潮江春 (銅鑼灣廣場二期)

营业中

休息中

週末，微微雨。最好同屋企人飲茶。因為美心集團可以用Gulu Apps 遙距取票，所以方便得多。今天對所有點心都十分滿意，炸點香脆、蒸點夠味夠熱。尤其那個蒜茸蒸鮮魷，食完一碟再一碟

每年團拜都一定book潮江春，除位置便利外，亦因為過年期間，一班人去食嘢，易搵位同啱大衆口味，呢間位於銅鑼灣當眼位，出咗地鐵過兩條馬路就見到，算易揾到～～環境不算大，裝修得宜，有多個廳房設計，變相整個格局就坐得侷促D主線潮州餸菜，每年都食到一種懷舊款式，而湯同係我地特別order，乳豬就係自己喺外面訂返嚟加料，非酒樓菜款呢個係我地自己訂的，再叫酒樓換款，本身菜式款係朝州拼盤，係特色之一，但在特別要求下，都可以配合客人要求呢個叫五香卷伴豬肉凍，第一次食，個卷似春卷加芋頭，個豬肉凍帶甜且用嘅豬係豬手，幾得意嘅配搭發財大好市，金蠔丶發菜加翡翠苗，咸度適中，金蠔又大隻又爽身，不太重蠔味，翡翠苗煮得好爽口同唔會有青草味鳳梨醬燒明蝦球，水準之作，D蝦又爽又大粒，個皮炸得又脆，配上個汁，好甜酸爽脆蟲草花螺頭雞湯，特別叫佢落老雞同自選湯料，少鹽少油，足料到爆清蒸大沙巴班，火候啱啱好，條魚好滑好魚人仕不能走寶當紅炸子雞，今次隻雞失準，斬得太大舊又煮得比較老雲腿津菜膽，火腿用蜜汁餚過，甜中帶咸，個津菜又淋，索晒D汁，精華所在潮州糖醋煎麵丶橄欖肉碎炒飯丶鴛鴦水晶包同埋紅豆沙芝麻湯圓，都有潮州菜元素，總括嚟講

在時代廣場看完戲已接近二點，便到銅鑼灣廣場的潮江春吃優惠下午茶。到達後還未到二點，要先拿飛仔等枱。很快已安排了枱號，但是不能入座，說如果兩點前開茶，部長則會收正價。個人認為其實只是差一兩分鐘便到兩點，況且今天亦不太擠人，可讓人客先坐，然後到時間才開茶也是彈性處理，這是可以改善的地方。酒樓沒有沖洗碗筷的程序，但是筷子上有食物殘留，𠝹也𠝹不掉。等了很久待應才換來一隻，仔細看清楚又是有食物沾在筷子上，用熱水也沖不走，又要再換新的。衛生方便亦要加以注意及改進。兩個人吃了四籠點心，雪山义燒包還是不錯，准山餃則嫌略帶點腥味，芋頭糕一般，燒賣只覺彈牙但是一點肉鮮味都無。兩位優惠下午茶埋單$138，服務及食物都是非常一般吧。

今日同屋企人一行7個人去銅鑼灣食飯，早幾日就揀左潮江春，順便打左電話去 book 位。好彩有 book 到位，人多到一個點。唔 book 唔知要等到幾多點。次次比長輩叫野食，都一定食剩好多。惜食為香港，等我拍板喇！🤣一定有嘅功夫茶😁碧綠珠菜川椒雞：我第一次叫呢個餸果陣，見到川椒2個字，以為辣，點知一啲辣都無。自此，呢個餸成為小朋友最愛。小黃魚：好香好脆。係個賣相差少少，其實好好食。欖菜肉碎炒飯：入面有菜有肉，小朋友岩食又鍾意食。菜脯肉碎煎蛋：菜脯切得夠細，煎得好好。鹹排骨春菜煲：個湯好味到不得了，春菜亦煮到好淋。滷水鵝片：今日個豆腐就差少少，唔係好入到味蒸紅棗糕：次次黎食都一定叫。好軟熟，好QQ。禁嘅份量岩岩好。無食剩又個個都夠飽！哈哈！

