影片
港铁黄埔站 D2 出口, 步行约1分钟
继续阅读
电话号码
26132322
开饭介绍
以供应原汁原味的传统潮州菜为宗旨，如冻蟹、卤水鹅等风味料理一应俱全；其雅致舒适的古典风装潢，聚餐及招待商务客户也大方得体。
继续阅读
营业时间
今日营业
08:00 - 22:00
星期一至日
08:00 - 22:00
以上资料只供参考，请与餐厅确认详情
有关奖赏计划
相关文章
上星期六，我与家人光顾了黄埔潮潮居，点了三人客饭套餐，当时已经感觉到服务不周。服务员没有主动说明周末需要额外加$50，令我们感到被隐瞒，体验大打折扣。昨天，我再次尝试一人潮汕火锅，结果更加令人失望。餐厅明显人手不足，服务员态度散漫，完全没有主动关心顾客的需求。特价菜牌选择严重不足，令人感到选择受限。点了一人潮汕牛肉火锅后，服务员虽然帮忙点火，但整整半小时都没有送上汤底，完全忽视了顾客的等待时间。更令人无语的是，埋单时竟然被告知没有信用卡机，只能现金付款，这种落后的支付方式在现今社会实在难以接受。总括而言，黄埔潮潮居的服务质素和餐厅管理都令人非常失望，绝对不会再光顾，也不推荐给其他顾客。希望餐厅能正视问题，改善服务和经营方式，否则只会流失更多顾客。
继续阅读
四𩠌一汤套餐(六, 日及假期)潮式香煎蚝饼可能食惯左少少脆口的个款呢款吾脆总觉得怪怪地108-潮阳梅羔酱烤骨估吾到梅羔酱系甜甜地我谂的系酸酸地的开胃菜云腿蓉焖绍菜菜焖到好好食餐>21>自选卤水双拼鹅肉墨鱼片餐>明火靓汤（四盅)呢个汤到我地差吾多清晒𩠌叫服务员跟左2次单都未上不过好好饮无味精
继续阅读
黄埔区其实都几多好嘢食，不过个人嚟讲就真喺比较少嚟，唔喺话唔方便，不过，喺习惯性少嚟而已。今晚难得同老友嚟到呢边「黄埔号」嘅「潮潮居」食火锅，喺一人一锅，啱晒各有各食唔同火锅汤底嘅人，又可以过一过火锅瘾。餐厅嘅占地都几大，装修几骨子，又好有时尚感。目测所见，大部份食客都被安排坐喺卡位，皆因卡位够阔落，此外，望向对面应该喺贵宾厢房，单单从外面望入去都觉得几大。而餐厅主要喺做潮汕菜式，不过，在地朋友话最近餐厅推出咗「潮汕1人1锅」，就不妨走过嚟试试。午市就收$118一位，晚市就收$148一位，汤底、主料可以自由选择，另外，仲包咗4款丸类、蔬菜、主食同埋汽水。如果仲有啲咩火锅料想试，可以额外再追加，另外，收茶钱、小食同加一。主餐牌大大本就无特别影啦，不过，见到有好多种类嘅套餐，顺便影出嚟俾大家参考吓。平嘅又有，贵嘅又有，正所谓丰俭由人，当晚目测所见唔少喺啲家庭客。餐前小食 $16如大多数中式酒楼咁，都会按人头送上餐前小食，当然要收费啦！碟中有啲木耳、咸酸菜、青瓜、豆腐卜……等等，腌得味道唔错，尤其喺咸酸菜，酸爽带甜，更有开胃之效。伴随火锅嘅，梗喺有一堆酱料，落单之后，侍应就会捧嚟一盘酱料由客人自由添加，唔够嘅之后再补充都无问题。我就偏爱芫茜、金银蒜同沙爹酱，再加少少清汤落去就啱晒我。潮汕沙茶汤既然店家主打喺潮汕嘢，其中一个汤底梗喺要潮汕沙茶汤，滚起之后阵阵沙茶香，四处飘逸，试咗一小啖，沙茶味道好浓厚。养生珍菌汤一个重口味嘅，另一个拣返清淡少少啦，呢个养生珍菌汤就最好喇，一来用个清淡啲嘅汤有个对比，二来珍菌点都够健康嘛，当汤饮多两啖都无问题，又可以多啲纤维质落肚。汽水食火锅除咗要有多啲调味料佐食之外，汽水就梗另一最佳拍档啦，老友怕肥就要咗无糖可乐，小弟就要返罐全统嘅可口可乐，一口肉，一啖可乐，一热一冻咁先过瘾。主料方面，我哋拣咗潮汕鲜肥牛同羊肉卷，至于丸类同菜都喺固定，因为仲包埋主食，所以，我哋睇下食到近尾时，唔够先再追加其他配料，费事食唔晒嘥嘢。