影片
呢间系机场嘅潮楼，咁岩想食野又见到呢间。就入左去饮早茶。早茶无我睇中左嘅梅糕骨，就唯有叫左好多点心。呢间啲皮蛋瘦肉粥无皮蛋，不过啲粥都算绵。肠份嘅皮都比较厚，好似有啲overcooked。混酱肠粉啲酱又几好味。马拉卷有啲酸酸地，可能隔夜唔新鲜。煎堆有啲芋泥系入面都算惊喜。其他食物都不过不失，唔算好好味，但都够填饱肚子。茶方面特浓铁观音都几香，饮得过嘅。
继续阅读
每次出国前必定响机场美食广场食完嘢先上机，今次时间充足，可以去饮个下午茶。机场二号客运大楼有间潮楼，朋友仔响机场返工，紧系揾埋佢落嚟饮茶仲有机场员工8折卤水拼盘 $128 - 好正 份量多款式多，味道亦唔错。 阿姐好好人，我地问拼盘有无猪大肠，佢答「无，系咪想食？系嘅话我写低你地要猪肠」 跟住真系加咗俾我地虾饺 - 虾都几弹牙，唔错。烧卖 - 一般般，我唔太钟意有太大阵香菇味 只虾依然新鲜弹牙。牛肚 - 好味，够淋，入味。猪肚烧卖 - 呢个非常难食 个样仲好丑怪... 三个人饮茶，员工折后$90一位。由于个卤水拼盘出色，今次都俾返个哈哈笑你啦！
继续阅读
去机场接屋企人机，佢地去完旅行，番到黎好多饮茶，近近地就黎左二号客运大楼到饮荼。咁岩食LUNCH 时段，人流好多，坐满人都要等位，仲有唔少机场职员系到食饭，先留意到原来机场职业凭职员证会有折。叫左D平常屋企人都中意食既点心，食物既选择都几多，仲有卤水，双拼$60 。上点心既速度都几快，味道不过不失。萝卜糕煎得几香，奶黄包有流心效果，粥既肉丸味道有D怪，肠粉既料较少，其他都唔错。贵钱偏贵，另外饮楼环境有D小昆虫系到飞黎飞去，不过都系机场环境既问题。
继续阅读
机场对卡员工黎讲无乜选择，唔想食快餐店同烧味，唯有约埋啲同事叫送食饭晚市有40蚊既职员餐，包饭同菜，汤就加5蚊咁岩戈日无菜卖，变左做青瓜。但因为啲青瓜出水，啲芝麻酱变得好稀。沙姜鸡，唔错，约够味又滑身，有脾位有翼位咕噜肉，外卖黎讲啲咕噜肉唔脆就一定咖喇，啲青椒好甜好味黑松露忌廉鱼柳，个味好好食，个汁用黎捞饭一流。缺点系鱼柳太大旧但成三定四旧，如果多啲人食就会比较尴尬。汤都有叫但无影到，味精汤黎讲佢都唔算系好味精，都可以一试既
继续阅读
前排去旅行，搭朝早机✈️，朋友想喺飞之前食个港式早餐🥢🇭🇰，所以决定一齐去饮茶！眼见酒楼都几多食客，估计唔会伏！😂 我哋一坐低就叫咗壶茶，跟住就剔点心纸📝，总共叫咗1个粥同3款点心，上菜速度都几快，好快就开餐了。·🔸 茶 — 香片·🔸 香茜叉烧肠粉 （大点）肠粉够滑，香茜同叉烧够香，淋上豉油，一流！·🔸 潮煎萝卜糕 （中点）萝卜糕煎得好香口，我喜欢就咁食，而朋友就钟意点辣酱食，各有喜好。·🔸 奶皇马拉卷 （$18.8）奶皇呈半流心状态，趁热食好正！·🔸 皮蛋瘦肉粥（$22.8）好足料，虽然细细碗粥，但都算多皮蛋，瘦肉切成幼丝，口感唔错。·机场嚟讲，每人$50有找，算唔太贵，野食都几好味，下次嚟机场可以再食！
继续阅读