潤一潤甜品屋 (已結業)

每次經過或幫襯潤一潤，總係小貓3-4隻，擔心佢做唔住！可能我好運，又或者我要求低，食過幾次都唔係想像中噤差....今次就點咗芒果雪糕冰露同雪糕綜合芋圓.雪糕綜合芋圓係一個大集會，有雪糕有珍珠有芋圓有紅豆有綠豆有豆腐花，食落豆腐花味被其他味搶哂，如果中意煙煙靭靭相信會中意，我就對煙靭野一般般，所以都係杯芒果雪糕冰露啱我口味，潤一潤亦都用啱芒果，芒果品種無酸味，正！餐廳最大問題係D凳坐得好鬼唔舒服，有待改善。

好耐冇食過中式糖水， 醒起紅磡潤一潤嘅芝麻糊都幾好食， 於是就揸車出發。由於红磡好多阿sir,擺唔到車，就轉陣去土瓜灣分店，貪果便多錶位。滿心歡喜叫芝麻糊加湯圓同埋榴槤班戟， 但店員話冇班戟， 我就好奇問佢係賣曬呀定係唔再出？ 佢只係話呢排冇班戟亦冇答原因。( 因之前喺紅磡店食過,佢個皮好薄, 甜度適中令我難忘。加上阿姐話，就算榴槤貴佢都會入貨， 唔會令顧客失望， 阿姐呢份堅持令我好難忘。估唔到分店就…………)再講返我玩芝麻糊， 佢只係糖加黑色糊狀嘅物體， 一啲芝麻味都冇，又唔滑，温度暖熱之間( 我至憎), 食到一半已經開始變水 湯丸都還可以, 大個麥提莎小小, 啲皮都薄, 裏面啲芝麻都有流沙， 整體而言，我一定唔會再去土瓜灣分店。

飯後吃甜品是常識吧。今次沒去開吃開的豬仔記，試下新野。抹茶控叫了一個抹茶紅豆。。。忘記左個名，不過味道不好吃。很奇怪。叫了一個芒果刨冰，有芒果雪糕，芒果肉，煉奶，芒果醬，不過不失拉！

是日尖子說飯後要吃糖水, 隨意地來到潤一潤甜品屋. 平日晚上十一時多到達, 只有三數枱客人, 有點冷清. 店內沒有什麼裝修可言, 就是隨意地擺放枱和椅, 明顯只是做街坊生意. 筆者近日成為芋圓控, 點選了薑汁黑糖芋圓豆腐花(HK$24). 尖子則要菠蘿西米露(HK$24). 不消一會, 侍應送上糖水. 老實說, 賣相真的不太討好. 試一口薑汁黑糖芋圓豆腐花, 芋圓口感偏實, 芋頭味也不濃. 豆腐花不夠滑, 也是厚實了. 薑汁味夠濃, 整體來說不太討好. 尖子的糖水更是可怕. 菠蘿和西米露真的不匹配, 不解怎會是人氣食品? 菠蘿既生也太酸, 西米露只是普通水準, 混在一起就是不懂欣賞.

去慣紅磡那間 還是第一次來土瓜灣這邊吃 點了每次必點的最愛的芒果河粉 椰子做的任何東西都是我的最愛！依舊很好吃 不過份量顯然就沒有紅磡那間實在 服務也是很一般 下次去還是回去紅磡那間算了 應該不會再來這間了吧

有位同事住荃灣專程等我收工然後帶他來食刨冰......早前openrice推薦紅磡甜品好去處 很多同事向我查詢，但這間甜品鋪由開鋪我就經常來食所以對我來說不是太特別，也有很多朋友大讚平民價，份量多，款式多芒果煉奶刨冰 每次來必叫 多煉奶 會令到啖啖奶香味今次芒果也許不是時令 不夠甜 沒有芒果味台式牛奶四寶刨冰 有豆腐花 芋丸 紅豆 仙草 芋丸煙煙韌韌 份量非常多豆腐花滑嘟嘟 做底 連刨冰一齊食幾特別如果紅豆可轉換其他配料更加好味道 賣相 衞生 服務 抵食 推介

榴蓮系甜品一個字正，朋友每到紅磡吃飯必到的甜品店。由於小生蕃外出吃飯都會喝酒，與榴蓮甜品冇緣。今晚為一嚐潤一潤榴蓮系，終於乖乖，飯後拉著朋友吃。小生蕃點了榴蓮涼粉加仙草，朋友點了榴蓮豆花。榴蓮蓉非常多，岩晒好似小生蕃鍾意食榴蓮到足以一個人ko一整個嘅粉絲，涼粉不太甜,與榴蓮配合得剛剛好。而朋友對榴蓮豆花亦相當滿意，可算一個晚上完美嘅點綴

某日同友人食完DINNER 唔多飽, 口痕痕想食甜品於是就諗起呢間"潤一潤", 反正開左咁耐都冇食過佢, 就一於試試佢吧!MENU 上都幾多選擇, 不過屬於"行貨"野, 冇乜特別野揀來來去去都係0個d 啦...至於價錢, 都係正常價錢, 唔算貴又唔係特別平咁囉味道方面, 一如其作風, 都係平平無其唔係難食, 但真係冇乜特別冇乜驚喜另外, 值得一提0既係, 佢地開到個冷氣太太太太太大了感覺好似室內得10幾度咁 (唔係講笑)一來唔環保啦, 二來凍到我地都冇乜意欲試多d 唔同的甜品咁~~