潮汕鲜肥牛师傅手势好，切到每片牛肉厚薄均一，而将啲牛肉放喺汤内灼两灼就已经可以食得。肉味非常之浓，肉质柔嫩，沾上自家混酱，确实好味。羊肉卷另一份羊肉卷色泽都好靓，鲜润姻红，薄薄一片同样稍为灼一灼都已经可以食，入口口感嫩滑细致，点点羊骚味但唔重，相信唔太食羊嘅人应该都接受到。手打四宝丸丸类又喺每次食火锅嘅必备食材，每个火锅套餐都包咗鱼蛋、鲜虾丸、墨鱼丸同牛肉丸，几款丸味道都各有特色，小弟就最钟意鲜虾丸，虾味鲜甜，食落爽弹，其次牛肉丸亦都唔错。菜盘基本上会有金菇 、白萝卜、粟米同生菜，打边炉 食返啲菜平衡吓，至少心里都觉得好啲，而因为小弟拣咗珍菌汤底，所以，又多咗啲虫草花同埋啲菇菌。主食有白饭、米粉、生面及粉丝选择，但到剔纸仔时就无粉丝，改咗喺河粉，咁就仲啱我。俾嘅份量都好多，一份主食其实喺两人份量咁滞，放落汤稍微滚一滚已经可以食。南非活鲍 $58/只（两只起）见大家胃纳仲有位，就追加多一入鲍鱼，啲鲍鱼鎅晒花，睇落仲好新鲜，因为始终喺海鲜，灼耐少少，加埋落啲河粉度，成大碗鲍鱼汤河。啲鲍鱼正㖞，果然够新鲜，咬落柔韧有咬口，好有鲍鱼嘅鲜甜味。本来想追加一客手切新鲜骟牯肥牛肉，因为做紧特价，但只喺8:00pm多，就已经话卖晒，真喺手快有，手慢无，有啲可惜，故改咗试试啲鲜鲍鱼。整体嚟讲，环境舒服，招呼亦唔错，侍应会主动帮忙加汤、斟水、收碟，食材、份量都交足货。
继续阅读
渐渐变凉的天气，似乎是一个讯号，提醒大家是时候相约朋友，一起暖笠笠！===香港人喜欢吃火锅的程度，就是……夏天要开尽冷气打边炉，冬天凉少少都即刻开炉！这次由热爱打边炉的朋友带路，作为黄埔友嘅佢发现酒楼都有得打边炉。去到潮潮居门口都有一丝怀疑，不过坐低就见到有「潮汕1人1锅」Menu，立即消除疑虑。午市每位$118（晚市$148）就可以拣一款汤底、一款主菜，手打四宝丸、菜盘、主食及饮品。另外更可以自加点食材，包括：肉类、饺类、蔬菜等等。【汤底】潮汕沙茶汤，味道浓烈却不会过咸，口感厚重；朋友选了大红辣锅，香辣愈滚愈滋味。【主菜】❙ 潮汕鲜肥牛牛肉味浓，柔软肉质令人回味，沙茶汤增添了一阵风味。❙ 羊肉卷有羊肉香味，羊肉则与辣锅更夹，多了一份惹味。❙［追加］手必新鲜骟牯肥牛肉只要$88就可以追加1人份量，每一片都带漂亮的油脂，食落同时尝到肉香和脂香，嗜牛的一定要追加。【手打四宝丸】有齐4款口味，包括：鱼蛋、鲜虾丸、墨鱼丸及牛肉丸，各有特色，大推带浓郁肉味的牛肉丸。游水生虾 $68就有8只，每只上桌脚仔都郁下郁下，代表好新鲜，虾肉够爽，味道够鲜。南非活鲍 $58/只，切片上桌，只要轻轻一灼就食得，食到明显的鲜甜味。【菜盘】有菇类、萝卜片、粟米和生菜，打边炉也要营养均衡。【主食及饮品】有白饭、米粉、生面及粉丝选择，可以按自己口味拣一款。每人亦包1款饮品。
继续阅读
我专登走嚟红磡食个牛肉火锅然后你同我讲出品部未准备好要我等好耐，问我等唔等其实你11点半有午市火锅我12点钟过嚟食，你同我讲未准备好，系咪有啲问题？你哋冇火锅入座前都唔使通知客人㗎㖞 😅我听到你哋话其实根本都冇谂住要预一个人过嚟食。你哋都有员工话出品部其实做唔到火锅比我添因为根本就冇货卖，前一日买晒啲货如果系咁嘅话，点解唔开铺前准备好？所以你哋话要我等好耐，其实系咪根本想逼我走😅而且你地连落单app都冇火锅拣，其实根本就唔想有客食姐😅😅😅如果系咁你做咩学人搞一人一锅？大家午市过嚟食火锅要小心啊🙂↕️垃圾🙂↕️🙂↕️
继续阅读