潮公館 (已結業)

喺油塘做嘢嘅我不時都會同同事飲茶我都試過好多間嘅飲茶可能好多都係屋村酒樓所以都唔係太好成但係潮公館就10分唔錯食完之後仲會有糖水送所以我都幾鍾意食埋個糖水就非常滿足

今天中午原本想去客家好棧飲茶，之後經過潮公館，諗住試下，點知就......唉！食物係一般，不過服務低劣。我們兩個大人加一個3個多月嘅BB,佢話我哋坐卡位放唔到BB車。咁我哋就坐四座位方枱，拎開張椅放BB車。正常BB車一定唔會放走廊位啦！點知一個懶到出汁嘅四眼女經理嫌麻煩唔願意拎開入面張椅，叫我放架BB車喺走廊，吓！上菜位喎！佢話會喺另一邊上，又話BB車放入面阻住另一枱客坐🙄我哋最終冇理佢自己拎開張椅放咗喺入面，但係一啲都冇阻住另一張枱。之後叫咗食物，食到咁上下，有位小朋友入嚟搵我哋，佢已經食飽唔係入嚟食嘢嘅，只係入嚟等我哋。過咗一陣，我哋食完叫埋單，我都估到佢會收我哋3位茶錢。茶錢$6一位，俾唔係問題，但係我問佢小朋友一入嚟坐到埋單都冇擺過位俾佢，咁都可以收茶錢同加一服務費😡有後生四眼男侍應出聲話依家啲香港人特別鍾意嘈嘩！有冇搞錯呀！咩服務態度呀！受氣，野食一般唔好去！

住喺係油塘呢個美食沙漠, 潮公館我基本上幫襯過超過十次,  食物味道算幾好, 不過服務質素就一如既住差!! 員工個個都好似無帶腦, 而且經常唔夠人, 嗌極唔應,  一定要check單 (經常上漏菜之餘但張單又照收你錢), 同經理講完都係應完你就算, 今日去食晏叫六樣野, 有四碟都攞咗去隔離枱, 佢第一次攞錯已經同佢講咗, 不過之後三碟都係照攞咗去隔離枱, 真係食到火都黎, 之後D野黎到一半, 嗌佢加碗白飯, 到D野食都差唔多上齊 (白飯未黎, 咁就追啦) 之後全部野黎齊而且差唔多食完(白飯都仲未黎, 咁就叫佢取消啦) 到取消咗 準備叫埋單 先攞碗白飯出黎比你 真係離晒譜, 員工之間零溝通 D經理又愛理不理,  呢間野即時blacklist 無下次!!

碟頭細，味道ok.但職員少，叫一樣做一樣，想電視轉台黎經理又話唔得，咁不如唔好擺部電視出黎啦。叫佢轉台又串我地包場就可以！態度認真離譜。其他客都冇睇緊電視。以後都唔會幫襯！

話咁快到年中, 將會有好多家庭聚會的機會, 今次為大家介紹一下係"潮公館", 現今市面上有無數咁多間 "X公館", 所有都係較貴價及超精緻的菜式, 但呢間"潮公館" 係例外, 不但唔貴仲好抵食添.親友無意中發現, 就在父親節試一試.以HK$2000以下12位一席的價錢已好難搵, 雖然價錢好大眾化, 但招呼一點不馬虎, 每碟餸菜都好足份量, 唔覺有味精, 味道不俗, 但留意無包飲品, 只包茶芥及加一, 已經係物超所值. 因為菜式會每月作調整, 所以不會一一介紹, 可以睇下圖片便知到"物超所值".改變了"X公館" 一定貴價的定律.

