漁牧 (已結業)

臨近聖誕，同朋友去了megabox 影little twin stars🤩 順便食埋晚飯，天氣寒冷，最好食火鍋😌望了了一輪，決定來漁牧食個湯鍋🤓首先選了個椰青雞鍋😄由於好肚餓，叫左兩個前菜：鎮江小排骨、青瓜拌海蜇😆鎮江骨酸酸甜甜好開胃，喜歡這個醋味青瓜青甜，海蜇絲辣辣地帶點微酸，都好美味食得火鍋，當然要有肥牛😋我們還加了廣島蠔、墨魚滑同埋田園雜菜盤雞鍋連同椰青來了，店員會幫忙同教我們如何品嘗👍🏻店員先倒出椰青水，細心的刮起椰青肉倒入鍋中，再加蒸溜水，到水沸就將一碟生雞放埋入鍋再煲熟沸熟後，我們先飲了一碗椰青雞湯😋 真的好清甜，好好味，無味精的，好正👍🏻👍🏻椰青肉又甜又軟，忍不住食了很多，雞肉在椰青水的煲熟後，更加甜美多汁肥牛肉賣相很好，好有心思的卷起，肥瘦適中，不是太肥，放入椰青湯中後吸引了湯味很美味，肉又嫩滑，好吃☺️手打墨魚滑同平時出面的不同，一個心形的墨魚滑已令賣相加分，切開一小片的放入鍋，墨魚滑滾起後肉滑且墨魚味美，都幾彈同爽口廣島蠔都好大隻，望落都唔錯，蠔鮮帶點兒鯹味，要加些青檸汁才更好雜菜盤有三款蔬菜：白菜、唐生菜同菜心，全部都好靚好新鮮，所以食落都好鮮甜最後我們還吃了甜品：

我只食兩樣野，片皮鴨同酸辣魚。魚無味，只有腥味，唔新鮮仲係預製好耐....本應已淡而無味嘅魚更加難以入口。隨便一間泰式烏頭都比佢好，仲唔使300一條。再黎個鴨。真係粗口橫飛，片皮鴨跟本就係燒鴨加皮上，有骨有肉。我當文化唔同。只評味道，無味，肉韌，一樣係做定好耐咁。只靠裝潢既食店，絕不回頭。

唔辣雞煲冇味 ，水煮牛肉一啲都唔水杰撻撻 ，片皮鴨油立立， 咕嚕肉炒菜正常 ，但食呢啲我唔使喺度食啦! 因為有小朋友同行先叫呢啲食濃味野，唔想飲甜野，冇茶供應只有水，玻璃樽裝住嘅水(睇落比pizzahut免費嗰支細) 但要收十蚊支逐支計 ，冇得refill， 有被劏的感覺，我寧願佢正正常常收茶錢都有得refill吖……

近排瘋狂愛上打邊爐，雖然天氣時凍時熱，但基本上滾滾下係無分四季時節嫁！正因為咁，家下d火鍋都變得多元化，真係一個星期打幾次邊爐都唔會厭！☺️今日襯住Happy Friday就去咗舊公司附近嘅Megabox回味一下漁牧，比我食farewell飯時更有驚喜，所以要寫佢岀嚟介紹比大家🥰首先叫左兩碟冷盤幫個胃做熱身😋😋早知個湯底咁足料，我就禁止男朋友嗌醉雞嫁喇🤪佢猛話食法唔同嘅🤧雖然我認同...不過貪心嘅我想試多d其他野嘛🤤精心熬製嘅滋補花膠雞湯，鮮而不膩、味濃醇厚，非常足料，花膠並非一般嘅花膠仔，而係厚身有斤兩嘅花膠筒。一路食一路係咁飲d湯，梗係啦，花膠美顏嫁嘛🤗 意外地飲咁多都完全唔口喝！配料選擇唔算多，啱晒選擇困難症嘅我哋。打邊爐必點肥牛又點會唔揀呢🤫 佢肉味濃郁，油香同嚼勁都十足，推薦！仲叫左爽口彈牙嘅墨魚滑，同埋廣島蠔。健康仔嘅我就叫份蔬菜拼盤，價錢唔平，但見到個份量就覺得絕對值回票價👊🏻而且係新鮮嘅~每人一個椰青再加上唔係到到有得食嘅雙色水晶球，咸甜食物都非常岀色💕而且餐廳選擇眾多，我見到隔離枱食緊辣酸菜魚都好吸引、門口掛上一排睇見都流口水嘅脆乳豬，難怪雖然地點唔就腳，但依然座無虛席