媽咪推介左呢間野好耐，今日終於都去試餐牌好多款色選擇，價錢適中我地兩個人所以就叫左一碗薑汁麻蓉湯圓同埋龍眼黑糯米。龍眼黑糯米幾足料。龍眼夠多，差唔多每食一啖黑糯米都有一粒。黑糯米粒粒分明，唔會太稠一pat野咁，好味啊。最推介係呢個湯圓！性價比極高。芝麻湯圓皮同餡料比例剛好，甜度適中。薑汁夠辣，唔似其他甜品鋪得個甜字。係我係街食過最正嘅湯圓啊。鍾意薑汁嘅朋友一定一定要試啊。

諗住近近哋去屋企附近間糖水舖食糖厂到去又幾多人好似ok喎! 但咁多人成間鋪頭佢竟然唔開冷氣焗到暈， 叫咗佢開冷氣3次但只係講好又唔開，真係比佢激死。 成間鋪頭又得一個整糖水一個落單， 叫咗2碗糖水等左15分鐘，嗰個薑汁黑糖芋圓豆花又係用百福豆腐花，D芋圓唔軟完全唔好食，薑汁比較淡，超失敗。 好彩另外嗰碗綠茶榴蓮雪花冰賣相好睇味道可以接受， 不過土瓜灣呢個地區咁嘅價錢就真係算貴，呢間下次應該唔會再幫襯。

新年流流冇咩糖水舖開，呢間潤一潤咁啱經過，新開張一牌都未試過，就入去坐低試下啦！糖水款式好似幾多，不外乎左搆右搆，叫咗個 紅豆沙豆腐花，薑汁黑糖芋圓豆腐花，再加多個邪惡既心太軟！紅豆沙豆腐花﹕紅豆沙冇乜紅豆，數埋唔知有冇30粒，兩湯匙都無，個湯甜咗少少，見到有陳皮但唔香！豆腐花似係百福貨色…失望！芋圓豆腐花﹕唔使講果D豆腐花又係百福貨色，芋圓先恐怖，散散地一啲都唔煙靭，都係失敗，唯獨是個薑湯好夠薑味。食完呢兩個甜品都心太軟都未嚟到，真係等了又等。見到廚房開始同個心太軟脫模，諗住有得食，點知佢整極都整唔到出嚟，搞咗一陣，脫唔到模，最後心太軟就分體，店員同我講要再等，其實前後已經等咗成15-20分鐘，所以我哋決定放棄，反正佢啲甜品都唔似會好食得去邊。整體嚟講，我就坐得唔係好舒服，不過依家啲糖水舖一般嚟講都唔會坐得舒服，但係啲甜品唔好食先係重點，又冇賣相……好難有下次！

潤一潤喺紅磡都有分店，聽講話生意幾好，成日要排隊。馬頭圍呢間開左三個月左右，黃昏時間黎，客人唔多，坐得舒適。甜品定價唔貴， 3、40蚊左右牛奶台式刨冰 $30 除左基本嘅牛奶口味，店員仲介紹有幾款新口味果醬 包括：芒果、士多啤梨、菠蘿、熱情果、煉奶、香橙、拖肥不過我地都係傳統啲要煉奶~刨冰附有4款配料：芋圓、仙草、豆花、紅豆成個造型好正！冰面淋上大量煉奶，所以開頭都幾甜，撈勻食會好啲~芋圓煙韌，不過冇乜味道。仙草就唔係滑嘟嘟嗰種，直頭係涼粉質地。豆腐花唔錯豆味香而且滑。紅豆唔係太甜，份量好多！雖然冰比較粗身，但30蚊以言，性價比高，推介！心太軟伴雪糕43朱古力味道香濃，感覺唔會話食到好廉價嘅朱古力味不過流心效果唔係特別出色，好快瓊左~雪糕雖然點係雲呢拿味，但奇怪地食到榴槤味，雖然店員表示可以更換，但免得浪費，我地就未有更換過一球~服務不錯！心太軟雖然唔貴，不過一般般啦，刨冰更值得食~黎開呢邊會再食冰！

同老婆見到有新開張甜品店，決定去試一試。店鋪位置位於天光道，大大個橙色招牌，好易搵，店鋪內無美侖美奐嘅裝潢，簡簡單單。甜品款式多，我叫咗一個台式刨冰，老婆叫咗一個黑糖豆腐花。台式刨冰有芋圓，仙草，小丸子同埋好多練奶。芋圓好好味，有係台灣食嘅感覺，練奶配上刨冰係絕配。由於我個刨冰好大個，太太食嘅黑糖芋圓豆腐花，我剩係試咗兩啖，已經覺得很香很滑。太太比嘅評語:豆味香濃，就算係凍食，依然滑溜。因為有好多豆腐花一雪凍就會變得很實的口感，但係呢間就無呢個問題。個餐牌仲有好好多甜品，下次會再嚟食。