中午約咗屋企人飲茶去咗潮公館油塘大本營，殊不知要等成30分鐘先有位，五個人知客姐姐，算係幾好人，了解到我哋人多比較擠迫，又想攞位，俾咗個大少少卡位，點餐，食物尚可接受，上菜速度都幾快，點心嘅外表呢就冇乜特別，點心係比較傳統嘅味道，不似現在的新式點心，鳳爪排骨，加入芋頭反而最有驚喜喎，幾好味。應該是人手不足關係，及有部份新店員，服務一般實在係有需要改善嘅地方，店員工作時好像在吵鬧。可能晚市會比較好一點。

潮公館～門面的確唔錯架不過⋯⋯⋯⋯食物味道只係平平無奇，中等水準樓面好少人少人到唔見人，杯茶飲完好耐都無人添，叫人針佢叫等等，好啦，再等等知你忙見到個服裝唔同嘅職員經過叫佢麻煩加啲水，佢又叫返果個阿姐加，但其實果個高級啲嘅係無野做緊，針杯水都咁難咩？個阿姐一個人好似成場得佢一個上菜落單針茶咁～做死人地咩～終於決定自己攪掂～係咁2叫左幾樣野食就算了～全部嘅味道都不是特出～完全係可以接受的。但係EQ低啲同埋對食物味道好高要求者，呢間係唔岩你地喇。希望呢間舖可以改善，不然呢個商場有少一間食肆了.....

新年期間約朋友和小朋友去飲茶，諗住搵一間人少一點的地方會比較適合，於是選擇了油塘的潮公館，因為鄰近食市全部也爆滿，諗住唔想等位，中午時間去到這間潮公館竟然坐唔夠五份之一既客人，心諗都怕中伏，坐低終於明白點解，侍應們既態度相當趕客，食物質素一般，但服務態度拙劣，先係侍應互相推搪逃避斟茶責任！但又唔肯放下水壺！結帳覆核賬單時，黑衫中年侍應黑面不耐煩，急着要求盡快，仲話唔會有錯㗎啦！但一看之下，發現了賬單上另加了一項沒有點過也沒有吃過的食物，同時計了兩位三歲以下的小朋友茶錢（即使全程沒有放水杯及茶位，也計了茶錢），我當時以為忙中有錯，禮貌地向侍應查詢，但那位黑衫的中年男侍應竟然用極惡劣嘅態度回應：又冇坐BB櫈！三歲以上我就有權收你茶錢！我禮貌地告訴他小朋友未夠三歲，兩歲幾讀緊N班嘅咋！佢竟然大大聲用責難嘅語氣說：攞證據出嚟啊！攞證明文件證明佢未夠三歲呀！天啊！難道要帶出世紙去飲茶嗎！一開始如果你認為佢係要收茶錢，你好應該比個位小朋友！茶杯碗筷又冇放，茶錢又照收，其實你有招呼過佢嘅話，計都無問題！惡劣嘅態度先至係最大嘅問題！人生中從來未試過食飯食到如此受氣！如果這位侍應仍然繼續喺呢度做，相信距

每次喺油塘諗唔到食咩都會揀潮公館，入面環境對比同商場嘅中菜清靜得多。蠔餅七十幾蚊成餅野咁大份，而且好厚身，每人食一片已經好足夠，建議多啲人一齊食就啱啱好。我第一次食蠔餅，唔知本身應該有咩質感，但呢度嘅蠔餅味道都討好，炸得香口，內裡口感好似鯪魚滑咁，唔點魚露嘅話會略微味道單一，點咗襟食好多。麻辣雞煲就食到停唔到口，麻辣程度係bb班，但就好惹味，尤其洋蔥爆到好香，雞件入曬味。不過老實說味精有點重，飲多多水都唔夠，但依加有幾可餐廳無味精呀，所以可接受啦。

今日有人請食生日飯,揀咗都有一段時間無食過既潮公館。食之前上Open rice睇過有咩食評,點知見到好多話服務態度唔得,野食麻麻。今晚試完自己就覺得唔係呀,都無咁差。首先揀咗個套餐:潮州凍并盤,就係因為睇溜咗個凍字就出事。本來以為係有滷水鴨,紅腸嗰d。但原來凍并盤係完全唔係嗰回事。凍并盤有醋雲耳,豬腳仔,淆肉,青瓜及雞絲粉皮。完全估唔到潮式係匿幾味,本來諗住食滷水并盤。胡椒豬肚湯,匿個好好味,胡椒夠辣。半煎煮黃花魚,匿個煮得唔錯。黑椒川椒雞,ok唔太辣,雞都幾滑。欖角肉碎四季豆,好味,好鐘意食匿個,因為屋企唔會煮。另外仲加咗兩個餸,一個黑椒粉絲大蝦。蝦中size,唔算細,有6隻咗右。仲有一個椒鹽脆豆腐,匿個好味,外炸得香脆,內滑,面仲灑滿椒鹽,如果再熱d更好。個餐仲包四個白飯甜品,甜品係圓肉桂花糕。可惜孤寒咗d,好似係兩件切成四件咁。佢收晒筷子又無比义,諗緊點食之制,個staff就好醒目攞咗牙籤比我地。食完飯有蛋糕食(自備的),想影相的時候身邊無其他人,食緊飯既staff即刻過來幫忙。整體食物唔差,但無咗小妹至愛韮菜豬紅。員工服務都無咩太大問題。但唔知點解,佢人客真係小咗d,見有兩圍大

