影片
食记 (18)
当晚预先订位庆祝妈咪生日, 一家八口食火锅放题,每人$168, 有大人连一个岁半BB, 谂住唔使煮, 够方便。地下大堂接待好有礼貌, 装修都OK, 由于有两位成人未到, 我地先攞左位, 坐底后有一个男性主任来问我地合共几多人, 我地无计BB话八位, 佢就计埋BB话九位, 我阿妹只不过想澄清收费有无计埋BB之麻, 点知个位主任就发脾气话:我要知你地几多位, MARK番落张单度呀嘛!态度非常恶劣, 语气非常之差, 连我阿妹出名好脾气都顶唔住。之后落单点食物, 将张ORDER纸比呢位主任, 佢行到埋来我地张枱, 二话不说就一手抢左我老公手上个张ORDER纸, 今次到我老公顶唔住, 于是望住佢, 点知佢仲怒睥我老公, 由于我地有老有嬾, 费事同佢嘈, 唯有哑忍。之后要讲一下点食物方面, 老实讲, 西环酒楼火锅放题平均只需$100-左右一位, 呢度收成$168-未连加一服务费, 都算贵啦, 所以我地会对D食物有一定期望, 但好可惜, 食物质素一般, 选择不多, 最衰就系除左第一张单会来到八成嘅食物之外, 之后所落的单一张都无来过, 由于限食两小时, 我地就系度白等D食物来, 浪费晒D时间, 差不多够钟再追问之下来多一碟得几片的肥牛，所以到够钟我地都无食得饱的感觉。虽然大部份员工都好好礼貌, 但系食餐饭仲要比钱受气, 又食唔饱, 我真系觉得好唔抵, 咁样做生意的手法, 真系不能接受。 所以, 我地全家最后决定, 永远不会再去帮衬。
继续阅读
近日接受全身检查，报告竟指我营养不足！虽然自己是为健康而减食，但这结果出乎意料。既然如此，当然要积极补充啦！（又一个烂藉口 ...）这晚，就选去附近的＜渔王世家＞。这家正庆祝开业三周年的食肆，老板是海鲜批发商之一，实力无疑是雄厚；然而开业一轮旺场后，似乎生意不甚理想。前些时推出了火锅放题，现在再推出周年九折：八时半前全包价$205，八时半后只需$151。八时半到埗一看，两边的卡座所余无几，但大枱和内堂入座率都偏低。食肆天天营业，总不能靠一周只有一两次的周末人潮吧？不禁担心 ...翻出柯打纸一看，食物种类跟以前没甚么分别。先点个芫茜皮蛋汤底，但上桌时发觉不是清汤，而是呈灰白色的；材料是芫茜、皮蛋没有错，还有杂菇、豆腐等配料。一问之下，原来店方为我们「免费升级」为原本要加$30才有的鱼汤底！锅底很大，全程不用加水；我俩舀了一人一碗来喝，确是有鱼香和鲜味，至于有没有用鱼汤宝补味，就不得而知了。虽说是以「补充营养」为名、「丧食」为实，但为免食坏身子，也「丧」不到哪里去。最先下肚的几碟，都是瓜菜和菌类。有别于＜德兴＞的小碟上枱和＜新星＞的大拼盘，这儿的每一碟都份量相当，缺点是难以多试几味，不然就难免浪费了。然而，从照片也清楚可见，其材料甚具质素。吃完这些「健康食材」，其实已饱了大半。相比之下，我们吃肉就克制很多了：除了拍了照这些，另外就只有炸鱼皮、牛腱片和特别声明是「白猪仔」的午餐肉（一入口就知道所言非虚，吃完才记得忘了拍照！）。除了材料优胜外，连任饮的都不马虎；尤其啤酒，竟不是杂唛而是蓝带细枝装，我食唔落都要饮番枝！可能客人不多的关系，侍应的服务都很周到，碟收得很快，所有要求都极速完成。＜渔王世家＞各方面都很落本，以品质做好口碑的意图很明显；担心的只是，若业绩仍旧不振，那些兢兢业业的伙计又可往何处去？
继续阅读
