潮盛館

营业中

休息中

因為係附近番工，所以成日係新蒲崗周圍搵野食😋呢個係同事介紹，因為鍾意食鵝腸所以通常黎都係叫鵝腸既菜式。整體食物水平okay, 呢個價錢，中午lunch 都算係咁。我叫左鵝腸鹹雞飯，同事叫嘅湯飯份量都好足。

Chao Zhang Restaurant潮盛館的鵝片拼盤三拼: 大腸﹑墨魚﹑豆腐: 第一次去潮盛館便點了他們的鵝片拼盤, 這三拼還真是個不錯的選擇，三款都各有特色和口感, 而且都不是像表面般容易去做得好食的食材。但因為我們喜歡吃海鮮, 又想吃得清淡一點, 便選了這個搭配, 結果論並沒有失望, 反而很喜歡。這個拼盤有大腸、墨魚和豆腐，每款都有自己獨特的風味。我尤其喜歡吃大腸, 但涼拌做得好是不容易的, 因為放涼吃多多少少比較硬一點, 而這裡的大腸處理得很好, 首先清潔得很乾淨, 讓我吃起來倍加安心, 然後經過醃製，吃起來味道香濃, 不會淡茂茂，口感軟嫩，搭配店家提供特製的醬油, 鮮味爆發, 吃起來非常開胃。墨魚亦爽口彈牙, 鮮味十足, 絲毫沒有腥味或怪味，只吃到海鮮的鮮甜味, 可說是物超所值。至於豆腐, 它看似味淡, 但其實吸收了所有味道的粹, 因為它像海綿般, 會吸收其他材料的鮮味, 一吃起來便很驚喜, 比想像中夠味, 甚至可以不用沾醬汁去食, 裡面口感滑嫩, 完全沒有overcook, 是個很清爽的選擇, 很適合夏天食用。然後這道菜可以單吃, 也可以配粥配飯, 味道十分豐富。

新蒲崗 潮盛館今次試左招牌菜-醉乳鴿上菜時有乾冰製造雲霧效果 打卡一流乳鴿去骨切片後 呈翅膀狀展開 顯得刀工及擺盤細緻 鴿肉入口嫩滑 酒香突出但不厚重，有甜味 增加了層次感 推介👍🏻

呢間餐廳係新蒲崗，其實之前已經食過一次，感覺係唔好食，佢個鹵水鵝個汁係冇味嘅，叫個鹵水鵝，就畀曬啲骨人食，係冇乜肉嘅，成個飯好似齋食白飯咁。諗住睇下會唔會係咁啱，今次試第二樣，點知都係咁難食，今次食lunch叫咗個五香牛展飯加一杯嘢飲，首先個牛展係十分之咁鹹，又乾有d硬，好似醃咗幾日幾夜嘅牛展，拎出嚟畀人食咁，同埋個牛展側邊唔知點解用咩醃可以醃到佢係紅色，賣相已經好唔吸引，同埋個牛展太咸，食白飯都溝淡唔到。。😓😓😓

寶貝女帶路食潮洲菜😘醉鵝肝（半份）必試😋鵝肝好香酒味👍入口即溶！蠔仔粥（窩）蠔仔肥味👍料頭充足食蠔仔粥一定要加楜椒粉！絕配味道😋👍蜜汁燒鱔😋鱔片彈牙脆口，正👍鵝片拼墨魚片鵝片油香唔韌！墨魚有口感😋 順德炒米粉拍蒜炒西蘭花牛奶卷（5條）好香奶味！唔油膩👍總括：經網上訂枱～仲有八五折！好味又抵食😋

聽聞呢間新蒲崗 潮盛館 好出色 所以都忍唔住過嚟試下 果然好得── ▪︎ ── ▪︎ ── ▪︎── ▪︎ ──☆醉乳鴿 乾冰伴碟出哂煙 上菜果陣個儀式感滿滿 未食都已經醉了 食落花鵰酒味濃原隻砌片出嚟 又靚又好味 不錯必點 ☆醉鹅肝酒香鹅肝半份份量也很多 齒甲留香 ☆蠔仔粥以方魚乾做湯底 加入蠔仔 每一口也是純純的方魚香味超好吃的 ☆蜜汁燒鳝蜜糖配肥美的鳝 燒得很香 層次感十足不太油膩。── ▪︎ ── ▪︎ ── ▪︎── ▪︎ ──🍽️ 潮盛館 網上訂座享85折優惠📍 新蒲崗寧遠街3-23號越秀廣場地下G25-G27號舖