本周二与太太和她的表妹及老公四人晚膳，点餐前巳想好要点的菜也就很自然下單。誰知中年大姐侍應擺出一副不耐煩嘴臉給反建議，不接受之後大姐馬上黑臉，態度之惡劣好像欠她錢不還一樣! 這麽不情愿大可不上班啊，簡直是給公司搗米! 對美心品牌一向印象不錯，但這次真是"大集團格局，小店不如的股務"！可能是旺區兼熟客多唔志在吧？憤怒又失望 

去銅鑼灣 做完嘢突然間好想飲茶就諗起銅鑼灣二期附近 行過去唔使一分鐘， 就揀咗呢間潮江春，門面靚，一坐低， 枱布餐具 唔算好乾淨， 落單之後 嘢食都等咗三十分鐘， 其中一個菜苗餃送到呢啲皮重要 打開曬直接見到個菜苗 餡料，即時同傳菜員講 佢就話 再做過畀我，燒賣 好飽滿 蝦肉好實淨👍牛柏葉 佢用咗一個比較大嘅玩佢再 一嚟到嘅時候感覺唔算非常多牛柏葉 但係點知 食到最後都仲食緊 其實佢份量係好多嘅 個底仲有好多豆粕仔。我最愛嘅牛肉球 好鬆軟 味道好好 可以話係食過嘅數一數二👍👍👍 味道整體幾好 服務就一般 裝修原來係有一點高級嘅感覺但係細心睇 就冇保養冇打理。

下午茶揀左黎潮江春食，等左一陣就有位，坐低一陣就點左8樣野食，2個人食咁多野😝😝。很特別的潮州海鮮腸粉，好新鮮好好味牛栢葉都好多好抵食牛肉球好淋，燒賣好食又熱辣辣。呢個炸雲吞超抵食，下午茶$11 咋😬😬雞麵都超抵，咁大碗都係$32，抵食👍🏿👍🏿

夜晚約左老公食埋飯先番屋企，求其係公司附近食，而用AE 咭係美心集團食有半價，甘就試番潮江春，好耐無食。我地兩個人叫左3樣野。個豆腐煲，尚算可以啦，佢有d 寬粉，但仲好硬，有d 難消化，開頭叫時以為會有d 菜食下，點知係粉，不過都清清地。佢d 滷水汁好鹹，係鹹味好重，instead of 滷水味，麻麻地。我伊面濃過頭，我底有d 濃黑，同上碟好油，煎完未鯨乾d 油先上菜！整體好似差過以前，以前好鍾意食佢地既滷水，但宜家唔同左！

未到兩點鐘已經人頭湧湧等食下午茶， 原因佢下午茶有折有優惠，真係好抵食未夠兩點已經開始排位，唔使喺門口企到攰…算係貼心雪山叉燒包：嚟到一定必試，好多時嚟到都賣曬，嚟都熱辣辣個皮亦夠脆迷你滷水拼盤：滷味夠入味，細細碟分量啱啱好蠔餅：每次我都必嗌，蛋同粉漿比例啱啱好， 唔太厚…無粉漿味，厚薄啱啱好，蠔仔都夠多糖醋麵：正宗煮法…先用高湯餵過， 再煎脆煎香一面…底層有九菜 紅豆煎堆：剛炸起燙口非常脆其他點心水準唔錯，即叫即蒸！整體質素唔錯，下午茶真係抵食

