潮發記

朋友介紹叫咗淨水餃，又叫牛雜，之後在叫凍檸茶，凍檸茶收咗21$一杯，全單90+35+21全部。見到隔離張單係寫十蚊左右，我之後問咗，佢話張單打錯，變成單叫，冇得跟餐。我話重新打過，竟然講冇得打過🤣總之第一次去，都係最後一次，以後唔會在去水餃湯咸，牛雜又麻麻⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯如果開單開錯我都會重新在發過，而唔係想淨係做一次生意就算，好唔好食其次，咁樣做生意真係唔掂，即使一開始我係打算外賣都好，最後買單時仲問咗一下，知道整錯都唔改返，仲話改唔到，人地改到，得你地改唔到。…查看更多

下午茶時間食豬雜米線，我唔係第一次食，但同之前咁多次相比，腸係明顯變左，咬一啖係極苦，同職員反映，佢哋無視食物質素問題，仍然企喺度好似唔知要做乜，我同佢講其實要同廚房講，然後仲要玩笑式喺度玩，當客聽唔到，極度懶散態度惡劣！同一條街仲有其他好野食，唔好浪費時間去食呢間！…查看更多

一早起身食個早餐，呢間嘢越嚟越唔好食，以前初初開乜都係熱嘅，依家肯定係貪方便整定，啲嘢又干又柴，連杯奶茶都唔好飲，重要今日話要太陽蛋，竟然話整唔到，超攪笑！重要收$34.-蚊，哈哈哈！我呢個香港仔原居民以後絕對唔會再幫襯！…查看更多

【南區】【潮發記】我就好少去南區嘅，不過咁啱識咗一位南區嘅朋友，所以就有少少機會又去吓呢區。本身只係搵啲嘢食浪吓肚，但係周圍都係潮州嘢、粉麵店，甚至係潮州粉麵店，所以都冇咩可以選擇，就咁是但搵一間求其食啲嘢啦。吖，差啲唔記得，之前一直都被人垢病話我只係做茶記同粉麵店，係呀，今日喺香港仔呢度又係幫襯啲粉麵店，如果真係好反感嘅話，我都冇辦法。一個人求其食啲嘢，咩都食吓，咁呢啲又真係最符合到我最基本嘅需求吖嘛。呢幾日其實我都做咗拉麵店、飯糰店、居酒屋等等嘅日本餐廳，不過 haters gonna hate，都一定會係咁架喇，我都冇咩想講。畢竟我要做嘅用餐體驗都真係想係要同其他人有所不同，有唔同就當然會令到一啲人無所適從嘅。講返今日呢間啦，其實我都行咗一陣先決定到，本身有幾間潮州粉麵我都想試，但係行到門口之後，望一望又冇乜動力走入去。直至行到呢一間門口，見到佢有常餐嗰啲，粉麵方面又有豬雜、牛沙瓜等等做選擇，幾好。入到去我就叫咗個「牛沙瓜牛坑腩伊麵」，本身我都好少喺粉麵店食伊麵，但我見啲老饕好多時都會叫伊麵，就加錢試吓，感覺果然唔錯。配合埋質素 okay 嘅牛坑腩同埋好少地方有嘅牛沙瓜，我覺得成碗嘢幾好食，味道唔錯。飲品方面，我飲咗個「凍檸茶走甜」，味道都係正正常常咁。最後個價錢係 $59 出門，嗱，以食到牛沙瓜、牛坑腩嚟講，呢個價錢唔算好差嘅。凡事唔好淨係睇表面個粉麵加嘢飲，都要睇吓佢內裡其實有啲乜再判斷佢嘅價值。。。（地址：香港仔東勝道3號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #1ambackup #1am0577 #tasty #globaleats #tastyfood #foodpics #followforfollowback #love #eat #1am南區 #香港仔 #潮發記 #牛沙瓜 #牛坑腩 #伊麵 #凍檸茶 #潮州粉麵…查看更多

#潮發記 早幾日重回香港仔，之前有網友介紹話依間潮發記豬什幾好，可惜之前未有機會試，今次終於有機會。四點幾去到人唔太多，望見枱面有魚露就放心試河粉🤣 最怕太淡口。豬什中以豬肺最吸引，質感夠爽，需知道清洗功夫繁多，出面都唔容易食到。其他好似豬肚同粉腸都係一般，不約而同都食到苦味。有人認為此並非苦，而係甘，而且係上品🤔湯底果然清淡，河粉夠幼不夠滑，靠魚露幫手提鮮了😅整體而言，$35豬什河，比較普通。潮發記香港仔東勝道3號地舖#港飲港食平靚正 #香港仔 #豬什河 #豬肺 #魚露 #河粉 @foodiehck2022…查看更多

