潮家宴

营业中

休息中

上星期六又是來慶祝母親節， 我媽咪都比較喜歡食潮州菜可能因為是潮州人嘛這間潮州私房菜是我姐姐之前食過介紹的。 她讚口不絕所以今次我們訂了一圍供10人用， 真的沒有介紹錯， 他們有各種不同的菜單， 晚飯最低消費為300 元 一個人， 老實講每一碟菜式都好好味， 雖然凍蟹比較細隻但不失鮮味， 他們的分量很足夠差不多每圍枱都要又食又拎走。 除咗菜單上啲餸我哋再叫多一個潮州炸豆腐，這個值得一讚， 好味到不得了。菜館地方好簡潔舒適， 他們都是自己屋企人打理， 親力親為所以再多了一份親情味。這間潮州菜館值得一試再試下次我會再試埋他們的午餐。

和朋友來聚餐，叫了凍蟹，滷水鵝片，豉油王鱔球，豪烙，三鮮燉蘿蔔，川椒雞球，炒飯，甜品反沙芋。凍蟹，＄328一隻，叫了兩隻，不知是否因為剛開始休魚期？兩隻蟹仔都屬細碼，但都要三百多元一隻，有點失望。鵝片普通，無乜滷水香味。豪烙好膠，放澄麵/糯米粉太重手？三鮮燉蘿蔔無甚特別，可能唔啱時令，蘿蔔唔香甜。川椒雞球無川椒辛香味。唯一比較喜歡的是鱔球，皮香肉厚有咬口。這𥚃的例牌size，個人認為只足夠二至三人享用，例如＄198的鱔球，大約有十塊尾指般大小的鱔球。＄168的燉蘿蔔，只是用小湯碗裝盛上桌。5個人，7碟餸＋1甜品，埋單每人＄350。這樣的味道、份量，覺得只值價格的七折。名過其實，試過一次就夠。

每每當我短期內重嚐同一間食店，大多數時候心裏都會講無第一次咁好味，但潮家宴是我一個月內光顧第二次但仍維持高評價的食肆。今天午餐點了之前已食過的鹵水鵝片、三鮮燉蘿蔔、鮑魚汁雞腳、沙爹牛肉炒河、蠔仔粥同反沙芋。全部仍保持質素。最“無得輸”就係沙爹牛肉炒河，有鑊氣加牛肉靚，河粉炒得好等於師傅功力好。必食之選！而新菜就點了白烚鮮魚飯、魚仔菜脯煎蛋、川椒雞球、春菜排骨煲及家鄉炒麵線。當中我會推介炒麵線。因炒得很乾身，麵質不會糊糊的，但料就少了點，哈哈！今次6位座上客都非常滿足亦很滿意，我相信來第3次的時候不遠矣，已期待！順便一提，潮家宴晚上是有最低消費，所以如第一次想試試，可以先考慮食午餐。

家中阿嫂介紹這菜館幾好， 今日就跟朋友們來食lunch. 大約1230 來到， 不是太多人。 我們點了一個4人套餐再加了個炸蝦棗及蠔仔粥。原來炆蘿蔔， 花生雞腳一直都在店內一長枱上的爐炆著， 當客人落了單， 侍應就在煲裡拿給客人， 好像酒樓的點心大排檔一樣。炆蘿蔔， 好軟， 好入味， 而且無根炆花生雞腳，這個都好美味， 本來好怕炆到這色，以為會好鹹， 但食落啱啱好， 不會太鹹， 雞腳亦沒有炆到爛晒， 不錯。滷水鵝雞蛋豆腐，一句好食， 鵝不艮， 味道剛好， 不會太鹹， 肥就有dd, 但都不過份。炒青菜， 夠鑊氣蝦棗， 這個算是最不好吃的一道菜， 肉比較削， 亦無乜蝦味可言， 但我記得都不便宜。沙爹牛河， 這裡比附近阿天王喜歡去嗰間還好食， 沒有講錯, 牛肉夠淋， 粉唔會炒到爛晒。後來再加了甜品， 有潮州名牌反砂芋， 外面包著的糖略厚了些， 芋頭可能不是season? 不夠粉馬蹄白果露， 正正常常， 味道比較淡羔燒甜三寶， 有白菓，芋頭及南瓜， 最好吃是南瓜， 如果怕甜就不要點這道菜。果然， 家中阿嫂無介紹錯

潮家宴賣的不是新派菜色，而是傳統的潮州菜：鵝片、蠔咯、胡椒豬肚湯等等，越是基本的菜色越考功夫，很高興潮家宴並沒有令我與朋友們失望。好：食材新鮮 - 凍蟹、白烚鮮魚均甚鮮甜。紮實的廚藝，令人印象深刻，特別是普寧豆醬雞，醬料香氣撲鼻，雞肉肥美。甜品羔燒甜三寶是厚切的蕃薯和芋頭，以及白果，鋪上玻璃糖漿，本來已十分飽的了，但這甜品實在好味，一再添食，滿足！可以更好：糖醋麵做得較濕及多油。總的來說，食材鮮，功夫好！