潮江春 一向質素都有保證不過 呢一餐令人大失所望 😢😢1️⃣拼盤老實說 質素唔錯嘅 令我對呢一餐都頗有期望上枱 中間亮燈嘅柱會播放音樂 蠻熱鬧播左一陣大家就嫌佢太嘈😂😂😂2️⃣帶子西蘭花帶子厚身 食落有口感 讚！用生嘅芋頭整出一間屋子 頗有心思可以其實系無得食嫁wo........3️⃣竹笙魚翅Well....料就幾多嘅 不過太杰成碗翅好深色 好多豉油??完全無味 😩😩😩4️⃣鮑魚鵝掌Okay lah ~~ 鵝掌炆得好淋👍🏻5️⃣龍蝦伊麵龍蝦肉厚身 不過伊麵無味......個待應一日到晚禁手機 又唔換碟上菜 又滴到d汁落人地到.....搞咩丫☹️

銅鑼灣餐廳林立，呢間集團經營的店離港鐵不遠，獨立升降機由地面至餐廳酒樓，算得上十分方便，輪椅家人都可以，裝修環境算漂亮，攪結婚擺酒都得，但地方不太大，來到先知 匯豐卡有八折，今次來是因為看到 星馬特色菜系( 星潮尋味)，限時供應，在新加坡請了廚師來香港獻技，我們叫了 黑胡椒蟹 (1.5 斤重)，用上斯里蘭卡肉蟹，但蟹比較水了些，黑胡椒味亦不是預期中好味，有點兒失望，反而砂鍋普寧豆醬雞 半隻，非常入味，味道很好，雞肉亦嫩，(要推薦下)，潮州煎伊麵，潮州特色亦非常好，一罐喜力啤酒。

同老人家出街食飯，最緊要坐得舒適，所以選擇了潮江春。集團出品，食物水平當然十分穩定。更何況有信用卡優惠，而且選擇相比翠園較多。兩口子點了三餸一湯。餸菜份量足，做個有衣食的人，吃不完打包吧～先來個湯，感覺湯底有人工味道，料算是足，不過下之唔會點。鹽燒小黃魚，夠香脆，而且屋企好難做到，個人覺得咸咗小小。魯水鵝片，有豆腐墊底，豆腐好味，鵝片鞋咗d,整體合格。梅菜肉碎菜心煲，菜心好靚，無揸，以為會好咸，點知食落剛好，食到最後都仲熱，大推。AE白金卡埋單，主餐牌所有食物有半價，感覺好扺。飲埋我覺得好苦嘅功夫茶解油膩，完滿的晚餐。

每人心中的評分標準都不同，我必須說明我的食評標準，如下：1星：難以下嚥2星：維持生命3星：不過不失4星：大飽口福5星：齒頰留香第一次來銅鑼灣這分店，中午時段，2人，不用等位。這裡最好是茶夠熱！點心夠熱！不好的地方是，不夠待應生，想找人加水，十分困難！這裡的普洱茶不好喝。鐵觀音好。

因為用American Express卡兩位有半價，所以去咗銅鑼灣食潮江春。杏汁豬肺湯，豬肺都幾好食但冇咩杏汁味，有啲鹹，不過就＄38一碗都抵飲。滷水鵝片，有滷水花椒八角味，下面有豆腐墊住，都ok 嘅。蝦球桂花蚌炒菜，蝦球好大粒新鮮，桂花蚌爽口。炒魚麵口感似魚蛋加左麵粉拉成麵，加埋冬菇西芹炒得好香，不過都係偏鹹。甜品係反沙芋頭，芋頭太多糖好甜而且d糖係一片片唔係沙，仲要等左成半個鐘先上。嘢食偏鹹偏甜，價錢一般，如果用AE卡食就會抵，但係如果正價未必會再幫襯。

第一次食潮州湯魚麵，湯底鮮甜，有肉碎，有津菜，有蝦米⋯有D似粉仔個湯底！配上魚麵，的確一絕！凈係食一碗麵，好似還差小小。於是叫咗碟迷你版潮州拼盤。拼盤不過不失，有豬耳、墨魚、豬腩肉和鵝肉。滿足的早午餐