影片
以上资料只供参考，请与餐厅确认详情
招牌菜
不嬲帮衬开观塘瑞和街市汉记, 突然有一日唔见开舖, 好失落, 以佢执咗。好彩openrice 有佢电话, 打去问先知佢地搬咗舖。等咗几个月, 今日终于开张, 好多熟客仔都有去捧场, 价钱不变, 味道亦保持水准!!!
继续阅读
每人谂泰国菜最好系九龙城，但听人讲其实观塘街市都有吾错的泰国菜，再上openrice其实评分都吾少，所以今次就专登去左观塘街市上的汉记试 试。7点左右上到去已经超多人，只有大桌，我同男人最后坐系大桌食住先（当然吾会再比你转桌啦）衞生程度真系吾好谂好得去边，起码坐系度的位置下没有污糟水叫左一个汤同几款食品同椰青啤酒！～整体系好快全部𩠌到晒，但冇一款系热，可能预左有人叫而整定烧大虾（＄148）：有成只碟咁大，好多膏同肉都好新鲜鱿鱼沙律：比心目中辣，鱿鱼超多同新鲜，个酱食完劲开胃细冬荫功汤（＄55）：诚意之作，好味又够辣。海鲜又够多，一个细都可以有4碗6串串烧（鸡猪牛）：系成餐最难食，又硬又冇味，沙爹酱又差（冇沙爹又冇花生粒之类），同食肉干冇分别。2个人共＄449，吾觉特别好平，但如果再黎一定要叫冬荫功汤
继续阅读
这餐厅位于市政大厦熟食市场，油渍满布，湿滑不堪，等位处就是停掉的扶手电梯。其他食客都像「大声赢」一般，一来到就三位！四个！ 幸好烧烤哥哥认得我们来先，有桌还是先给我们。 本来女店员问我们，在烧烤炉前开一桌，我们接受吗？但那儿面对烧烤炉，旁边有垃圾桶，四面受敌般 ，谁要坐这儿，宁可等多一会。后来有位，本想吃捞檬，原来售至五时，惟可吃炒檬，另外点了半打串烧、马拉盏炒杂菜、青柠梳打。虽然环境的确较差，但马拉盏炒杂菜的镬气真强 ，镬气比某些地方的炒河，炒米更盛。杂菜内含芥兰、番茄、西兰花、椰菜花、粟米芯，微辣。虽然偶尔想到，菜本来是健康食物，多吃蔬菜有益健康，但加入辣椒、马拉盏炒至镬气强盛，其实会否减低健康指数；但一餐半餐无所谓吧， 反正因其炒得镬气一绝。沙嗲则较干，干得就像鸡肉干、牛肉干。鸡肉很瘦，反而牛肉边位有点儿肥更好，加点沙嗲酱，湿一点才好。沙嗲酱有欠香浓，酱内像有花椒，辣味薄弱 。炒檬粉，干得来较散，以前在其它地方吃过，少许湿，黏在一起，有点辣椒、花生、加青柠汁更佳。这儿则是檬粉上有芥兰，「干憎憎」牛肉。奇怪的是，炒檬粉最迟来，而镬气比炒杂菜弱 。虽说是熟食市场内坐胶椅，但其实比起坐圆胶椅，已经较舒适。只是熙来攘往，人多热闹，还适逢是星期三跑夜马，欢呼喝彩声此起彼落，好不热闹。街坊街里可能较喜欢，亦可与三五知己约会进餐。以泰国餐厅而言，这可能较长沙湾那家更便宜，但考虑环境因素，还是那儿较佳。
继续阅读
今晚同肥妹仔黎左呢间泰国菜食呢!!系肥妹仔之前同朋友食过话好介绍我黎!!我地要左个招牌冬荫功:味道同料都好足!!海鲜都几多, 整体黎讲唔错!!木瓜丝沙律:呢个沙律好清新, 辣辣地!!好开胃, 而且佢味道辣得黎调到甜甜地!!啱啱中和返, 唔会话好刺激咁!! 值得推介!!马拉盏炒通菜:通菜炒得好有镬气好惹味,不过弊就弊在太多油喇...如果可以少返DD油就一流喇!!干炒鸡肉檬粉:其实味道系几好, 拍得住D大铺头!!不过佢炒得唔够干身, 比预期较糊口!!无想像中咁爽...整体黎讲, 值得推介, 下次会再去试下其他菜呢!!
继续阅读
呢个街市都几多野食，今次朋友提议去汉记。老实说，去得市政大楼，都唔会冀望有好舒适o既环境，但o野食搭够，另一个好处就系抵食。一行七人，七点半到达，刚好有最后一张大台 (其实呢度唔多过十张台)。食泰菜又系会花多眼乱，扰攘完一轮，终于点到菜。生虾刺身：去泰国餐厅，如果有呢味菜供应，九成九会叫。呢度d虾够冻，又爽又鲜，配埋个汁，又辣又开胃。虾饼：上台时热辣辣，虾胶弹牙。凤爪沙律：凤爪同配菜比例恰当，不过个汁好辣 串烧：点左鸡翼、肾、猪牛鸡，蜜糖味好香。鸡翼好味，肾就un左d，猪牛鸡唔干。猪颈肉生菜包：平时多数食肉碎，今次试下猪颈肉，有惊喜，食落去口感同肉碎好唔同，爽好多。不过呢味比沙律辣好多，个个食完个咀都红哂 明炉鸟头：煮鱼个汤酸酸辣辣，好饮。黄咖喱猪肉：我地点左蒜蓉包配黎食。咖喱唔得，好水汪汪，同埋唔香，肉又索唔到咖喱味，好似两件事咁。蒜蓉包比较硬，唔热。海鲜炒芥兰：其实我地系点马拉盏通菜，唔知点解个姐姐可以听到海鲜炒芥兰。呢味菜普普通通。
继续阅读