影片
食记 (8)
话说果日心血来潮想食烧肉放题，点知上ＯＲ先知黄金果间宫Ｘ装修紧…（好彩有事先睇咗）揾呀揾，揾极都揾唔到有第２间啱心水…正当我谂住放弃嘅时候，男人突然手多「禁」我部ＰＡＤ，就入咗呢间潮烧～因为本身ＯＲ上无写明系烧肉放题，所以我无留意到呢间，直至男人是旦拣而入咗去睇…睇到有人写＄１２８＋１先知系放题…打电话去问，先知原来佢唔系新开，却一啲都唔贵！！ 呢间店嘅前身系好多人用泥「试胆」嘅寿司店，唔洗讲都知点解啦？所以自从读完书，该店又愈来愈多「事」之后我都无再行果头了～对上一次就系响对面食自助餐，不过朋友揸车，一落楼就转弯行咗去，根本无留意到…不过真系觉得好彩有去，因为又可以介绍一家唔错嘅店俾大家了～该店店内环境算系几干净，而且最值得赞嘅系佢嘅抽风唔错！当然啦～我哋果日食，晚餐时间都系得８枱左右，唔系全场爆满～味道自然较少…但系张张枱、个个都烧，店内味道都唔系好厉害，算几好！其实潮烧真系平靓正～价钱唔贵，嘢食种类唔少，而且质素亦唔错～不过亦有有待改善嘅地方：建议客人就座之后先俾碗筷，否则啲嘢黏满哂尘俾边个用？刺身系送的～几ＯＫ！不过其他我无试…熟食方面，田螺真系要一试！非常新奇有趣！亦好好味！另外就系我至爱嘅薄饼～又够热又脆～～不过我觉得炸嘢就一般了～（我自己唔「好」）（自己烧）烧物嘅选择唔算少，份量亦ＯＫ！叫嘅都有到齐～不过肉嘅话，其实分唔到边样打边样…食落感觉亦差唔多…其实店员曾推介过两三样，例如下图有骨果只肉，不过我又忘记叫乜了…佢推介得好好，确实系特别好味的！大家可以又去问吓呀～抽风几好，食完之后个身都唔会太大味～个炉可以免费换一次，不过之后就唔知要加几钱了～～请各位记得叫佢嘅甜品哦～～尤其泡芙，男人同我都追加了！！（似「宜家」果种，里面食落似雪糕嘅感觉）其他我觉得ＧＯＯＤ的，不过男人觉得一般～～（因为佢已被泡芙掳）潮烧俾我嘅感觉就系卫生、整洁，而且食得饱你啦～而且佢平日系做餐厅，所以食物种类同其他店有少少分别（熟食），亦可以试试～最后要讲嘅系服务，店员态度唔错，反应亦快，不过成日觉得有人望住自己咁…错觉？
继续阅读
之前团购食过呢度,野食同服务都唔错!今日去完OP,早一日就决定黎呢度食野,试埋佢个任食!$128+1真系好抵,湾仔区又有咁多野食ge放题!去到冇咩人,早知唔book都得,可能系平日兼佢唔系旺ge地方!即刻狂点野食,咩肉都点D!网烧感觉好似冇咩油,而且佢呢度抽风好似唔错咁!叫左D芝心丸,不过入面唔系芝士@@仲有个咩芝士面包卷,D fd唔系好知点烧...佢果两种鸡翼都好好食,我地encall左几次,D骨挑开左,好易就食到,而且几入味!牛肉果D比较大件,女士唔系好钟意,男仔都ok一件半件,太多会好腻,细件D会好D!一串串ge有洋葱有牛果个唔错,几健康ge感觉,都几好味!最钟意食佢个朱颈肉,唔韧之余卖相都好好,我encall左好几次,食左好多!必食呀!多春鱼唔会好易黐住底,唔似其他韩烧咁易散晒,赞呀!其实太多肉都会好滞,所以佢呢度都好似其他同类店舖咁,有D其他熟食!炸虾同炸鱼都唔错,不过一定要趁热食!仲有田螺,本身令人好开心,但系佢伴埋D酥饼感觉有D怪,挖返旧田螺出黎食就唔错!有得烧菠萝,都几甜!除此之外有前菜,如凯撒沙律等,呢个试过就一般啦,D面包粒唔系咁脆!仲有中西汤,西汤今日系粟米汤,都算唔错,一人饮左一个!饮品方面值得赞,唔只汽水,仲有冻柠茶叨,朱古力等等!朱古力比较淡,唔系好得,不过冻柠茶相当唔错,系甜左少少!仲有甜品,不过我冇咩位试啦!上次食果个水果fruit tart好食但冇晒,朋友食果D甜品就话偏甜!不过始终呢度唔系食呢D野,不能要求太高!呢度咁ge价钱有咁多种唔同野食仲要质素唔差,而且服务真系好,你要咩都会比,上菜又算快,系有少少漏单啦,不过整体都真系好食得过播!点解会冇咩人黎食ga呢?!下次会再黎呀! keep住呢个价呀!