方魚炒芥蘭: 令我懷疑係咪叫錯「油浸芥蘭」薑蔥魚雲：鹹到爆，好難揾倒真係一丁點肉都冇嘅魚雲，勁！白粥/白飯：ok. 但如果呢兩樣都唔ok, 即時執得. 食完晚飯，朋友聽倒侍應話張單$222，俾咗$230. 等找錢等咗好耐，冇人找錢，就問返待應係咪會找錢。跟住個收銀怒氣沖沖走過嚟話:「$220，俾咗2張$100紙+$20+$10蚊紙，叫我找錢?! 」見佢咁嘅態度，梗係拎返張$10走。個收銀轉身返返去櫃枱，我地經過再贈我地一句：「痴線！」我以後都唔再幫襯呢間嘢，太垃圾！講完!

下午茶時間，叫左一碗墨魚丸河粉，我覺得麻麻地，河粉吾夠滑，墨魚丸就幾好爽口彈牙，不過無墨魚味！至於個XO醬炒腸粉就幾得！有鑊氣炒得幾香，辣辣地好野味😋同埋個蝦餃就普普通通個皮好油,間野普通水準，以下午茶價錢黎講都算偏貴

同d auntie uncle 平日晚去食飯 唔知點解要去油塘 潮州菜無人住過到 又唔係順道路過 又無人介紹不過都好 有d驚喜平日晚 不是太多人 餐廳好大 後廳的一面180度維港我眼睛已經飽左 見到好多台都叫 d粉絲煲 好多粉絲 好乾身 好似好好 但最後我們無跟叫左個套餐 都係例牌野凍烏頭 四季豆  蠔餅 和 方魚肉碎粥條魚都好大條 不是好多黃油 但肉都幾淋蠔餅係儂左dd 不過好都幾鮮 無炸得好老 

好多時都會黎呢間酒樓飲茶，貪佢唔使點等位，因為其實點心款式唔多，但最緊要嗰間有你想食嘅點心、坐得舒服就夠啦海哲夠粗春卷夠熱蝦餃雖然只得3⃣️粒，但涵料好飽滿沙茶牛肉炒河，超正不足係賣曬九菜煎餅、流沙包但服務態度保番，因為第一轉籠蝦餃蒸到皮破開，仲左搖右擺，我同經理講，佢好友善地處理，蒸過一籠比我，值得讚一下！

今晚一家4口子黎到油塘大本型搵嫲嫲食飯 其實之前都食過呢間 覺得嫲嫲都會中意就黎左la！夜晚有個孖寶套餐haha 唔記得影餐牌總之就168兩樣菜一個揀左呢度出名嘅胡椒豬肚湯，另一個就揀左媽媽中意嘅紅燒豆腐 胡椒豬肚湯好暖胃 不過怕辣嘅人應該唔會好中意。黎度潮公館當然唔小得叫蠔餅呢個蠔餅配埋魚露俾你點唔錯 唔會太多粉重點係啖啖都食到蠔再黎就係豬大腸爸爸之愛！係幾好味嘅當紅炸子雞好好味！！皮女脆！肉好嫩滑，一定會再叫！！最後叫左個糖醋面我最愛！面脆不過今次師傅煎得 今次師傅煎得燶咗啲搞到有少少苦嗰面不過都ok ge呢餐真係好飽！好味會番黎！