影片
因为住附近嘅关系，成日都会嚟呢条街食早餐，而呢间汉都茶餐厅更加系逢星期六必到嘅餐厅。成日嚟都不外乎大件夹抵食呢个道理。其中我每一次嚟到都只会叫一样野，就系西式套餐喇。佢可以拣一个扒类，再搭配茄汁豆、肠仔、煎蛋、炸薯角、牛油方包，仲可以加$3要多士。不过基本上我每一次嚟都只会叫吉烈猪扒，佢地嘅吉烈猪扒系你落完单之后再帮你炸热同炸脆佢，即叫即炸更系最好食啦，而且次次嚟到果块吉猪都劲大块，今次都有半只碟咁大块，好抵食！
继续阅读
有人叫我试下哩间焗猪扒饭，咁就去一试，虽然始终唔及大家快活既一哥焗猪好味，但佢都焗都几好，首先唔好焗㶶，其次个汁好够味，猪扒够腍，价钱真系好平3x蚊仲包埋野饮。
继续阅读
年初四一丁友系附近揾晚餐食，求其茶记啦，见佢装修够晒old school 应该都唔差既。就试下干炒牛河啦，色水几好，够获气但油左啲啰，不过牛肉真系好多食，唔硬，有肉味，河粉唔会一patpat，总体几好架!
继续阅读
一心想再次吃石篱著名米线，但十二时许已见十多人排队。你以为已经很多人？岂料回头一时许再看，足足二三十人在斜路等位。赶著运动，惟可到附近的茶餐厅随便吃个午膳，看见午餐难得撞见厦门炒米，即管进入此店。幸好厦门炒米的精要-五柳/酸瓜还是可见，虽然不多。其余的虾料、叉烧、均不多，即使拨开米粉，也不觉极多馅料。米粉还是挺大个，吃极都仲有的样子。茶走味道不错，炼奶味刚好不错。座位细，肥一点也觉挤拥，连我坐著放个袋子在旁已刚刚好，看来这是特制小型卡位。
继续阅读
其实起石荫路系有好多茶餐厅既选择，何以我会走进这间？其实呢间我食过不出三次，加上呢间午饭时间都唔会坐满人，今次吸引我原因想看到外面午餐有焗烧汁肥牛饭，加上32蚊一个午餐包热饮起呢个葵涌区裹面算系最便宜，所以想也不想就走进去了。呢条街白天人流都几旺，主要茶餐厅同药房较多亦有酒楼及小型超市同家品店等等。内裹算系整洁企理，有十几陪枱左右。入到黎仲有卡位坐，时间大约系中午12点45分左右。是日午餐，识食一定食"D"餐，阿姐话呢个餐卖晒要再整叫我等十分钟，我真系估唔到未够1点呢个餐就卖晒要再整，我好爽快咁答:。热OT比较涩左少少。焗烧汁肥牛饭-就咁看面层仲以为系连锁餐厅个D焗猪扒饭，个烧汁少少似洋葱汁种味道甜甜地，而且个汁好浓又够"杰"，正系汁捞饭都够好食，肥牛方面看下图肥牛都唔错有口感，一块牛肉入面肥肉跟廋肉占既比例50/50岩岩好，再捞埋烧汁真系好食到不得了当然都计算埋价钱在内真系超抵食，不过佢餐牌日日都唔同要再食呢个餐真系可遇不可求，今日香港要揾到咁既价钱同质素已经好难 多得一男子搅到香港今时今日咁。香港人加油
继续阅读