继续阅读
傍晚6:30左右去到 可能未到食饭时间 店内空空如也 心谂中伏!不过本身买左团购 所以都要入去食门口见到原来佢做特价 任食由$188 去到$128早知唔买团购好过 ﹁_﹁不过都系小试牛刀 先试试好唔好味其实基本上同盛8果d 一样食法 佢用既料都唔差 而且油烟唔大食物既卖相同味道都唔错我食团购果个餐就净系得小量沙律+餐汤+蒜蓉包任食沙律都带酸 可以话开胃 但系都系好酸 叫左一次就冇叫蒜蓉包好味 丢落去烧烧d 牛油蒜蓉仲好味本身限时 120分钟 不过由于闲日+新店问题 店内未坐满人 所以同d fd 吹水全程大约3小时都冇俾人赶走侍应唔多 不过我觉得服务好好 可能唔忙啦 我仲同个姐姐有倾有讲感觉比盛8好添短期内我都有意再帮衬
继续阅读
同事同阿头又考起我了，又是一出公司门口才问我去那里食饭。在这短时间可想出什么? 重复又不是一件好食，之后我想起了当年的湾仔明将。带同事去受罪，非也，湾仔的明将已结业多个月，现在该舖位已变成一家烤肉店，叫做潮烧。我们中午时段到来，每一张台都有烤肉的setting，却没有见到有人在烤肉。而我们觉得，店方只给我们 set lunch 的 menu 而没有单点的 a la carte，相信这店的中午只做套餐。另外，这店也看准了附迎多学校的商机，穿校服来或出示学生证，就会得到更多的折扣。所以，在我们仍未决定吃什么的时候，连人也未有到齐的时候，店方已一人来了一碗浓香而又充满胡椒黑椒香味的菜汤。浓香有豉味，可口。 烧鲭鱼，贵价的鲭鱼是中国入口，廉价的鲭鱼也是中国入口，价钱贵平，只是睇下你系边一度享用啫。同事分了少少给我，一吃之下鱼肉未够滑就是一分钱一分货的原因，骨多不是问题，只是我不喜欢太多幼骨既鱼仔。铁板上够香，饺子亦够日式，感觉尚可。 炸鱼柳条，饭是另上的，不然，这一个得个汁既套餐都唔知点食。汁像是热的 Tartar Sauce，幸见鱼柳条不是雪藏预制品，还可以算做可以。 焗咖喱牛脷饭，一看名字，大家都知道这是全场最没可能出错的食品。咖喱味虽然未称得上香浓，但够味道(豉油搭救)，微辣的咖喱令人容易接受，而且很香，很腍的牛脷，亦够份量，食得饱。 食物一般，但地方却是异常的舒适，老细看见烧牛肉的价钱不贵....我感受到爱吃烤肉的他....欢喜若狂起来。
继续阅读
食物不错，但侍应服务一般 2012-09-17 19:47221.127.x.x其实食物以及服务态度都很不错，老板仲态度亦亲切，够钟亦不赶人走，但唯独有个女侍应，当我地黎搞事噤，全程看住我们用餐，埋单个阵仲鬼噤烦话我地过哂钟，系老板比你JA，“依依鹅鹅”，到最后仲狂话的地食净噤多野要加钱呀，，，，，点点点我知食净野系唔啱，但其实唔系好多啰。而且呢种服务态度好赶客，如果再去都要念念先啰！！
继续阅读