影片
以上资料只供参考，请与餐厅确认详情
招牌菜
唔识蒸鱼但又钟意食鱼嘅我，突然好想食鱼点算，梗系去酒楼食就最好不过，因为通常酒楼嘅蒸鱼系特别好味😋同朋友一行两人叫咗条清蒸沙巴龙趸仔（约一斤）只系$88😁其实都几大条，有酒楼水准，鱼肉嫩滑豉油咸到适中，好味👍🏻酒楼人客唔算太多，可能系星期二啩，入去就有位，环境都OK，坐得舒服。叫个晚市孖宝$178有两个小菜，我哋拣咗豉油鸡半只同埋凤梨咕噜肉。豉油鸡，味道OK咸到适中。咕噜肉热辣辣仲系脆口的，最啱配饭食😁由于我地唔要小食，所以连白饭1个同茶钱加埋一都系$343，价钱都算合理
继续阅读
5月31日，眼科， 新旧同事，罗汉请观音，在呢间有38年历史，将龙虾价钱大众化，打入平民百姓家，令到普罗市民，上酒楼食龙虾风气嘅酒楼，为万岁玲姐，摆生日宴，今餐揾食肥华，选择咗食此店嘅，庆祝开业38周年，汉宝龙情盛宴。此围酒席，可以讲喺超值，每款菜肴味道评分，肥华都俾A级嘅评分，加上有厅房及麻雀供客使用，服务顾客个位，女侍应又提供到，优质报务态度俾顾客，价钱又货真价实，所以令到今晚，到贺同事都非常满意，在此肥华， 代表各同事，祝万岁玲姐，生日快乐，身体健康，工作愉快🎉🎊🎂👍👍👍
继续阅读
长辈揾食饭，长辈好小食啲「古灵精怪」餐，不如传统啲约佢食返啲酒楼，佢话想食龙虾，咁记得n年前啲广告乜乜大皇，好耐无去过，一于拣佢试试。依家啲食肆由其系酒楼，真系好难生存，难得佢仲屹立倒，都真系有佢哋生存之道。拣咗个上汤焗龙虾（伊面加$60）配蒸龙趸骨腩～呢set嘢龙虾得二个做法，一系上汤焗，一系蒜蓉开边蒸，其实二款都唔系好合我杯茶，夹硬上汤焗，唉～出嚟嘅味道真系嘛嘛，上汤焗真系唔夹龙虾味，龙虾又煮得过咗火，口感无咗爽嘅口感，而系太实，不过份量很够。蒸龙趸骨腩，正正常常，但食骨腩唔系个个人都啱食，下次都系正正常常蒸条鱼。马拉盏通菜同埋乳鸽，马拉盏通菜炒得唔错，听到马拉盏一定会同泰菜比下去，觉得佢哋炒得唔错，唔辣，味道够之余带啲微甜～不俗。乳鸽唔洗讲啦，依家饮茶随时都系三几拾一只，二个人，如果叫半只鸡，好似会有啲过份，叫乳鸽当系打麻雀蹬脚咁，有啲肉咁嘅意思，唔太咸我已经收货。二个人，加埋一，$680，不过不失，话晒都有龙虾同「鱼」，唯独是龙虾选择煮法太小，多啲选法咪好啲啰，唔洗浪费咗只龙虾。
继续阅读
永远唔会再去，本人与家人一共7大人1小童晚上于土瓜湾汉宝酒楼晚餐，于安排坐位后本人研究贵酒楼餐牌，贵酒家当日供应特选餐单8选1优惠，由于有疑问，我便向每侍应招手，当时一位身穿白色工衣负责海鲜的人向我行埋嚟问我有咩需要帮助，我便问他8选一优惠是否八人都只可以选一款，他向我表示只可选一款，随后我便问他，如果我想食龙虾，这个是$16.8一两吗？他即时回答我是，随后再向我表示如果我需要$16.8享用龙虾，我便不能选购8选一优惠如果我需要享用8选一优惠，龙虾便需要正价$18.8一两，我立即计算，因为我想要两斤半的龙虾即是一斤贵$32 ，如果我要食龙趸两味，原价是$268特价是$168，这是便宜了$100 ，但如果我正叫$18.8的龙虾，我要两斤半都不过$100 ，所以我当刻同佢讲咁我龙虾要正价，而8选一优惠我要了龙趸两味，其后我再点了其他𩠌，当晚所有𩠌都是偏凉的，就像是全部都煮好，放进微波炉再拿出来的感觉，而大班两味的其中一味还是未煮熟，我们都没有投诉或供给意见，当晚消费$1969，本人于签账后发现单据出现错误，所以向收银的那位女士说，收银的那位女士向我说：龙虾及八选一优惠不能同时享用，我向他说白色衫那位海鲜部部长不是这样向我讲，我再跟那位女士说：白色衫那位海鲜部部长是根据我以上形容嘅说法，收银那位女士坚持龙虾及八选一优惠不能同时享用，最后酒楼部长过来查询发生什么事，我再向酒楼部长说一次白色衫那位海鲜部长是这样跟我说的，收银那位女士说白色衫那位海鲜部长已经下班，当时是晚上九时左右，我跟酒楼部长说你打电话跟他确认，最后我返回座位，经酒楼部长与白色衫那位海鲜部长确认后，应该系口误问题，我向他说我们这里八个人都听到同一番说话，随后我的家人再向部长说一次，当时我哋跟白色衫那位海鲜部长的对话，酒楼部长说：大家可能误会，我便向酒楼部长说如果我要用$268大班两味，为何不叫清蒸一条沙巴龙趸，为何要叫死嘅鱼，酒楼部长坚持不肯退回$100 ，转身便返回自己嘅枱继续和酒楼员工晚膳。我希望你哋酒楼可以正视一下酒楼嘅问题，$100唔系什么大数目，我当日8个人消费咗差不多$2000 ，问题出在员工身上，酒楼是不是有责任去解释菜单，而不是因为口误要令客人承受负担，一句对唔住都没有，收银女士讲的每一句说话没有正视客人眼睛，回答狂妄，酒楼部长九时之前已经坐在酒楼当眼处与其他员工一齐晚膳，而没有为员工错误口述承受责任。
继续阅读
各位食友，讲真，今次去汉宝食茶，真系有啲出乎我意料嘅惊喜㖞🤤！烧赞系列啲烧卖，真系爽口得嚟弹牙，潮州粉果也系粉嫩滑溜，一啖齐心系好过瘾。至于马拉糕，蒸得啱啱好，每逢特价时我都必须点一份✌️。冯爪比起其他地方，卖相洁白，骨吱吱松，又有微微嘅麻香，一啖一啖真系好过瘾。跟住嚟个南乳酱猪手，肥瘦相间，猪手皮胶质丰富，啖啖肉，口感零售嫩滑。🥢而家啲餐厅少左咁嘅平民价格，但汉宝真系保持到。地方又大又舒服，装修古色古香，唔使太嘈吵，坐落嚟饮杯茶叹住啲点心，真系一个悠闲嘅下午。特别推介佢哋个烧鹅，皮脆肉嫩同𠮶个咕噜肉，真系岩哂爱食肉嘅朋友！喺呢度饮茶，你可以真正放松，又唔洗担心荷包大失血。下次想饮茶，记得嚟间汉宝，保证你食得开心又满足😋！咁好滋味，我下次一定仲会再黎！
继续阅读