潮流湯飯 (已結業)

今日去左西九食lunch，又係諗吾到食咩，所以又上左去food court，見到吾太多人就搵左個位坐低，最後都係揀左尼間湯飯一個湯飯可以揀3個餸1個菜都幾抵食，我揀左蝦、豬腸、魚皮餃、白菜仔，再加左罐可樂，雖然製作需時，低都好快手有得取餐，店員仲問我夠吾夠飯🤔其實本身已經好大碗，我未試過食曬碗飯🤣不過吾知係咪天氣熱無咩胃口，今次都係食得好少飯，又無心機再食菜，剩左好多菜，好似好浪費咁，下次應該要叫少飯🤔…Read More

有好多款餸菜任你揀，三款餸再加一碟菜仲可以自由揀飯,麵,米線，真係好抵食。$38/$39。重點係冇味精，食完都唔會覺得好頸口渴。不過覺得有少少特別就係，我叫米線但係佢幫我分湯。對於外賣嘅人士應該好好。但係啲米線有啲碎。每一款餸都有好多舊。唔會得一兩夠就收手。下次諗唔到食咩都可以揀佢，都算係健康選擇。…Read More

三十幾蚊有三個餸，另外仲會送時菜，食魚嘅話超抵。味道方面雖然唔叫特別出色，但冇加味精唔會口渴。加上營養均衡，價錢實惠，雖然西九龍中心美食林立，呢個都算係好選擇。…Read More

晚飯時間到了又唔想食飯，在美食廣場兜左2個圈，最後決定食湯飯，揀左蠔、蝦、豬潤，海鮮還可以，豬潤就真係唔掂，豉油偏鹹唔好食，我都有食左大部份，最後淨返豬潤冇食過。…Read More

吃厭了一般茶餐廳，肉類比較多， 兼且餸菜比較油膩，希望重溫家常便飯的感覺，可以到西九龍中心美食廣場潮流湯飯。湯飯最少可以選三餸一菜, 選擇包括魚類、 生蠔、雞、肉片、丸類等。 你可以話，這是車仔麵一樣。湯飯比一般車仔麵更為健康，因為那個湯是沒有味精的，而且他們亦會配搭蔬菜，整體感覺比較健康。加2元亦可以飲普洱茶。一個40元以下的一人晚餐，經濟又健康。如果比較肚餓，亦可以選擇加餸，也只是幾元以內的價錢。湯飯是即叫即煮的，大約需要等10至15分鐘。…Read More

陀住阿b飲食小心左 唔可以好似以前甘 為慳錢mcdondon、譚仔、麵包就算。 好彩我屋企都近深水埗 有啲平得黎又有菜有肉有飯之選。大熱天 好想飲埋湯 就試左西九龍food court呢間湯飯。 $33 有3餸1菜加飯 都叫掋食。 我揀左蠔、三文魚、金菇同菜心。 蠔仔鮮甜啲湯。。 我飲落。。 似味精湯。 不過對於結左婚之後就無咩住家湯飲嘅我。。 已經滿足…Read More

近糧尾，一個人出外開餐時除了會選吃廉價又經濟的車仔麵之外，吃一碗熱騰騰的湯飯也是一個不錯的選擇....深水埗是廉價美食的集中地 ，特別是西九龍中心內的food court，更是小弟的不二之選....其中有一檔吃湯飯的看到有不少街坊前來吃。三十多塊錢就換來一大碗幾餸的湯飯....實在是夠經濟實惠....點了一個三餸組合 ---- 鯪魚球加上魚腩以及五花腩肉片。 鯪魚球的肉是機攪出來的入口軟淋不夠彈牙而且有後添加味精，吃起來自然是不爽了 ; 魚腩 色水不夠雪白呈點點瘀灰色而且比較多骨，水準同樣不夠好 ; 五花腩片算是較好的，脂肪的部分帶點爽脆，肉質整體亦不見得死硬....值得一讚倒是它的湯底，味很自然喝後不會咯喉....這一類湯飯，最重要的是吃後夠便宜飽肚，味道怎樣對我而言倒是不算太重要。眼前的這一碗，都可算是做得到最基本的條件了....…Read More

