影片
以上资料只供参考，请与餐厅确认详情
喺尖沙咀搭车去荃湾，落车大雨到对鞋阵亡左。淋左雨谂下食咩驱寒。突然谂起呢一间舖头，第一次嚟食心大心细，样样野都想试。就嗌咗个猪什米线胡椒汤底，另外嗌多个牛肉肠粉。汤头胡椒味有，但唔算重，如果可以再辣啲就好啦。不过我见佢枱面都有另外白胡椒可以自行加，不过都系感觉滚过嘅胡椒先会出味。猪杂嘅份量都多，但系米线份量就比较少，张相𠮶个系未食任何米线，都净系可以夹到三小注。牛肉肠都蒸得几滑唔会过老，啲滑口水都好好味，但系如果系牛肉片就更加开心啦。个辣椒油好桂林feel~都正。唯一希望佢米线嘅份量多返少少，咁就完美啦。
继续阅读
久唔久就想去潮洲仔，回味饮佢个白胡椒猪肚汤。今日食猪什王配河粉，一次过食齐晒所有猪内脏，猪肺丶猪粉肠丶猪心、猪润丶猪大肠丶猪肚、猪黄喉丶猪红、蝴蝶腩共十款，唔会煮得个老，配埋滑捋捋河粉食，份量十足，一碗就饱晒。白胡椒汤底微辣，容易入口，不含无味精，真材实料，饮完真系暖笠笠。
继续阅读
呢到最多人叫系猪什王（$54） 再加鱼皮（$8）我本人麻麻猪什最后叫猪手米 （白胡椒沙底）加萝卜 老公叫猪粉肠娃娃菜 （半胡椒汤底）配白饭但系发生咗小插曲，老公唔食得辣，但嚟咗白胡椒汤底，饮咗两啖，辣到佢飞起！最后餐厅都帮佢加汤变返无咁辣！我自己食得辣，个人推介白胡椒汤底，冬天饮落暖笠笠，唔食得辣都可以叫半胡椒汤底。食落无味精，但去到最后有啲咸。猪手米加萝卜 都好大碗下猪手干净 但可以更淋鱼皮都好食 薄脆！浸汤食一流！猪粉肠娃娃菜配白饭淘饭一流 但去到最后觉得咸整体来讲会再下次帮衬附近米线排队排到癫 呢间可以直入！
继续阅读
呢间潮州仔食堂自从疫情期间之后， 每日都收晚上7点， 所以夜晚好少嚟食， 今日行过就过去食吓啦！ 两个人叫咗一个猪什河粉， 因猪什河粉啲𩠌较多， 所以我就叫猪黄喉米， 两个都叫半胡椒汤底， 冻柠檬茶少甜少冰。咁耐冇食， 佢嘅味道份量同以前差唔多， 半胡椒汤底够晒味， 如果叫全胡椒应该仲会较辣， 我觉得半胡椒已经够晒😋， 冻柠檬茶味道好好， 有茶味👍🏻
继续阅读
我好钟意食猪什，但平常真系唔太知边度有得食。昨日去开荃湾就见到，决定一试。去果时大约中午1点半，都差唔多坐爆晒。呢度有肠粉呀，普通啲既粉面，一见到有猪什，点都要尝试下！ 净猪什$54， 加面底就加$6。环顾四周，大家好似都系食紧猪什。猪什洗得几干净，份量都好多，汤底同辣椒酱就正正常常。 我几钟意个猪红同埋猪肠～食完好饱肚，暖粒粒，我谂冬天食幸福感会加倍。好难得食到猪什，好开心，一定要再嚟食下其他野～！！
继续阅读