小妹食依間都食左一段時間了，因為係街坊，不過今次嘅經歷真係令我要諗諗會唔會再食，事緣我叫左碗牛根米線，平時嘅我，叫完會玩電話，不過今日咁岩冇玩就睇住佢將我個碗米線落左人地將枱到，落左一陣，長頭髮比較後生嘅侍應先發現落錯枱，跟住同個枱客嘅女士講左2句，碗野就拎返起，個女侍應係個場到轉左2個圈，之後等左一陣碗野去左我枱面，落完枱之後佢即刻唔見左，跟住等左一陣，我問另一個侍應係咪同一碗野，個侍應當然否認，但其實我好肯定係同一碗野，因為係凍嘅，同埋個侍應嘅態度反映一切…查看更多

🐾 潮發記 (香港仔) 🐾-豬雜米粉$33✔️墨魚頭米粉$35✔️-豬雜米粉:平時牛雜就食得夠，豬雜就第一次食，湯底就魚湯黎嘅，豬雜入面最熟嘅應該就係豬腸😂都ok嘅-墨魚頭米粉:宜個就不過不失，墨魚都爽口，都還可以嘅，就係普通一個米粉———————————————(非專業,完全跟據個人口味☺)食物:6/10環境:5/10服務:6/10人均消費:$50-$100———————————————▪店舖名稱: 潮發記 (香港仔)▪店舖地址:🔸 香港仔東勝道3號地舖-----------------------…查看更多

這條街上有幾家裝潢差不多的麵店，左右隔離的擠滿，一不留神，差點去錯另一家。麵店以賣各式粉麵為主，質素一般。我幫襯開的是她家早餐，有沙嗲牛肉麵、牛油吐司、炒蛋和飲品，只賣$31，很划算。牛肉麵有7，8片咬得動的牛肉，性價比高，炒蛋便顯得有點兒'將貨就價'了，應該是加了不少水，至於那片牛油吐司，它…。值得一提的是早餐轉飲凍飲，是不加錢的，我今早飲的便是大大杯凍咖啡。最好味的便是這杯凍咖啡，首先它很凍，很多冰，不是那種半吊子，介乎冷飲熱飲之間，令人氣憤。另外，它的咖啡味很豐富，沖激著你的味蕾，幽幽的香氣在口中徘徊。如果你沒有甚麼要求，只想'平平哋'開始一天，潮發記還是可以接受的。事實上現在有很多餐廳，跟餐若要轉凍飲，加$3-$8是常見的事，那是毛利很高的餐點。夏天驕陽似火，熱氣難擋，告訴自己，趁機會到這餐廳'過冷河'，再喝它幾杯。乾杯!…查看更多

放工都醫醫肚仔咁岩附近見到有間“潮發記”門面張紙寫有豬什河牛什就食得多，豬什就好少食所以就入左去試下佢坐低d吖姐就即刻問食咩洗唔洗咁快，餐牌都未睇好彩我入黎有目標就叫左碗豬什河唔洗三分鐘就到啦一開頭梗係飲啖湯先咦，又唔錯喎，飲得出係魚湯之後慢慢研究下有咩豬既內臟目測應該有豬肚/豬潤/豬心/豬粉腸豬潤一咬成口粉，又乾，唔太岩我豬心就軟淋淋，都還可以豬肚就爽口既，脆脆地豬粉腸係真係買種入邊最好食，不過唔太識點形容佢既質感料黎講都算可以接受麵量對我黎講夠哂飽起碼食內臟都無話有騷味我覺得唔算好伏啫只係賣$28，食飽飽…查看更多

是日到香港仔食宵夜，本身諗住食返食開既新昌發，但朋友提議不如試下新開左一段時間既潮發記，打著未試過既心態決定一試，誰知中伏！見到餐單上有牛沙瓜，諗住試一試哩度既牛沙瓜是否如水記一般好吃，叫個淨雲吞牛沙瓜雙拼，點知果女侍應態度勁差甘話牛沙瓜係肉類，吾可以雙拼喎，一定要加粉麵，再吾係就要淨食80蚊，聽完當堂o嘴！明明餐單上只寫明雙拼牛沙瓜加10蚊，沒話要分肉類定非肉類，如果係甘應該要寫清楚，簡直犯左商品說明條例，餐單完全吾清晰！一肚氣之下叫左淨雲吞，再試下佢既甘貴既80蚊牛沙瓜係米甘好食。點知就出事啦，所謂既雲吞竟然連半隻蝦既蹤影都吾見，剩得一舊肉:(:(！牛沙瓜勁咸，就算浸落湯過一過還是咸，d鹽哩排吾知係米大平賣，所以要落甘多去煮！哩間野真是可一不可再，當給錢買教訓，不會再去第二次！…查看更多

$30一碗牛腩麵，加$5變咗伊麵㡳。不過，個伊麵出嚟竟然好似統一福麵嘅樣。但係無福麵咁好食。份量比福麵少，完全唔彈牙，臨bad bad，仲要係冇味道嘅。牛肉份量好少，得五份，細細件仲要肥。勝在洋蔥多，一隻大匙羹都裝唔晒！…查看更多