影片
以上资料只供参考，请与餐厅确认详情
食家推介
到本区的街坊小店，今日再食牛肚河，汤好清够甜又唔系咁咸，我比较钟意呢种清汤。牛肚指定要淋啲，店舖应我的要求牛肚够淋又入味，好好食。$38一碗现时来说是好抵食了。
继续阅读
晏昼收工口淡淡，谂住食啲汤面，附近最近就有呢间，于是去咗。坐低就嗌牛腩河同埋一个腐乳通菜，夹埋$55。牛腩河好快就上枱，汤头好浓牛腩，牛腩爽口又腍身，唔会黐牙，河粉都爽弹牙。不过腐乳通菜个腐乳就有啲偏咸。
继续阅读
作为蓝田街坊，我经过潮牛馆好多次，今日先第一次食，即兴叫左牛筋腩饭，饮冻柠茶小冰少甜。牛筋腩饭嘅牛腩系长条形爽口的，每件都有肥有瘦，有牛味，但个人都系钟意食平时冧身嘅牛腩比较适我口味。牛筋同牛腩明显分开煮，因为牛筋比较深色同埋咸，而且有黑色短毛，望到会有少少唔开胃。冻柠茶过得去，有少少红茶香，柠檬新鲜，合格！价钱$63 包嘢饮。考虑价钱理境同食物质素，我唔会刻意再嚟，但下次可以试埋粉面比多次机会佢。
继续阅读
今晚又再食潮牛馆，叫咗个牛什走肺剩食，牛什面走肺，冻咖啡少冰，泰式炸鲜虾韮菜饺外卖，所有食物水准都无变，仍然系新鲜又好食。本身好钟意食牛什，呢间响蓝田嚟讲算好好食，我间唔中就会帮衬一次，虽然我一般买外卖多，好少响堂食，不过就算系堂食，环境响牛什面店嚟讲，亦算系干净卫生，所以堂食都会推介，希望佢可以继续Keep住所有食物水准，我会一直帮衬佢。啱啱更新咗21年价目表，因为呢间啲牛什确系几好食，值得推介！
继续阅读
最近去左蓝田做野，食晏真系谂到头爆，始终蓝田都个住宅区，来来去去都系连锁餐厅。呢间潮牛馆见到好评都几多，一于今日试试佢！咁多牛杂入面我就净系中意食牛肺，佢整得都几好食，份量都好多，食完一碗都够我挨埋成个下昼，价钱都算平，32蚊，要饮品就另外加几蚊，价钱公道，都见到好多街坊帮衬。其实我就唔系好食得辣既，但同事话佢辣椒油好好味，所以就落左少少试下，真系好香。结果落多左一路食一路流鼻水，唔食得辣既朋友要小心啲唔好落太多啊！呢间潮牛馆可以Encore
继续阅读
您可能会有兴趣的...