冬天⋯是火鍋的季節🍲呢間係朋友介紹的餐廳，片皮鴨是朋友的極力推薦，可惜今天只有2人，以2人之力應沒法吃光。不要緊⋯緣份可以下次再續。紅色大門口很搶眼，聖誕裝飾提醒聖誕節快來了看餐牌⋯⋯呢間都算一間大包圍餐廳，火鍋/ 烤魚/ 京川滬菜小菜連片皮鴨也全包辦。片皮鴨是朋友極力推薦，可惜今天只有2人，沒關係⋯緣份可以下次再續。上菜前，侍應姐姐會先上配料架比我地先混醬汁，中椰青雞湯鍋 / 半隻 $238 - 湯底簡單，就是2個椰青水及果肉加一小支蒸餾水，加生雞來煮湯，5分鐘即成。食材精簡，做法簡單，就這樣就成清甜美味。無疑雞肉味道會較淡，用青檸汁及醬油解決吧。美國肥牛肉 $148 - 一個字，高質！牛味香濃！微肥入口也很滑！火鍋配料有：午餐肉，萵筍，黑毛肚。唔知有冇人同我一樣火鍋必點午餐肉呢花雕醉雞 $58 - 花雕味香濃，雞件非太厚身，因此足夠入味。鎮江小排骨 $48 - 醬汁是甜味較出，排骨偏瘦的多，煮得軟淋，愛挑吃軟脆骨的小妹都一一能咬得開。甜品是紫薯卷 - 蝸牛造型，有整整6大塊。賞心悅蘭 $58 - 士多啤梨份量出奇地多。熱帶雨林 $58 - 有荔枝，菠蘿，接骨木花，幾種材料味道很配，

今日同朋友行完Megabox睇下有咩好嘢食，朋友話想打下邊爐，見到一間門面紅噹噹嘅京川粵菜餐廳原來係打邊爐㗎，咁就啱晒啦！仲有雞煲添！餐廳裝修都幾雅致，深紅色嘅裝修完全體現出中國京川粵嘅特色。湯底方面我哋揀咗個滋補花膠雞鍋，有多種唔同嘅藥材同大大件花膠，滋補又養顏。啲雞仲係用新鮮雞，非常嫩滑，而且份量好足，半隻都已經好夠食！職員仲會好細心比個漏斗，等啲沙漏完就可以食啲雞，如果唔係就會太過「鞋」口。原隻鮮魷筒真係原隻上架，好大隻，超新鮮，啖啖鮮味。手打墨魚滑爽口又彈牙。因為朋友都唔係太好肉類，所以揀咗啲蔬菜，叫咗碟白菜仔，未食已經知道好新鮮，啲葉又綠又嫩，唔係誇張，食落仲有菜嘅甜味添，證明真係百份百新鮮。我哋仲點咗兩個小食，鎮江小排骨同青瓜拌海哲，鎮江小排骨酸酸甜甜，青瓜海哲爽口，味道清新，兩個小食都令人好開胃。打邊爐咁熱氣梗係要飲番個椰青啦，清熱解渴，清甜又多汁，仲有一層層椰肉，好易刮出嚟，好甜呀！打完邊爐未夠喉嘅話，職員介紹仲有雙色水晶球做甜品，紅豆沙同奶黃餡嘅糕點，可以點少少糖霜食，再加粒士多啤梨，味道甜甜的，不錯不錯。

oooh 😮 yeahhhh... 又到聖誕節同朋友仔gathering好時候今日揀咗間辣野食食叫左兩個前菜一凍一熱麻辣海蜇都幾巧味wooo黃金雞翼又香又鬆脆waaaa!!! 正呀... 漁牧混豬係燒豬再加糯米飯重頭戲終於嚟啦就係沸騰魚超大盤熱辣辣同埋滿滿嘅紅辣椒一放低之後服務員會幫我地將紅辣椒撈走撈走咗啲紅辣椒之後就見到啲魚肉啦呢個盆入邊全部都係油但係食落囗一d 都唔oily 另外仲叫咗個帶子蒸豆腐啲豆腐超滑超香晤係用百x 個D最後個甜品係水晶包水晶包晶瑩剔透甜而不膩係奶黃同紅豆蓉味