今日專登嚟帶個朋友去新蒲崗嘅潮盛館，因為佢地嘅lunch又抵食、又好食！⭐鵝肉鵝腸飯嘩！一上枱就見到啲鵝肉、鵝腸多到幾乎鋪滿成個碗，仲有啲酸菜添！🤤 鵝肉啖啖肉，真係好靚，唔會好肥，食落好滿足！👍 ⭐八寶飯呢個八寶飯真係不得了，乜都有！有滷水蛋、鵝翼、鵝腸、豬耳、紅腸、金錢肚、鵝肝、鵝腎，種類夠多，樣樣都試到，啱晒我呢啲乜都想試吓嘅人！😋 滷水嘅味道啱啱好，唔會太鹹，每樣嘢都好入味！⭐燉湯呢個燉湯熱辣辣，啱晒依家呢啲天氣飲！個湯好足料，仲好好飲😋，有羊肚菌、螺頭、瘦肉、雞，真係落足本！湯渣一啲都唔柴，飲完個身仲暖笠笠！👍⭐醉香鴨舌呢個醉香鴨舌都好正，好入味，食落去有淡淡嘅酒香，好惹味！😋

#🐒😋平時真係好日都唔會去新蒲崗但聽聞呢間 #潮盛館 好出色 所以都忍唔住過嚟試下── ✦── ✦ ── ✦ ── ✦ ──ʚ #鵝件拼鵝腸 ɞ 出面好多叫鵝件都係斬到甩皮甩骨佢唔會之餘 每一件都有大大舊肉鵝腸都好爽口 點埋潮州辣椒油更加香ʚ #醉乳鴿 ɞ 上菜個陣儀式感滿滿 有乾冰係隔離出哂煙未食都靚到醉 食落酒味都算重原隻砌返出嚟 又靚又好味ʚ #麻辣金錢肚 ɞ 麻香十足 可能因為佢凍食嘅關係比較爽口 同平時酒樓食個啲口感唔同── ✦── ✦ ── ✦ ── ✦ ──

餐廳裝修明亮、整體感覺乾淨舒適，店員友善，菜式有傳統亦有新派。最值得讚係擺盤精美，陣陣仙氣。想食潮州菜又想大氣啲，呢間餐廳會係好嘅選擇。 ✦ 蜜汁燒鱔就係因為呢道餸令我一再返嚟食。外層焦脆，少甜、蜜味香濃，甜而不漏。內層鱔肉非常厚，嫩滑彈牙，魚汁充沛。 ✦ 潮盛特色醉乳鴿 醉乳鴿真係少見，而且起晒骨啖啖肉，肉質鮮嫩，酒香濃郁之餘仲食到鴿味。 ✦ 滷水豬耳口感爽脆，滷水好香口、唔太咸。好有心機嘅餐廳，菜式多選擇，值得一再返嚟食。

爸爸喜歡吃潮州菜，今天跟他到訪居家附近，位於新蒲崗的「潮盛館」，午市提供套餐，天天不同-🔹午市 2 人套餐 $168▶️是日豐料燉湯 2 盅加入螺頭、鮮雞、瘦肉及羊肚菌等，湯料頂級豐富，飲下溫和順喉，鮮味甘甜又毫不油膩-▶️鵝肉雙拼 (點選墨魚)選取最名貴的鵝髀位，肉質細緻紮實富鵝香；墨魚雪白，爽滑有彈性；以不少的滷水豆腐墊底，滷水香調得恰到好處-▶️翠綠炒蝦球帶子以上湯煮過西蘭花爽甜鮮嫩，蝦球爽口彈牙，帶子鮮嫩幼滑附白飯兩碗及咖啡/茶兩杯-🔹特大滷水鵝腎 $108份量十足，口感外脆內嫩，綿密細緻，味道鮮美；以嫩滑又富豆香豆腐的墊底，健康滋味

好友約我去位於新蒲崗寧遠街3-23號越秀廣場地下G25-G27號舖的《潮盛館》食潮州菜，環境舒適，坐得舒服。我地點左：🥢午市2人套餐 $168📍是日豐料燉湯 X2今日的燉湯是羊肚菌螺頭燉雞，湯底清甜好飲。📍鵝肉拼元蹄鹵水鵝肉拼元蹄份量不少，鵝肉香滑，元蹄清爽，好味又好食。📍翠綠炒蝦球帶子蝦球結實彈牙，帶子厚肉好味，西蘭花炒得青綠👍📍白飯x2📍熱檸檬茶📍熱鴛鴦🥢海鮮雜菜煲 $138海鮮有蝦、蜆、魷魚、魚片、白菜、菜心...等，材料豐富及鮮味十足。