返工既日子真係難捱,好辛苦先捱到lunch食好野,今日又上左去food court食飯,食咩好??真係有選擇障礙~最後揀左從未食過既湯飯~因為今日真係冇乜胃口,又攰又無精神,可能作感冒...見到雪櫃超過20款選擇,我揀左蠔,菜心苗,豆腐,魚(痴線勁大舊),老闆知我想食豬潤仲請左2片我食我同它闆講要配米粉,但佢聽錯我講要飯,唔緊要,不過真係要飯減半~哈哈真係擔心食唔晒嘥野,啲餸成碗滿蠔仔(都唔係細粒)好新鮮,一啲都唔腥魚都係個湯我估計唔係味精湯,幾鮮甜。最後我都估唔到全部清晒好滿足啊…Read More

西九，係香港商場之中既清泉，有連鎖大型店之餘，亦有小型既鋪頭，雖然有時有點兒mk，不過真係幾好行，尤其是最頂層的平民food court，成個商場既設計都好一流。今次試既係湯飯，因為都試過其他既小food court。三送一湯，送就真係好多種類，有魚有肉，咁我就揀左一條唔知咩魚，不過見佢推介就試下，另外點左個豬肉同菜，等左大概兩個字，就去拎，份量其實都嚇我一跳佢係用佢發泡膠盛著，條魚真係整條上，而湯就係雞湯。魚:比我想象中好吃，而且條魚浸住個湯，都有少少感覺變左魚湯。豬肉:看似被湯浸住會變左成像筋咁，但係食落好清，而且易咬，唔錯。至於個湯，我覺得係味精湯，因為都有點濃味，雖然清，但都頗鹹。佢湯同飯係另外一齊擺既，以防d飯俾個湯浸到發脹，貼心。$30，有魚有肉有菜有湯有飯，難怪我都見唔少收左工既打工仔都去幫襯一番。…Read More

好開心當初只因為公司搬咗去西九龍中心附近, 我哋唔想日日茶餐ABC, 所以Lunch 會去Food Court搵食, 亦決定開始學人寫食評, 哈~不知不覺寫吓寫吓, 已經做咗OpenRice入門食家, 可以分享同記錄大家同事當日一齊食咩, 都好開心架! 今日我哋試咗8F11潮流湯飯, 自選無味精既3餸1菜湯飯, 我哋叫咗一個鯇魚腩, 肉片, 豆腐同生菜, 另一個 要咗鯇魚腩, 肥牛, 雞肉同生菜. 可能因為無味精D餸夠新鮮, 所以個清湯好清甜. 鯇魚腩大大舊, 一碗白飯 ,飲埋個湯, 嘩!飽到呢~…Read More

一直以泥 food court 都有好多選擇，但唯有呢間係我不停會翻單，再食又再食既鋪頭。雖然佢只係開系food court 入面既一個小鋪面。但佢既好食程度絕對係同鋪面成反比。每次去到都一定叫豆腐，因為佢地既湯飯個湯都係好清，再加埋豆腐若，即刻甜哂。因為個人喜好食素，所以其他就會嗌菜，芽菜多，都會嗌下雞肉。因為真係好滑而且最重要係老闆娘又nice,令你系食飯前已經會欣賞佢既服務態度。而且個廚房都見到好乾淨所以真係不能控制地要翻單翻單，再翻單。…Read More

其實已經唔止一次食呢間小店, 但真係要值得一讚佢地既無味精湯飯:)雖則其實都係將客人自選既3餸1菜用清湯煮熟再加多一碗白飯過你食, 但係佢地既食物就絕對新鮮同乾淨, 唔係張貨就價囉:)所以我呢d咁鍾意飲湯既人就每次都會將佢既湯掃清, 因為真係無味精, 好清甜, 唔咸同唔口渴. 而我最鍾意既配搭係蕃茄紫菜加鯇魚腩(都好大舊下架)加貢丸再加一個時菜, 都係$24, 以經加左價, 之前係$22咋. 重有佢煮埋煮埋一大碗, 食完真係好飽以今時今日既香港, $24食得你飽飽, 又健康, 唔係隨處搵到值得一讚既係老闆娘好nice同你見到佢地既kitchen係好乾淨, 所以食得好放心…Read More