潮味煮意

营业中

休息中

最近我突然間唔知 發咗乜嘢神經，好鍾意食崩沙腩.......有鑑於呢一個前提，所以喺荃灣 就喺琴日夜晚 黃昏 去到 角落頭，有一間專賣潮州嘢亦都有燒味( 我之前食過佢嘅墨魚同埋肥叉覺得肥叉幾有水準， 當日 臨走時攞咗佢將菜單見到有崩沙腩，所以係有預謀嚟㗎)其實裏面地方真係唔係大， 不過都有卡位，所以 我同人搭枱之下用咗一邊 ， 一個人坐喺度 享受一碗崩沙腩加豬手湯河。冇幾耐碗湯可 來都來了 ，崩沙腩望落去有層次好似傳說中擦子膠一樣 幾鬼靚仔， 狠狠的咬落去 感覺 有啲失望，因為我期望中嘅美麗牛肉腩香味完全喺我嘅 潛意識裏面係搵唔到㗎； 不過都算好彩 因為 雙拼要加錢 $8，我只係加咗八蚊就享受到一隻非常淋嘅豬手 ，本來冇諗佢咁淋但係估唔到隻落之後有幾鬼好食喎。見到佢有潮州嘢 魚飯等等，但係今日畀我嘅感覺我就有啲 “選擇困難症唔”敢買喇。

癡線 呢間嘢好食到癡線魚皮自己炸 超正牛筋入口即融牛丸爆汁 聽聞墨魚丸自己打 下次會試湯底係我飲過最好飲嘅 鹹 香 鮮只係叫咗一人份量其他菜式唔知一定要令各位至少食一次！長做長有

平日晚飯時間，行過幾間餐廳，餐廳侍應都要企出門口招客😔 感受到飲食真係好難捱。咁啱想食燒味飯見到櫥窗嘅叉燒，滷水鴨等都靚靚仔仔侍應又好有禮貌喺香港都算難得😛因為係街坊生意所以期望其實唔會太高嗰日我等咗10分鐘心諗：燒味飯平時好快就切好梗係留意吓個櫥窗，師傅喺度搞乜？原來師傅好用心咁切好每一件叉燒、滷水鴨竟然切走頭頭尾尾！！😮😮 唔靚嘅邊角其他客人嘅燒鴨 盡量有骨有肉舖得靚仔😍係有感動位😬上：雙拼鵝翼+ 鵝腸飯下：雙拼鴨肉+叉燒飯總共$110 （如果無記錯）厚切 、份量足味道唔鹹，調味適中唔重手，食完亦唔會口渴（好怕味精、急凍殭屍肉）📍重點：白飯粒粒分明，軟硬適中絲苗米，有飯香收銀哥哥： 我地特登搵潮汕師傅返黎整滷水鴨鵝真心值得一篇推介😬希望唔會執笠住

入去食飯，諗住食個雙拼飯，餐牌上加$10可以拼鵝片，點知店員話打錯價錢要加$30。 佢話餐牌未改得切，但係餐牌上已經有兩處地方用label修改咗，如果呢個價錢一早就打錯，點解唔順便改埋佢。但原來錯嘅唔止係咁多。說之後叫另外一個雙拼飯加鵝髀餐牌加$20 ，點知佢話要加$30。食海鮮就聽過海鮮價，點知食燒味都會遇上呢啲「時令」價錢。見到佢餐牌啲價錢都有問題，店員又串串共咁樣，我哋就把幾火走咗。 其實講真，我想食嘅嘢我真係唔介意俾多少少錢你，但係咁樣硬係搞到成個體驗好差。

話說呢碟野叫燒味拼盤，當我地問員工拼盤有啲咩嗰陣，佢地就話乜都有啲，但無要加錢嘅燒鵝嗰啲😮‍💨咁食開燒味嘅，都大概知燒味有叉燒、燒鴨、切雞，燒肉、油雞之類～店員既然話乜都有啲，咁我熱以為乜都有，可能份量少啲咁姐，咪即管試吓囉～叫之前已經問過夠唔夠兩個人（一男一女）食，店員話夠🤷🏻‍♀️點知一上到枱，淨係得3樣：燒鴨、燒肉同叉燒🙂個份量就係得圖中咁多🤷🏻‍♀️份量唔夠都不特止，連種類都係得3款，咁點解我唔叫兩個四寶飯？起碼有隻咸蛋同菜，仲要平啲😓雖然走嗰陣大家都好有禮貌地講晒再見咁，但呢間食完真係唔會返轉頭了👎🏻

燒味應該係香港人嘅情意結 雖然戒左飯 但都會成日心思思cheat day想去jap個燒味飯一般燒味飯舖面都好污糟 唔係好鍾意坐低食 平時都會買外賣返屋企食 行過呢間有滷水食 又有牛丸牛腩粉麵 門面又好乾淨咁入到去我估係老世 好有禮貌 完全同平時D燒味佬兩回事叫左滷水鴨同叉燒飯 送左個脾比我jap碗杞子湯大到有D surprise 仲送左幾舊骨總結係抵食又足料 服務態度好 乾淨企理 呢個角落頭好似轉過手好幾次 希望呢間好舖頭可以繼續做落去