漢堡王 (已結業)

我次次食親BURGER KING都係為左個粗薯條, M記個D全部係粉, 一D薯仔都冇,BURGER KING就唔同, 新鮮炸,外脆內軟, 啖啖薯仔,真材實料.今次同細佬叫左個小華堡同香辣脆雞堡, 小華堡$33,香辣脆雞堡$31.5. 個人覺得小華堡唔低食,個汁好似照燒汁咁,但甜過頭,唔襯個漢堡排, 而D生菜都唔係話最新鮮,而香辣脆雞堡都幾好食, 似M記既脆辣雞腿包,服務唔錯,我問個STAFF拎多包茄醬,佢比左2包我:>環境乾淨,食完好快有人clean up

放工一早走去整屋企嘢，搞完已8點幾，坐低同細佬食晚飯再繼續。試咗新款嘅“星洲雙層烤牛堡”，由於好肚餓，冇影內涵。食落有星洲炒米嘅咖哩味，微辣都幾開胃。薯條燙口，外皮好脆，唔太夠薯味且多咗啲鹽，但我本身鍾意食鹹嘢都okay。好快食完就走咗… 快餐嘅發明好偉大👍

下午選來食漢堡包。選了小華堡餐.漢堡包好味的, 菜較多, 不過如件漢堡大少少就好了!薯條是厚身的, 口感很好, 亦不太燶味.最失望可算是加錢的兩件辣雞腿, 細得非常不正常,很易令人聯想近來麥當勞的食物。以後都不會再加錢要了。

見Burger King有新包，晚餐地點決定了！森巴安格斯牛堡套餐 $47 － 安格斯牛肉漢堡果然鬆軟好味，配生菜、番茄、沙律醬，最重要是有菠蘿！味道清新，至岩夏日。芒果冰紅茶 (套餐＋$3.5) － 就是芒果紅茶的味道，不過要注意攪勻～炸粟米球 ($2有3粒) － 厚厚炸皮內有些混和白色醬料的粟米，味道真的不敢恭維，$2就由佢啦！

等餐時間大約30秒至1分鐘內. 效率幾高.我買左個小華堡餐. 飲可樂少冰 加大 再加左兩隻雞鎚食品質素方面 : 肉排入面有好多肉汁, 食落去非常juice配料豐富 蔬菜生鮮 薯條粗得黎又脆. 唔會放得耐就變軟身.可樂加大少冰就真係好少冰.又會斟到滿一滿. 幾好!加左8蚊要多左兩隻雞鎚, 雖然好細隻.但係香脆可口. 有d辣味又帶刺激感辣到同想像中唔同. 唔會話太過辣. 又唔會一d辣味都無.食左咁多野都只係需要$38.5已經可以食到飽一飽. 認真抵食!比起老麥真係寧願去食burger king算.

是日特登來這裡食burger，因為太耐冇食過了！今日原來小華堡餐有特價$26，一個小華堡+薯條+汽水，感覺上抵食，就點這個。先食薯條，woooo，係熱騰騰的！正！粗身薯條，脆又夠熱，份外滋味，不過鹽好似多左少少。小華堡真係⋯細的，拎上手個包唔暖，打開菜丶蕃茄丶洋蔥片都多，見到一片薄漢堡，真係好薄，食落去，成個包係唔暖之餘仲有點凍沙律醬和茄醬多到我一咬就標出來，搞到咀角都係醬，醬太多了！Fanta橙汁汽水夠凍又冇溝水，ok的。下次會再來食薯條

本來是因為有coupon方想前來較近公司的分店下班後我們鮮有到黃大仙吃晚餐這間分店是首次光顧 客人佔座位的一半 所以不難找位不用怎麼排隊很快便買到食物 只是coupon還未能使用(生效期5月)如早知不能用 應該不會故意走到黃大仙來了芝士煙肉小華堡餐另加$8多兩隻香辣雞膇---(Total $42.7)我不吃牛 所以只有他嚐到 他說小華堡沒以前那麼好 薯條倒是還可以因較有口感雞膇太小隻而且汽水可樂喝到一半是沒有氣 =======================鱈魚堡餐另加$3轉洋蔥圈另加$6.5多一個朱古力3重奏---(Total $39.3)鱈魚堡沒什麼魚味 配菜跟另間"麥"字頭快餐店比起來少第一次試這個沒好感可言洋蔥圈是蠻香脆的"朱古力3重奏"不錯 蠻軟滑 朱醬是有點甜 多一點脆脆更好汽水亦跟他一樣 我的無糖可樂喝到一點都沒氣了如果再來過 都是因為有coupon不是不捨得花錢 只是正價真的不值呢!

已有一段日子沒接觸BURGER KING, 一來搬了新公司, 二來價錢有點不合理.想當年BURGER KING再重臨香港, 賣的是juicy漢堡扒, 機場分店人山人海~事過竟遷, 選擇多的是. 要juicy有juicy, 再輪不到BURGER KING.今次再吃, 是因為一張$5優惠劵, 但換來了失望. 蘑菇芝士堡餐這個漢堡包是否因為通帳連樣子都變了? 跟照片完全不同莫講話餡料問題, 無論係個包種, 大小都有太大差距!蘑菇已切片, 約有5粒, 可能加了蘑菇汁, 味道突出.下層是薄芝士一片, 芝士味重, 而且同蘑菇好夾~味道確是不錯, 失望的是原以為要用30分鐘才吃完的快餐, 最後用10分鐘完成還是好餓. 炸薯條不脆而且開始變韌, 沒有薯仔味, 炸油味又開始出來..吃了一半放棄. 可樂大致上沒有問題, 只是沒有汽.除非再有特別優惠, 否則難以再次光顧.

