影片
上环的，北角的，深水埗的，天后的，油麻地的各家牛腩我都吃过，他们有直纹的，横纹的，清汤的，浓汤的，柱侯的，都是地舖。但这家潮大人，是在楼上希慎广场11楼慎美食广场。广埸食店款式繁多这家潮大人，是最近这几个月才开的吧，我有点替他担心。都是年青人去的地方，牛腩面站不站得住脚呢？有一天晚间放工肚饿，走上希慎广场11楼想找吃的，潮大人没有太多人在等，就这间吧。收银的姐姐很和气，介绍说试吓坑腩吧。5分钟饭预备好，整整齐齐有很多件，件件手指公的大小，连不厚筋膜加少少肥，不太浓的汁肉，软硬刚刚好，筋膜很有嚼口。汁不太浓也不咸，我真的觉得很好味。几天之后，家里没什么𩠌，我就经过上11楼，买了份净坑腩。拿上手重重的，回家打开份量很多不是底下都是占了白萝卜那种。家里四个人一齐吃，都很够。汁用来送饭， La淋在白灼油麦菜上，可以吃很多很多。儿子后天便要飞去英国，提议再试一次净坑腩，虽然不久前才吃过，今天吃，仍是觉得好好味，太太说白萝卜很入味。是儿子提醒我要在OpenRice提意见，好让多些人知道，也好让潮大人的好味牛腩，更多人可以享受。
继续阅读
希慎FOOT COURT久唔久都会换一啲新既食店，同埋会揾一啲本身就系有铺头既店加盟，而呢间最近11楼位置新开两个月左右既“潮大人”，就系卖正宗潮式牛腩鱼蛋粉面既店，本身系OPENRICE见此店名本铺系大角咀，见到个招牌设计，应该系同一间无误。今日由于工作繁忙，5点几都曾经食左个工作人员既饭盒，但系夜左屋企个头又冇好野食，而家8点半又已经好快开始见肚饿了，就索性系9点前上到希慎FOOD COURT觅食，食完返工屋企就休息训阵至打手机游戏。之前曾经试左夜晚食佢牛腩饭都唔错(后面会附上饭的照片)，所以今次想试食佢粉面同试下佢汤底如何。今晚叫左金牌牛腩河($52)，佢有套餐优惠，+$10可以冷热饮品，或者好似我钟意+$20就有齐一份油菜及饮品，总数都只系$72。由于系FOOD COURT黎，所以就要自己等号码叫拎，同埋要揾好位坐，夜晚唔多人，佢制作食品速度都算快速，日抖食就建议揾好位至好去落单。由于上次食过佢牛腩饭($60)，所以今次食粉第一样就系试佢汤头，一饮就觉得好清甜，冇个种咸既感觉，虽然系有腩汁系入面，但绝对冇个种OVER既感觉，搞到饮饮下就完全忘我，饮左差唔多1/4既汤去，先至开始食佢河粉同啲主菜。牛腩河牛腩大约有8-10件左右，肉质够弹性，入味，又够淋，易咬口，食完系一啲渣都冇，而且今晚师傅咁岩切到瘦啲既部位，所以冇多余既白色肥膏。河粉系底部，睇得出师傅有心机整齐排好啲河粉，所以卖相都会令人有食欲。蚝油生菜同冻奶茶都正常发挥，个人水准之上。(奶茶各人口味都不同)总体以铜锣湾同区计，以呢个价位有埋菜同饮品既潮式粉面唔算多，我个人就钟意食饭全套满足型个种。呢间用心制作，食物有质素，值回票价，绝对值得回头。下次有机会试下佢汤饭或者系鸡类食品
继续阅读