同一班中學同學聚會要揀d特別d既野食先夠威。同學介紹上樓潮家宴。上環地鐵站行1條街都好方便凍蟹同鹵水鵝是必點的。個蟹超多膏d肉又甜。我幾乎一個人食左1隻，正🦀🦀。鹵水鵝冇得輸好快清左。👅👅👅老闆介紹炒鱔，新菜式，惹味但唔咸。🐟🐟咕嚕肉沙嗲牛肉介蘭忘記影相就ko左，撈飯開胃。咕嚕肉個菠蘿係新鮮菠蘿。🍍🍍招牌蘿蔔烙熱辣辣，煙煙引引。❤❤❤仲有蠔仔粥，我本身唔好既，不過d蠔新鮮又肥滿剩食蠔都抵。👍👍👍大蝦沙律加馬蹄爽甜品食到大家好滿足。😋😋😋總括大家食得開心之餘傾下計笑下顛下好快過。一班人最緊要有個舒服，野食又得既地方聚腳🤗🤗

公司老闆宴請同事的午宴定了在這裡，是中華總出入口商會的飯堂，聽說剛轉為以傳統潮州菜作主打的私房菜，向來喜歡"打冷"的我，知道今天的午飯地點後，確實有點兒期待呢!潮州人稱自己為"架幾冷"，這個族群在香港老早就落地生根，以往由鄉里為了讓同鄉能吃到家鄉菜，"打冷"檔口都很多，都聚集在上環一帶，建成了所謂的"潮州巷"，然而隨著香港經濟起飛，社會日益變遷，九十年代，上環的潮州巷拆了，小店上了市政大樓，菜名還是潮州菜，味道走了樣，更似粵菜炒鑊。現在香港仍有百多萬潮州人，但老百姓能吃得起的正宗潮菜館少之又少，香港潮菜的沒落，不無原因，令人深思。昔日的"打冷"檔口漸漸式微，現存的舊式打冷店真的不多，較為高檔的潮州菜酒家收費亦很高檔。小小的飯堂面積不大，間了2個房後就只餘下5張大圓枱，今天都讓我們訂下了，熱熱鬧鬧的吃個開年午飯。牆壁上寫著主打的菜色，聽說菜式必須於訂位時選定，方便店方早作準備。潮州菜不論冷盤熱食，都以海鮮為主，其中的冷盤又以冷魚、凍蟹等最出名。這天的第一道菜是"潮州凍紅蟹"，4隻蟹兒工整地躺於碟上，賣相極佳，各同事們都馬上拿出手機來先食。潮州凍蟹的選蟹原則是要選斤兩足（一斤至一斤半的花蟹

今日帶屋企人去試下朋友介紹嘅潮州菜, 其實初初有啲擔心因為屋企個老人家好咀刁, 而且本身又係潮州人, 所以出親街食潮州野總係彈三彈四。 今晚試左幾樣野, 包括原個豬肚咸菜湯, 鹵水鵝, 蠔餅, 蠔仔粥, 欖菜炒飯, 上湯豆苗, 咕嚕肉 同反沙芋, 出奇地老人家冇嘜點彈過! 個豬肚湯胡椒味足煲得好奶白色而且豬肚好林! 呀媽就好鍾意個炒飯因為好難炒得一粒粒好分明又一啲都唔油; 老公就最鍾意個咕嚕肉 (明明都唔係潮州菜佢點都要叫黎食) 因為好脆口同超好送飯; 我就最鍾意個蠔仔粥, 好耐冇食過會落大地魚嘅蠔仔粥而啲大地魚係好香脆嘅一粒粒而唔係一大塊, 對於食慣自家潮州餸嘅我地好興奮, 因為真係好難得, 食得出廚師的細心! 雖然餐廳唔算好大但係店家款待親切有禮, 相信我又多一個選擇可以帶老人家出黎食飯喇!

 胡椒豬肚湯是必點之選, 豬肚也被我們一掃而光反沙芋考功夫, 一咬下去芋香四溢。經典潮式拼盤的靈魂當然是陳年滷水, 自家釀不是一般坊間滷水汁可取代。蠔餅令我想起台式蚵仔煎, 帶點軟糯口感但依然鮮香。 看着整家人在菜館團團轉各盡其職, 就是一家令人感到溫暖的小菜館。 真心誠意推薦。 建議最少一天前預訂菜單, 好讓師傅們準備最理想食材。