MegaBox 冇乜辣野選擇，朋友試過尖沙咀分店話唔錯，於是晚餐就係漁牧渡過。前菜揀左兩款:皮蛋竟然係流心👍🏻口感由爽口到軟溶👍🏻醬汁唔辣架。啖啖肉👍🏻醬汁好易入口夠麻唔太辣主菜:牛粒唔硬，入口有油香👍🏻👍🏻叫得過燒魚-清江魚， 誘人麻辣味，中辣。揀左三種配料:竹笙，午餐肉，紅薯粉。店員姐姐幫忙拌既時候建議先食配料，魚會更入味。清江魚肉質厚實，多肉而且骨唔多。夠麻夠辣，之過有食過一啲得整得麻但係唔辣，漁牧整得幾平衡。店員仲話因爲要配合返香港口味，辣度有微調。同三五知己食完飯又想食甜品，唔洗擔心，呢到甜品都有幾款，唔洗諗爆頭。食辣飲呢杯幾清新，朋友飲左兩杯😂店內裝修紅卜卜帶中國風，坐得都幾舒服。唔覺唔覺坐左兩三個鐘lu...

講左重點先，成餐飯好地地上菜點菜侍應都好有禮貌，不停收野換碟，但最後埋單簽卡之後，諗諗下有d唔對路，明明記得個口水雞係$58幾抵食，但回想番張單好似打左$88，當張單返黎我指住個餐牌同侍應講呢件事⋯佢第一個反應係：「啊，你無check單？」what? 我無check單？而家係你電腦出錯，我無check單？黑人問號兼氣上心頭。令我對呢間食肆價錢準確度存疑，勸大家記得check單啊。最後當然void左張單再簽，呢位侍應反應實在令人難忘。講番食物⋯Happy Friday 諗住黎食下麻辣野，之前見呢間舖幾別緻，今日終於一試。環境唔錯，闊落乾淨。第一味口水雞，味道唔錯，應辣得辣，但肉質‘鞋’到你奇怪點解雞脾位都可以咁硬⋯主菜叫左麻辣味烤龍利柳魚，加左配料薯粉、鮮腐竹同蘿白。開頭食剛好，越食越咸，最後食唔到落去⋯最後仲叫左個手作麵，味道唔錯，屬於刀削麵般比較厚身o既麵質。

九龍灣Mega Box商場又好行又多野食，泊車又方便，最多可以免費泊五個小時，啱哂放假睇戲Shopping食飯🍚🥢今晩去左13樓嘅「漁牧」晚飯，試下佢哋嘅燒魚🐟🤗一入門口，就會見到佢地招牌嘅燒鴨，好多人都會慕名而來，環境方面雅緻舒服，空間感十足，還有獨立的包房👍🏻其實佢地食物提供很多選擇，今日我地就試下佢地嘅燒魚，仲揀選了「清江魚」，店員話此魚肉多骨少，最合燒魚用配以「回味酸辣味」嘅湯底，貪佢有小小辣，始終我們不能接受太濃烈的味道，上枱後，店員為我們悉心把魚肉分開，方便我們食用，很細心啊💕果然魚肉肥美肉厚，入口感到味鮮又嫩滑，沾上醬汁，特別惹味醒神，配菜有炸枝竹及原隻魷魚🦑，實在吃得滿足😋還有這道「黃金雞翼」，充滿蛋黃香味，配上清涼飲品「雙檸可樂」和「梅子冰」，實在是絕配，冰爽可口，涼快最後歎埋甜品「雙色馬拉盞」，賣相精美，新鮮即蒸，軟綿綿，甜絲絲特別滿足，意想不到的美味

