漁港艇仔粉 (鴨脷洲大街)

营业中

休息中

1. 恰叫外賣嘅人： 佢出名嘅係食艇仔粉，的確係唔錯，但係外賣要小心，試過幾次嗌外賣，某啲餸佢係唔俾你嘅，喺度搏晒大懵，叫嘅時候又唔同你預早講聲。 （我家人當日堂食係冇呢個問題，啲餸係齊嘅，咁擺明恰啲叫外賣嘅人） 。2. 職員態度認真麻麻，有日外賣自取，拎嘅時候可能職員帶咗膠手套，「啜」住咗個膠袋手抽位，不過我都好快已經拎到，然後我行入兩步打算同家人講聲拜拜，個女侍應（短髮、瘦身材） 即刻黑晒口面話： 「拎完外賣你又走返入嚟！唉阻鬼住晒。」 大佬呀！我無阻住你架！我家人正正坐喺收銀旁，真係行入「兩步」，我身後仲有條路可以比人出入架！ 坦白講，除咗以上女侍應，都有一位叔叔態度唔多好，不過食開呢間餐廳，唯有容忍，係呀，係我哋啲食客要容忍佢地呀！ ** 呢間嘢我真係由佢開舖食到而家，但真係忍無可忍先喺呢度留言，希望餐廳老細見到，檢討一下啲職員態度。 我哋都係想食碗麵啫，唔想受埋你哋啲氣，拜托**

本地特色, 原味道, 如果食得太多米線, 想食返本地口味, 可以試下艇仔粉湯底甜口少少, 料足, 粉夠...比較出色係魚旦同魚皮, 河粉都好滑....一開始可以咩都唔加, 唅啖湯先, 之後加胡椒粉(如果想惹味D)

今次帶大家去 📍 鴨脷洲大街，搵返碗由艇仔做到而家有固定舖位嘅 艇仔粉 ！鋪頭雖然冇豪華裝修，但滴味道就三十年如一日，仲係當年碼頭嗰種樸實鮮味，保留住傳統漁港風味，食完即刻想encore 🔥【招牌艇仔粉 🛶】呢碗艇仔粉，材料豐富到不得了！有叉燒、燒鴨、魚蛋、魚豆腐、紅腸、魚皮同生菜鋪到滿瀉✨湯底🥣 絕對係靈魂！！！用大地魚骨熬足數粒鐘，呈現濃郁嘅奶白色，入口鮮甜到黐脷🤤最難得係飲完完全唔口渴，證明無落味精真材實料～再加翻少少胡椒粉，瞬間將海洋嘅鮮味提升到另一個層次🌊叉燒🍖 每片都係精瘦靚肉，厚切咬落啖啖肉香，完全唔似坊間嘅柴皮貨👍燒鴨🦆 肉質嫩滑得嚟仲帶微微煙燻香，最驚喜係鴨皮泛住一層翡翠綠光，師傅話係秘製滷水嘅功勞🤣魚皮🐟 雖然泡軟咗但吸曬湯底嘅鮮甜，仲帶微微脆口超惹味，正到拍檯！👏【炸雞翼 🍗】雖然係常規炸物選手，但現炸出嚟嘅又點會失手？外皮香脆，內裡多汁，簡單調味已夠晒香口😋

同frd一齊去鴨脷洲足球場個邊放水燈，完左之後順便係附近搵野食，咁岩見到呢間，所以入去試下😋order左menu上面推薦嘅no.1 - 招牌艇仔粉～因為個日生意太好，伙記話係最後一碗添！so lucky🍀碗艇仔粉上到黎都幾驚喜🤩🤩因為成碗粉淨係$50，但係有好多配料：紅腸，魚皮，燒味，菜…真係抵到🥹個湯底仲要好好飲！魚湯好清甜，feel到係真材實料👍加左小小胡椒粉之後，個辣度岩岩好，同埋有啲暖胃，推薦食得辣嘅人可以加～食完米粉+配料之後，因為個湯太好飲，都差唔多飲晒，可見好食嘅程度🥹有機會再黎鴨脷洲嘅話，會encore！

去完鴨脷洲洪聖傳統文化節，喺附近覓食，見到呢間艇仔款店門口好多人，實冇死就入咗去試吓：可能有文化節關係，多咗人去食，約八點已經賣晒河粉，所以揀左米粉，同艇仔粉都幾夾。大地魚湯底，湯底清淡卻充滿鮮味，不油膩，讓所有食材的味道都得以展現。搭配米粉，讓整碗的風味更加豐富。魚片（2片）魚片鮮嫩，口感滑順，與米粉完美融合。燒鴨（3件）尚算嫩滑多汁。叉燒（3件）不太肥，肉質軟嫩。魚蛋(1粒）魚蛋彈牙，吸收了湯底的精華，吃起來特別美味，可惜只有一粒。魚皮酥脆，增加了整碗的口感層次，吸收咗湯汁，更加鮮甜。

