影片
食家推介
下午茶时间食猪杂米线，我唔系第一次食，但同之前咁多次相比，肠系明显变左，咬一啖系极苦，同职员反映，佢哋无视食物质素问题，仍然企喺度好似唔知要做乜，我同佢讲其实要同厨房讲，然后仲要玩笑式喺度玩，当客听唔到，极度懒散态度恶劣！同一条街仲有其他好野食，唔好浪费时间去食呢间！
继续阅读
一早起身食个早餐，呢间嘢越嚟越唔好食，以前初初开乜都系热嘅，依家肯定系贪方便整定，啲嘢又干又柴，连杯奶茶都唔好饮，重要今日话要太阳蛋，竟然话整唔到，超搅笑！重要收$34.-蚊，哈哈哈！我呢个香港仔原居民以后绝对唔会再帮衬！
继续阅读
【南区】【潮发记】我就好少去南区嘅，不过咁啱识咗一位南区嘅朋友，所以就有少少机会又去吓呢区。本身只系揾啲嘢食浪吓肚，但系周围都系潮州嘢、粉面店，甚至系潮州粉面店，所以都冇咩可以选择，就咁是但揾一间求其食啲嘢啦。吖，差啲唔记得，之前一直都被人垢病话我只系做茶记同粉面店，系呀，今日喺香港仔呢度又系帮衬啲粉面店，如果真系好反感嘅话，我都冇办法。一个人求其食啲嘢，咩都食吓，咁呢啲又真系最符合到我最基本嘅需求吖嘛。呢几日其实我都做咗拉面店、饭团店、居酒屋等等嘅日本餐厅，不过 haters gonna hate，都一定会系咁架喇，我都冇咩想讲。毕竟我要做嘅用餐体验都真系想系要同其他人有所不同，有唔同就当然会令到一啲人无所适从嘅。讲返今日呢间啦，其实我都行咗一阵先决定到，本身有几间潮州粉面我都想试，但系行到门口之后，望一望又冇乜动力走入去。直至行到呢一间门口，见到佢有常餐𠮶啲，粉面方面又有猪杂、牛沙瓜等等做选择，几好。入到去我就叫咗个「牛沙瓜牛坑腩伊面」，本身我都好少喺粉面店食伊面，但我见啲老饕好多时都会叫伊面，就加钱试吓，感觉果然唔错。配合埋质素 okay 嘅牛坑腩同埋好少地方有嘅牛沙瓜，我觉得成碗嘢几好食，味道唔错。饮品方面，我饮咗个「冻柠茶走甜」，味道都系正正常常咁。最后个价钱系 $59 出门，嗱，以食到牛沙瓜、牛坑腩嚟讲，呢个价钱唔算好差嘅。凡事唔好净系睇表面个粉面加嘢饮，都要睇吓佢内里其实有啲乜再判断佢嘅价值。。。（地址：香港仔东胜道3号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #1ambackup #1am0577 #tasty #globaleats #tastyfood #foodpics #followforfollowback #love #eat #1am南区 #香港仔 #潮发记 #牛沙瓜 #牛坑腩 #伊面 #冻柠茶 #潮州粉面
继续阅读
#潮发记 早几日重回香港仔，之前有网友介绍话依间潮发记猪什几好，可惜之前未有机会试，今次终于有机会。四点几去到人唔太多，望见枱面有鱼露就放心试河粉🤣 最怕太淡口。猪什中以猪肺最吸引，质感够爽，需知道清洗功夫繁多，出面都唔容易食到。其他好似猪肚同粉肠都系一般，不约而同都食到苦味。有人认为此并非苦，而系甘，而且系上品🤔汤底果然清淡，河粉够幼不够滑，靠鱼露帮手提鲜了😅整体而言，$35猪什河，比较普通。潮发记香港仔东胜道3号地舖#港饮港食平靓正 #香港仔 #猪什河 #猪肺 #鱼露 #河粉 @foodiehck2022
继续阅读
小妹食依间都食左一段时间了，因为系街坊，不过今次嘅经历真系令我要谂谂会唔会再食，事缘我叫左碗牛根米线，平时嘅我，叫完会玩电话，不过今日咁岩冇玩就睇住佢将我个碗米线落左人地将枱到，落左一阵，长头发比较后生嘅侍应先发现落错枱，跟住同个枱客嘅女士讲左2句，碗野就拎返起，个女侍应系个场到转左2个圈，之后等左一阵碗野去左我枱面，落完枱之后佢即刻唔见左，跟住等左一阵，我问另一个侍应系咪同一碗野，个侍应当然否认，但其实我好肯定系同一碗野，因为系冻嘅，同埋个侍应嘅态度反映一切
继续阅读