真係非常非常好食呀如果有得任叫 我最少要食十碟 所以冇得反叫係有原因嘅手打丸同手工餃 唔好以為我叫咁少就姐係唔太好食 咁諗你就錯曬 我通想第一轉都係叫少少試下味先 好食再叫 結果我手打丸同手工餃我都叫左各五碟呀打邊爐最好嘅拍檔 竹庶茅根水…查看更多

原來有時發覺近近地開飯都會有意外收穫，就好似冇意之間見到呢間火鍋店咁平時好少行呢度都唔知有又真係幾方便，咪睇好似好普通其實食物質素一D都唔會差兼且又睇頭仲係無限時間又可以慢慢食慢慢飲簡直一個超筍選擇，我當然唔會錯過就一於去品嚐一下味道如何，話明係海鮮定食火鍋放題，梗會有新鮮又美味嘅海鮮定食附送，已包含咗六款生猛海鮮，至於湯底都有十多款選擇等湯底滾起就可以起筷，先食當然係海鮮有龍躉片入口鮮嫩多肉食落好鮮甜，而海蝦肉質夠爽口，美國桶蠔大隻肥美多汁，其餘蟶子皇同貴妃蚌一樣咁出色食得滋味，咪以為食完一輪海鮮就算繼續有極尚安格斯牛肉，未食已知好味道肉質脂肪平均分佈，入囗嫩滑肉味香濃，真係不知不覺話咁快食完美食又何止呢D再來有三文魚刺身拼象拔蚌，三文魚肉質食落滑溜香甜，象拔蚌口感十足夠晒鮮味:)其後有六十多款火鍋配料任你點，我梗係唔執輸樣樣都要D咁先至滿足到食慾，又其係手打丸類每粒都用料十足，入口香滑又彈口真係咁食已值回票價再飲番竹庶茅根水解吓喝再繼續享受一餐美味火鍋。…查看更多

老公山長水遠陪我入大埔剪頭髮，點都要有返啲回贈俾佢，就揀佢一年四季都咁愛既打邊爐做晚餐，雖然對我嚟講已經有啲厭惡，但確實係香港諗唔到食乜或一大班朋友聚會，呢個幾乎係必然之選，湯底及配料選擇之多，總有一款合你心意情人節去過潮福蒸海鮮，對佢既食物建立咗信心，始終老公去過連鎖酒樓任食邊爐有極不愉快經驗，所以都唔敢慳少少食到成肚氣定食象拔蚌刺身鮮甜爽口，三文魚肥美肉厚極上安格斯牛肉油脂平均、肉味濃海鮮拼盤樣樣新鮮，個人偏愛龍躉、聖子及生蠔，唔會淥到縮晒水任點食物中較少見既魚肚雖然係雪藏貨，但勝在大大塊吸晒湯汁，比豬皮更加入味手打牛丸好似平時既山竹牛肉，加入陳皮增添香味;粉腸同鵝腸呢類內臟最易中伏，當食到新鮮內臟真係要暫時拋開膽固醇之憂，好好享受今日想要刺激味蕾就揀咗麻辣鍋，加湯溝淡唔夠辣，侍應詢問要唔要加返啲麻辣醬，同時唔想飲凍飲時，亦幫忙入廚房找一揸未雪既竹蔗水，難得係酒樓遇到主動關心客人需要既服務，大大提升回頭率…查看更多