今日去到鴨脷洲，去咗一間食艇仔粉嘅餐廳。呢間漁港艇仔粉環境記唔錯，裝修都有返港口嘅特色。呢度除咗有艇仔粉仲有其他唔同嘢食。今日嗌咗個蕃茄豬扒通粉，味道唔會太濃，豬扒軟硬啱啱好。

次次夜晚經過都見到門口大排長龍嘅呢間人氣漁港艇仔粉🍜今次終於試到喇，一定要試佢地人氣 NO.1嘅招牌艇仔粉!!!招牌艇仔粉 ($48)🍜河粉好幼薄好滑加上多款配料，叉燒、燒鵝、紅腸、炸魚皮、魚蛋片，樣樣都好好味 好滿足😋奶白色湯底係用大地魚熬製，勁清勁鮮甜，飲多幾啖都唔會覺得膩加埋胡椒粉，可以更加帶出大地魚湯底既味道食完就明點解係佢地嘅人氣之選😗粒粒西多 ($34)🧊好大份嘅大大粒方形西多士，蛋味幾香濃，外層雖然比一般嘅西多士厚，但食落好軟鬆綿密，再配埋煉奶同花生醬，一啖咬落去超滿足🧈🥜青檸百香果梳打 (跟餐$13)口感清涼酸酸甜甜，好消暑解渴🍋❤️‍🔥環境乾淨，舖頭入邊有好多張舊相介紹以前鴨脷洲漁村嘅生活🎣餐廳位置好方便，地鐵搭到利東站A1出口一出右轉行唔使30秒就見到😝另外有一點真係要讚一讚，服務態度超好，老闆娘除咗好熱情介紹有咩好食之外，仲知道我地要影相拍片，主動幫我地執靚個位同就啱角度幫我地影合照，好NICE好好人🥰而家香港Service好嘅餐廳真係剩返唔多，要表揚吓🥰👍

沒有味精⋯⋯大地魚做的湯底，魚旦是新鮮打制，炸魚皮脆沒有油膱味，沙律、炸雞翼、西多士⋯⋯好味，各式丸類都新鮮制，自製辣椒油，養生飲品種類繁多，店內環境乾淨，服務態度友善。吃出兒時味道真材實料值得推介。

今日元旦往南區郊遊,之後於鴨脷州漁港艇仔粉食南區名物艇仔粉,我點了No.1招牌艇仔粉,等了十分鐘艇仔粉上桌,艇仔粉材料十足,有魚片,紅腸,燒鴨,叉燒,魚蛋,魚皮,生菜和葱花,湯底用大地魚湯餚製,飲落有大地魚湯的鮮甜魚湯,飲落味道鮮甜而不口乾,艇仔粉食落爽口,吸收了大地魚湯,口感滿足,魚片食落爽口,紅腸有三塊食落口感滿足,燒鴨共三件食落有油花,鴨肉味香濃,叉燒是瘦叉燒三塊,食落肉質鮮甜,魚蛋食落彈甜,魚皮炸得金黃香脆,佐酒一樓,最後生菜和蔥花食落新鮮爽口,艇仔粉材料足料,食落美味,湯底鮮甜,口感滿足艇仔粉

今日去到舊舖見到封左圍板，以為執咗，原來係搬左去前面幾個舖位。好彩仲有得食。新舖位闊落左，光猛咗，櫈都大張啲，好坐啲。舊舖細間啲，坐得好迫。保持舊有水準，個湯同河粉好夾好好飲！總之仲有得食就太好了☺️

成日都想試下艇仔粉，今次路徑鴨脷洲一於試試但可惜時間上未能遇到艇仔伯，唯有去地鋪止止渴地鋪好多人排隊，座位迫，感覺自己變成遊客一樣艇仔粉外，仲有紫菜六寶，魚片頭，西多士？？？......湯底用大地魚乾熬成，呈奶白色，濃厚鮮甜順喉河粉順滑，有靭度唔易碎，放湯好夾魚片炸得金黃油潤，爽口彈牙，有魚味，但同時有點偏咸呢度招牌艇仔粉有叉燒，魚片，燒鴨，炸魚皮，紅腸，魚蛋及生菜；無諗過幾件燒鴨味幾濃幾好食，另外炸魚皮厚身無油膉味，索湯食一流；其它普普通通，不過無諗過紅腸會唔好食整體都係一個不錯體驗，下次有機會再去撞撞艇仔伯