一踏入十二月就想打邊爐！行完megabox ikea後見到漁牧就去左試下～首先叫左兩個小食份量都比想像中多我地兩個人叫左椰子雞！店員係我地面前倒椰青去做湯底成個湯好鮮甜，湯底本身仲有竹笙同馬蹄更加帶出鮮味我地另外再叫左鮮魷，魚片，牛肉同埋墨魚滑，材料都好新鮮，肥牛好香肉味我地兩個人都食到好飽最後我地兩個都好滿足！本身抱住一試無防ge心態，但個湯底另我地好驚起！大家黎試椰子雞一定要飲埋d湯下次仲想試下烤魚

近排很多港人喜歡北上食好西，不過其實北上來回都要花時間，倒不如在香港吃類似的東東所以今天來到了九龍灣megabox的漁牧，一嚐這裡的火鍋麻辣牛肚絲 $38口水雞 $58比起平時茶餐廳吃到的口水雞有點不同首先量較多，其次汁較能黏著雞件四川麻辣鍋 $88不知道是否正宗，但可以說得上是個出色的湯底麻、辣皆有，不用加任何配料嚐一口也很好味日本岩手縣純情豬 $188呢隻豬仔一啲都唔肥，擺位又好靚，淥兩淥食得！芝士腸 $22午餐肉 $22日本蟹柳 $20生菜 $28讚歧烏冬 $20飲品：鮮榨西瓜汁 $38飲品：黑糖竹蔗水 $29甜品：雙色水晶球 $48是奶黃跟蕃薯兩種口味，外層煙韌奶黃較濃味，而且較蕃薯甜，味道較易入口蕃薯味較淡

食物賣相OK 但係味道很一般 不會再回來 我們點了北京烤鴨乳豬和酸魚 全部也很難食 鴨冇鴨味不脆皮 乳豬沒有肉被也很難吃 酸魚好似煮左好耐咁 完全冇魚應有嘅質感 我們跟侍應投訴但他說食物是這樣的 敷衍了事 以後都不會再回去了 食物又貴

放假同朋友去左megabox行ikea，買完野就去左megabox入面的漁牧醫肚。漁牧裝修好有中國特色。我地揀左滋補花膠雞鍋做湯底。湯底好滋補，有紅棗杞子。d雞好新鮮，份量好足。雞肉鮮甜幼滑，花膠好大份，啖啖骨膠原。泰國椰青 - 好清甜，d椰肉好好味。美國肥牛肉 - 肥牛肉質唔錯，新鮮又嫩口生蠔 - 好大只好肥美。田園雜菜盤 - 有白菜、唐生菜、菜心，份量好足，菜好新鮮。甜點雙色水晶球 - 黃色係蛋黃另一款係紅豆。外皮煙un，內裡唔會好甜。

今日走咗去Mega Box 影LittleTwin Star, 影相飽相之後, 當然要醫肚啦! 原本唸住去13樓打邊爐. 但上到去見到一間門面好吸引, 紅色的, 好靚! 咁靚嘅餐廳叫 "漁牧" 行入少少見到廚窗掛住兩排等烤嘅烤鴨. (好攪笑, 我最初以為係豬仔). 最後我地放棄咗打邊爐. 就入咗去試 "漁牧", 入到餐廳, 職員安排我地兩位靚女(自認) 坐卡位. 全間餐廳裝飾好靚. 餐具又靚. 職員又nice!等烤嘅烤鴨. (好攪笑, 我最初以為係豬仔)再望望餐牌. 有好多不同食物. 有好多選擇. 最後我地揀咗食誘人麻辣味烤魚+炸枝竹+薯粉+薯仔, 揀完烤魚再揀吓小食. 揀咗2款, 黃金雞翼及酸辣原隻魷魚筒, 揀多個菜就夠了. 揀咗潮州沙茶牛肉炒芥蘭. 黃金雞翼$78係單骨雞翼, 雞翼炸得剛好, 保留咗雞肉嫩滑及肉汁. 而雞翼面舖到滿滿喊蛋黃酸辣原隻魷魚筒$68原隻魷魚筒切成小圈圈, 碟裡有好多酸菜, 再加少少辣醒胃但唔會太酸. 潮州沙茶牛肉炒芥蘭$128芥蘭非常新鮮翠綠又爽口, 牛肉係用新鮮牛炒的. 因為好有牛肉鮮味. 沙茶醬香.誘人麻辣味烤魚(海鱸魚)$318真係冇改錯名, 真係好