我们由九龙专诚去西环试,上到去,好大个鱼缸,有一格好多大龙虾,好吸引我们已订房,入到房,有电视,我们7个人坐,很舒适,先来白云凤找,鸭臣及开胃青瓜,侍应推介招牌梳箩鱼汤底,再加猪骨汤底,鱼汤真的很鲜,,猪骨汤也不错,但鱼汤较突出,我们也争先饮鱼汤鱼生类有梅瑰露酒醉生虾及一条斤多重大立鱼鱼生,梅瑰露酒醉生虾,虾的脚还是生动的,肉很爽,很香鱼缸自选大立鱼,摆设得很好看,吃起来质感很好,太新鲜再来火锅,新鲜鲍鱼滑,安格斯肥牛,很有咬口,美国肥牛肉味正,肥大桶蚝满足,侍应也很细心,提醒我们,先前的立鱼鱼生头尾再焦盐,又香又好味,无浪费又是一个与好友开心满足的晚餐
继续阅读
渔王喺西环开左都2﹣3年，我都未帮衬过，见呢排佢有小菜食就谂住同屋企去食母亲节饭，点知食到一肚气！BOOK左枱5位，去到佢竟然俾个4人卡位我地坐，我地同佢讲话可唔可以换枱（因为实在会太迫，我地系5个成年人，无小朋友），佢地话，加个位喺走廊位咪得（卡位，喺走廊𠮶边加个位！），结果同佢理论左一轮都换到枱。叫菜𠮶阵，佢地只系俾左张SIMPLIFIED 的MENU 我 （得十几款𩠌），我问佢有冇份FULL MENU，个部长答 “呢到系主要既”，我再CLARIFY 𠮶阵先有个高级少少的部长过黎话今日系母亲节所以无左平时个MENU，算啦。 落单时，我见到有味菜系 ”XXXX 海中宝“，咁就问个呀姐系咩黎，佢话”都系𠮶D 野啦，鱼虾蟹𠮶D咁“，我问咁即系鱼定虾定蟹，系煲定系炒定点，佢完全唔知，结果都无答到我。最后落左个套餐，野食系唔差的。个套餐有刺身，一条老虎斑，鸡，扇贝，一个汤羹，仲有两碟小菜。佢个刺身系唔差的，有鲍鱼仔，几鲜甜，可以ENCORE的。套餐有个海皇羹，黎到其实系一个鱼汤米线𠮶D味精鱼汤，饮左一啖已经知道会越饮越口喝，最后成煲无饮到。条鱼好好食。呢到叫鱼王，原来真系只系鱼类海鲜类先好食。食到最后，佢上个跟餐的甜品 ﹣寿饱，放左上枱一阵，忽然间我地见到有一只小曱甴喺个笼到！（其实唔系好大只，但都系一只曱甴！！）我即刻叫个部长过黎，佢第一个反应竟然系拨走佢！！！仲要拨左喺张枱到！！实在太过份，我已经唔系闹佢有曱甴，问题系佢当下个反应，如果佢拨完弹左唔知去边咁点算！最后我同个我估系部长呀头去投诉，佢好似听完就算，无再理我。我以后都唔会再去呢间野！
继续阅读
今日契家姐生日,夜晚,约埋佢两个老友共4个人一齐食餐饭, 庆祝兼高兴吓喇. 因为迁就其他香港岛区嘅朋友,所以拣咗"渔王世家"其实半年前试过,佢哋嘅菜式唔错, 所以今晚再去. 结果冇令我哋失望, 契家姐,同佢两个老友都话去啱地方 !!赞我点菜唔错! 契家姐开心嘅表情,"尽在不言中".喇!!由"小碟扁豆肉粒"展开序幕, 已经食过不停, 接住系"红玫瑰活鱼刺身" 碟鱼上枱嘅时候仲喺郁郁吓...就知新鲜, 每片沾上日本醋一齐食带出鱼鲜甜味, 一口鱼片加一口香槟酒更有另一翻滋味.跟随上嘅系" 野生加拿大龙虾沙律" 未食睇样已经好吸引!!!龙虾切片配以鲜波箩加上日式沙律酱味道无穷...热盘紧接"红玫瑰活鱼炸鱼骨" 非常香口野味, 今晚3位女仕得我一个男人就一定食番火㶽喇, 汤底系梳箩鱼煲嘅,鲜甜浓郁, 待应温馨提示"先煲滚5分钟"试一口头啖汤然后再渌我嘅至爱"肥牛"...今晚碟牛牛..保持水准牛味丰厚!! 仲有佢哋自家制手打"芝心牛丸" "鹅肝墨鱼丸"非常有特色. 再来"唐生菜配皇帝菜"食到喱度已经饱饱...最后上嘅系自家制"桂花糕" 好香桂花味, 不过质地唔够结实,所以同经理反影咗!! 还有一个""鲜果盘" 真系一次满足哂钟意食好嘢朋友嘅要求. 渔王世家嘅菜式好有创意, 材料新鲜...所以同大家推介一吓!!!
继续阅读