潮州冷美食坊

营业中

休息中

同事介紹！我好少嚟坑口覓食！難得到坑口，推介咗呢間餐廳！好多人都講話燒味係一絕！比泰興嘅都好食，而且價錢好實惠！下午茶餐雙拼都是$36 ！我就是了燒鴨瀨粉！同事吃了叉燒跟燒肉！燒肉真的很出色！即使浸了湯也非常爽脆！而且湯底也不錯！瀨粉很好味，現在很少吃到瀨粉！是我的兒時回憶，小時候爸爸經常帶我去吃瀨粉。

米粉本身具有柔軟而彈性的口感，通常會輕輕地滑過舌頭。米粉的口感可以根據烹調方式和時間的長短而有所不同。如果烹調時間較短，米粉可能會保持一定的嚼勁，稍微有些彈牙。如果烹調時間較長，米粉可能會變得更加軟爛，更容易在口中溶化，煎烤過的雞扒有一層香脆的外皮，內部則保持著嫩滑的質感。具有鮮嫩、多汁的口感。炸雞扒則可能有更脆口的外層，內部仍然保持著嫩嫰的口感。荷包蛋則可能在口感上更豐富，蛋黃的濃稠和蛋白的軟嫩相互交織。雞扒雙蛋米粉的口感結合了柔軟、嫩滑、彈牙、香脆和綿滑等多種特點，使得每一口都能夠帶來豐富的口感體驗。

剛去收銀買叉燒外賣 收銀同我講要去搵燒味佬秤 咁我行出去搵燒味佬 燒味佬又叫我去搵收銀 之後我又入返去搵收銀 最後收銀話叉燒要買就要買70蚊半斤 態度又差 又將我指黎指去叉燒冇得秤 做左咁多年街坊生意越做態度就越差

潮州冷美食坊係坑口好似已經十幾年，間唔中都會買啲燒味返屋企加餸🤣好耐無食呢度嘅燒味過咗呢頭食Lunch🦥燒味雙拼選咗叉燒拼油雞飯，飯同燒味嘅份量都好多，叉燒肥瘦均勻，不過油雞就差小小，過鹹之餘仲要勁多骨，基本上無咩肉食😞反而屋企人選嘅燒腩仔皮夠脆又入味😙都係食燒腩仔同叉燒比較好🐖🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 潮州冷美食坊 (將軍澳)將軍澳坑口安寧花園停車場地舖

這間餐廳晚市人很多,都是街坊生意,侍應都不時會跟食客吹水~餐廳不算擠逼,有的侍應很nice,有的就很惡,視乎你的運氣~餐廳叫潮州冷,最出色的當然是𧐢烙~如果不喜歡吃芫茜,唐芹或者葱的朋友,記得要叫走,不然就會直接被脆漿包好...𧐢烙70元左右頗實惠,而且𧐢仔夠多,味道都幾鮮~只是真的好油,還有整個𧐢烙炸得比較散,基本上不能一小塊的夾起,所以一般般。豬膶浸時蔬的湯底淨飲比較鹹,但菜的味道就剛好~不過豬膶仍帶點粉紅色,我明白豬膶煮太久會老,但個人真的覺得有點驚...

放工約左肥妹仔喺TKO打冷,不過原來TKO食打冷真係無乜選擇!!最後就搵左呢間試下,其實佢都係茶記咁樣,不過有小菜, 燒臘!!我地叫左蠔仔粥!!味道幾OK, 因為食左一半先影!!其實佢都幾大碗!!一黎就忍唔住咁食, 唔記得影!!蠔餅好味, 好脆唔油, 而且油好乾淨!!可能啱啱撞正佢換新油...蠔仔都算多, 好貼心除左有魚露仲有豆板醬!!比出面好多潮洲鋪都有水準!!西蘭花炒鮮魷, 味道唔差!!碟頭唔細, 而且好有鑊氣!!整體黎講, 喺一個美食沙漠地方,食到呢個質素既打冷!!實在算唔錯!!最緊要係有凍奶茶飲!!