想試吓佢嘅魚湯艇仔粉，服務員話等5分鐘左右就有，覺得等候時間合理，於是乎落單外賣自取。11:15落單，結果等咗半個鐘都未有，追問既時候服務員態度非常惡劣，同我講話要出左堂食先，狡辯話佢意思係最快5分鐘有，唔係話5分鐘一定有，仲話”咁你要唔要”😰 最後真係等唔落，唯有退款，真係激到一肚氣。如果要等半個鐘的話，就該講清楚，而唔係同我講5分鐘，因為5分鐘同半個鐘真係好大分別。咁既服務同效率，幾好食都無用。

位於鴨脷洲大街，喺地鐵站轉出附近嘅艇仔粉餐廳👍🏻👍🏻👍🏻！！都開到幾夜下，所以如果係夜晚想搵嘢食嘅話都可以落去食。今次我就趁佢關門之前叫咗一碗招牌艇仔粉！原先我以為只不過係一碗普通嘅粉面，不過佢嘅湯底的確值得我去肯定！湯底非常好飲！！好友艇仔粉嘅風味✨✨✨，此外再加埋炸魚皮、叉燒、紅肉、魚肉片，全部材料加埋一齊都好好食，特別係佢嘅魚肉片，雖然唔知道係咪佢自己自製，但係食落去嘅口感同其他出邊食嘅粉麵店好唔同，軟身嘅魚肉片加埋脆身嘅炸魚皮，左一啖軟身魚肉片右一啖脆身炸魚皮，真係咪話唔好食！！！好好食🥰🥰🥰🤤🤤

在鴨脷洲大街多年的漁港艇仔粉，由於多街坊幫襯，所以在對面街開多左一間分店，新鋪環境比舊鋪衞生&座位闊落很多，今次我是買外賣招牌艇仔粉艇仔粉配料很多：燒鴨、叉燒、魚蛋、魚片、魚皮、紅腸、生菜，外賣湯是另外分盒，所以回家吃時魚皮仍然爽脆，除了配料豐富外，魚湯是用大地魚製造出來，奶白色非常鮮甜生炸雞脾熱辣辣炸脾，雞皮炸得香脆，雞肉嫩滑鮮嫩多汁，食到滿嘴油香和肉汁，最重要是大大隻，相當抵食艇仔粉的配料真的很普通，並不是什麼山珍海味的美味，吃的只不過是一種回憶南區情懷，水上人家的味道

港灣艇仔粉😋😋😋承傳船家美食香港仔70年代、漁業重地、滿佈住家艇、傳盛特色艇仔粉！鄰近魚類批發市埸、吃出鮮味逍道！No1.招牌艇仔粉$48（魚片、紅腸、燒鴨、叉燒、魚蛋、魚皮、生菜）、材料豐富、層次分明、提升味蕾新口感！湯底以大地魚曬乾熬湯、或烘香拆肉磨粉、稱為大地魚湯、真材實料、濃濃鹹香味、清甜不口渴、營養價值高、帶出正宗風味、特色招牌粉👍🏻👍🏻必食！紫菜六寶$52肉丸、墨丸、魚皮餃、魚蛋、魚片、魚扎配上豐富材料、以魚製成品、充滿魚鮮味、爽口又彈牙、爽潔冇沙粒紫菜、鮮甜大地魚湯底、追加無難度！哈哈😄常餐招牌粒粒西多士配雞翼配薯角$58厚身方飽切粒、沾🈵️蛋醬、煎至金黃、脆口不油膩、蘸上花生醬和煉奶、creamy yummy 、薯角酥香、脆卜卜、內軟外脆👅綿綿香薯！雞中翼醃漬入味、酥炸金黃、外脆內軟、肉嫩多汁😘生炸雲吞$43薄薄雲吞皮、裹包豬肉鮮蝦餡料、炸至金黃香脆、內軟外脆、沾上泰式甜酸醬、好味不油膩、青檸柑桔話梅蜜梳打$21帶點微酸的青檸、甜蜜柑桔、加話梅粒、倒入梳打、潤喉清涼飲料🥤魚港艇仔粉鴨脷洲鴨脷洲大街69號地下港鐵利東站A1出口、步行約1分鐘