昨日行過黃大仙中心，一心一意去食初到香港便獲好評的burger king 一去到，真係覺得好好彩！因為落地玻璃窗貼了一張大大的海報，話裝修期間優惠，所有漢堡$15起！真係超抵，好開心咁入去叫了個小華堡再加$10買多個薯條加雀巢檸檬茶。果然大特價，平時無咩人的餐廳竟然差不多滿座找張空桌坐下，打開個包，一看， --> --> 見到這個包，是burger king的包？！點解同我食過好幾次既華堡完全唔似既…………拎住個包走返去counter, 問個侍應: er...你覺唔覺得個包有問題個侍應粗聲粗氣回應: 有咩問題，係咁架啦！咁你都咁講，我仲可以點，拎返個包埋位食算其實人唔多，買野食又唔洗排隊，真係連砌整齊個包都難？十五元一個包唔算貴但唔至於這樣質素吧話說burger king最近有個抵食既餐，早兩星期先係尖沙咀間食過，$29.5煙肉芝士漢堡連薯條加汽水，送三條雞柳 (p.s.小華堡餐係$26.5)，質素對得住這個價錢，好滿意今次個包加薯條汽水＄25,其實相差不遠…質素卻相差很遠補充一點，黃大仙無我上述提到的$26.5送雞柳或細新地那個餐形容下個包，砌到包不成包都算，塊

是次吃了小華堡餐，送迷你草莓新地。牛肉香口，加上洋葱蕃茄等配料能引出滋味，麵飽夠鬆軟，好吃！薯條香脆，但多吃會口乾及有點膩口之感。草莓新地設計有特色，雪糕奶味較重；粟米脆略甜；草莓味甜而不酸，不像藥水味；Oreo粉能平衡甜道，綜合而言味道達標。

上個星期二又嚟左呢度食漢堡呀,今次叫左一個華堡餐,原來個華堡係咁大個呀,個飽好似其它的一個半的咁大呀,入面有蕃茄,洋蔥,青瓜,生菜及當然係漢堡啦,好味呀,一口都咬唔到,個飽好淋身,入面既材料係足料及新鮮的,味道配撘都好好,真的很好味,現在都會回味呀!!薯條及汽水係中size的,薯條都好好味,好香脆,汽水的選擇都好多,我地都飲忌廉呀!!正!!!!!

昨天去了黃大仙那裏附近返學,係附近搵下有咩食左先返學,跟住見到有burger king,朋友就話食呢度,冇咩人座位都幾多,我地7點幾左右係度開餐. 朋友諗到唔使諗就叫雙層磨菇芝士包套餐,我都唔知食咩好,所以都跟佢,套餐有一個包,一包薯條及一杯汽水,仕應仲問你加唔加大及加唔加錢食雞腿,汽水都見到有好多選擇,我叫左芬達,後尾見到朋友有忌廉,原來有忌廉,總之我都叫啦.薯條熱辣辣同埋都幾粗身,好香脆呀,好有薯條味,唔似m記要落好多調味料先有味,好味呀,份量都唔細添呀!汽水係中杯裝的,都非常夠凍.個磨菇芝士包都係熱辣辣的,個包軟淋淋架,好大個,一啖咬落去啖啖肉,好豐富的口感呀,初初食唔到磨菇,但係食多幾啖就食到磨菇啦,好香好味呀!食完個餐真係好滿足呀,我見到有個紐約包的牛扒好吸引,下次有機會都想試下呀!!

$10 promotion for pork burger + cokeso cheap, $10 can have a set~pork burger--> the burger is quite small and not hot enough,,,,,pork is a bit dry and not juicy enough..they add some onion which is ok~ the bread is spongy and has some seasame on top of it...coke--> well, coz lots of people queue then they prepared the coke in advanced,,,,so the coke is no gas at all, and some ice melt already! for my cup of coke they just give me 3/4 of it which is not full!!!!and i talked to them and r

※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※<< 九月上旬 >>意大利雪山咖啡就如雪糕新地般，不過這是雪糕加在咖啡之上，杯中咖啡份量雖少，味道卻是十分濃郁， 香濃的咖啡再加上滑溜的雪糕，美味。特長雞排堡一般一般的，沒有什麼特別，還是喜歡WHOPPER類的漢堡多一些。※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※ ‧ ※

第一次去Burger King，點都有些少期望。可惜最後係失望。我食鱈魚堡，舊魚肉係有魚味，但係咬落去乾爭爭，老牌連鎖個魚柳包，咬舊魚都有少少魚汁，但呢個包完全無。個包整體太乾，無乜醬。塊芝士太鹹，鹹味有少少搶左魚味，食完竟然有滯的感覺。朋友叫磨菇堡，但竟然給了雙層。洋蔥圈過得去，但有舊類似麥X雞的炸雞，完全不行，皮淋晒同埋太鹹。相信店子要檢討一下QC