潮盛館地址: 新蒲崗寧遠街3-23號越秀廣場地下G25-G27號舖=====================放假先有時間去做gym 運動，要增肌重要是運動完3個小時內，補充充足蛋白質，才可以修複肌肉及令增長！在gym room 附近搵左間食lunch ，肉肉肉，玻璃窗後排滿肉呀，一於食你啦$78麻辣口水雞，個紅辣油好惹味呀$53 醉香鴨舌大力推，因為啜來食，有酒架甜醇亦是有彈

今日同老公黎左新蒲崗呢間潮盛館食午餐🍽️。叫左個午市套餐，都好豐富咖😁！一開始上左燉雞湯，湯底用心熬煮，雞肉鮮嫩，滋味濃郁🍲。當日天氣涼，食碗熱辣辣嘅雞湯好保暖🔥。主食有鵝件拼墨魚，份量都多，三個人食都夠食👨‍👩‍👦。鵝件的肉質滑嫩，油脂適中，鹵水汁味道剛剛好不太鹹；而墨魚片好滑好彈牙，仲有鹵水豆腐，餸飯一流👌。另外仲有虎皮椒炒鹹肉，虎皮椒外焦內嫩，比較軟身易入口，鹹肉炒得好入味，滿滿濃郁嘅醬汁，不錯👍。最後是我地仲叫左我最喜歡的清酒煮蜆，一上桌已經聞到清酒香氣，好清新的感覺🍶。蜆肉好鮮甜又大隻，而且仲好彈牙，好新鮮，同老公勁食過不停❤️。呢間餐廳食物優質，性價比高，下次會再幫襯！🎉潮盛館地址：新蒲崗寧遠街3-23號越秀廣場地下G25-G27號舖@chillchill_aloye#新蒲崗美食 #潮州菜 #打冷 #蠔仔粥 #鵝片 #街坊美食 #香港美食 #食評 #相機食先 #香港特色 #美食推薦 #食好西 #hkfood #香港美食 #foodiehk #foodpics #hkfood #foodstagram #foodie #hkig #igers #foodblogger #foo

有時係新蒲崗食完晚飯出嚟，經過見到呢間餐廳成9點都仲有人喺度排隊，今次因為要就返朋友收工，終於有機會試下佢，原來9點開始入座仲有八五折👍📎滷水三拼：份量好足，除左自選個三拼外仲有豆腐墊底。三拼揀左大腸、豬腩肉、墨魚，大腸清潔得好乾淨，而且肥瘦腸都有，滷得好入味。豬腩肉肥瘦分明，瘦多過肥，所以食落一d都唔肥膩。厚切墨魚有海水味，口感又滑又彈牙。📎蜜汁燒鱔：應該係食過最好味既鱔，外皮燒到微微脆，鱔肉爽口彈牙，蜜汁調味恰到好處，滿分💯📎韭菜豬紅：應該係食打冷必點既菜之一，沙嗲味既醬汁好濃好惹味，又唔會太咸。豬紅好軟腍好滑，煮得好入味。因為今次得兩個人，仲有好多菜式未試到，bookmark左下次再黎試其他。

我同朋友尋日去咗一間潮洲菜館，諗住試吓佢哋嘅味道，就叫咗個二人餐，入面有燉湯、鵝件拼雞同翠綠炒蝦球帶子，之後仲加咗兩隻生炸BB乳鴿。講吓個燉湯先，上枱係熱辣辣嘅，湯底用咗啲基本材料燉，味道幾清，唔係好濃但飲落暖胃，有少少甘甜味，湯入面有些配料例如紅棗同瘦肉，食落去都幾軟熟，整體係唔錯。鵝件拼雞係一碟拼盤，鵝件大概有7/8件燜得幾入味，肉質算嫩，表層有啲醬汁，鹹度啱啱好，稍微帶點油香，唔會太肥膩，配飯應該幾好。雞就切咗幾舊，肉質嫩滑，皮有少少脆口，調味簡單，食落去有雞嘅鮮味，係幾juicy幾好食。兩樣加起來份量夠二人分，味道同口感唔錯。翠綠炒蝦球帶子就係一道炒菜，蝦球有五六隻，size中等，咬落去幾彈牙，夠新鮮，味道唔濃但有海鮮嘅鮮味。帶子肉質算鮮嫩，炒得唔過火，保留到啲甜味。配菜有西蘭花，炒得幾脆口，油用得唔多，食落清爽啲，顏色都幾靚，望落健康。整體嚟講呢道菜係簡單嘅海鮮炒菜，味道OK。另外叫咗兩隻生炸BB乳鴿，佢係單點嘅，上枱時熱氣仲上升緊，外皮炸得幾金黃，咬落去有啲「卡滋」聲，算脆口。肉質嫩，啲汁鎖喺入面，食落有少少油香同肉香，調味唔重，靠炸嘅火候帶出味道。乳鴿size唔大，一人一