之前親友介紹買過幾次炭燒叉燒係好食嘅，尋晚一心諗住買一斤叉燒，問過有得買，就買一斤， 點知轉頭話叉燒冇哂貨話燒肉搭夠，我都算數，返到家一睇啲貨，燒肉都ok,但叉燒就又鞋又硬又鹹又乾身， 完全同之前買過幾次係差好遠， 錢就識收人貨就俾呢啲垃圾 ，以後唔會再幫襯！

2021年6月18日今早幫襯將軍澳坑口安寧花園「潮州冷美食城」食早餐。發現多士發霉，要求店員更換，再來的多士同樣發霉。同店員講一樣發霉，但店員已經唔再理會，唔會再幫襯。

今日第一日係政府限令只可全日外賣不可堂食，老公放工後便買外賣回家，其中乾炒牛河一打開盒，好大盒但所有粉都是斷開，碎哂感覺，用筷子夾上嚟，發現好多唔知甚麼嘅嘢，我覺得係似芽菜根嘅嘢，太奇怪，芽菜不是脹卜卜嗎？為何似繩嘅物體，叫人點樣食？好失望？牛肉用太多鬆肉粉，啲肉都醃到冇晒口感。若果不是外賣，我必叫廚師出嚟講下係咩嚟㗎？大家望下，你們會夠膽吃嗎？像鐵線一樣的東西？乾炒牛河唔會一路食嗰口一路有一條條嘢吞唔到要扯返出嚟😱😨😱😨另一盒涼瓜火腩飯味道只是鹹了一點，算叫做可以。否則兩公婆都唔知有咩食，買返屋企百幾蚊得一個吉？

街坊生意茶餐廳，選擇配搭多元化，但味道平平，但當附近搵唔到位嘅時候都係好選擇。衛生環境一般，但速度都算快，唔使點等。下次會再去，試下燒味，因為都幾多人叫燒味嚟食。

呢排係將軍澳返工，有時就會坐公司㗎shuttle bus去坑口搵嘢食。啲同事好多時都會去食大商場啲餐廳，但係其實我好鍾意去小店，例如茶記。冇咩原因，comfort food.每次去親呢間茶餐廳，我都一定係叫茶餐。因為一個女仔唔係好想食一大碟飯，唔想嘥嘢，茶餐嗰份量就啱啱好。佢一個茶餐46蚊, all day嘅。包一碗單餸通心粉，一份奄列，一個奶油豬，一杯嘢飲。 每一樣都做得好唔錯，衛生情況都比普通茶餐廳好。部電視機又夠大，好啱去搵comfort food嘅人。

美食坊，這間茶餐廳從早到晚都是這麼多人的，位置方便，價錢合理，份量也足，所以吸引不少人。下午茶也有很多選擇燒肉瀨粉並配搭了紅豆冰，燒肉的肥瘦合適，味道好，再配上幼滑的瀨粉，口感不錯。大大杯又冰凍的紅豆冰是我最愛的選擇。燒肉肥廋適中干炒豬扒意粉，豬扒夠入味，配搭意粉，夠飽肚。乾炒牛河，夠鑊氣，好吃!

新年假期難得偷得一時空閒，於是外出吃一頓夜宵，本想吃車仔麵，可惜尋遍未獲，於是來到一間未曾光顧的茶餐廳，食物價廉物美，蠔餅鬆脆大份，蠔仔頗多、麵也炒得乾身香口，可惜服務和衛生一般，坐得不太舒服，如果能改善就更加好

這家餐廳，正正在我家地下，十分方便， 他們有自家製造的燒味，如燒腩肉、 燒鵝 、 豉油雞、白切雞 、叉燒等， 比得上太興或美心燒味， 燒味的份量也很多， 但價錢就比太興美心平很多呢！ 燒肉仲要全部比燒腩仔的， 其他燒味的分量也很多， 所以我加一有假期一有時間就會在這裏食下午茶的， 這裏還有 早餐和晚飯小菜， 特別晚飯茄子牛仔骨 是我們最愛的， 還有炸蠔餅也十分受歡迎， 蠔仔粥也有很多蠔仔， 及第粥 也有很多餸的，粥底 味道 也不錯， 早餐就一般啦，特別多士，好多時都感到不夠脆， 其他就尚可啦， 其實在這裏我全家還是最喜歡食燒味粉和飯， 不過 工作人員的態度 就只是一般般了， 有一兩個還是很惡的， 不過只要你唔得罪佢其實都沒有什麼事發生的, 而我們不會因為這一兩個人的態度，去放棄我們喜歡的食物啊！

揮手見到都當睇唔到，連經理都係咁，去咁多間食，最差服務態度一定係呢間！完全係俾錢買難受，即使食物唔差，都會因為佢服務態度而唔想再幫襯有得揀千奇唔好幫襯，真係開心去，難受走