滿香燒鵝皇

营业中

休息中

難得今天下午放假，去深水埗黃金電腦商場買下電腦用品，當然要滿足吓自己個胃啦。燒鵝髀油雞髀飯，肥美油香，真是超級大滿足。老闆耐心炮製的蓮藕老火湯，令我聯想起嫲嫲的味道家的感覺。

第一次嚟呢間燒味餐廳，叫咗碟叉燒燒肉飯，加杯凍檸茶。叉燒- 又乾又柴，仲要有骨，大概有六件叉燒，但有一半都係連埋一齊冇斬斷，調味還可以，但整體難食程度令人印象深刻。燒肉-同樣，肉質極乾，但燒肉皮皮脆，勉強可以接受，但勉強可以接受可能是因為先食完叉燒的關係。白飯正常附送的例湯正常凍檸茶正常共$70環境方面，店舖衛生，但建議佩戴太陽眼鏡光顧，店舖內的射燈極度光猛。

今天中午去黃金商場買電腦，經過見無乜人，就行入去叫了個62元餐，先講食物，本人一向支持小店，有好多餐廳味好過佢，亦都有差過佢，不過不失一個午飯，本來都唔想比個差評佢！食完起身就人，見到張單寫63元，就多口問阿姐：個餐唔係62元？一個疑似老闆，就指一指牆上海報，我見海報大大個紅字寫住都係62元，我以為眼花，時運低，見到邋遢野，就在困惑期間，老闆再指一指海報下面有行唔知係啡色定灰色細字仔寫住：價格如有更改，恕不另行通知！個疑似老闆就出聲：1蚊啫！(態度極差)重大大聲同阿姐講：「以後有客問起，就話價錢有改；恕不另後通知！加1蚊我邊度咁得閒改餐牌海報！」我聽到真係O晒咀，「1蚊啫！」你可以唔加價啫！你唔得閒改餐牌海報，咪唔好加住，等你得閒，改完餐牌先加囉！今日你加1蚊就好多客人費時出聲(出聲又比你寸)，下次你加20元；30元；又恕不另行通知呀？香港商品條例；免責條款：唔係你寫行细字就大哂！免哂責任！唔識就打去海關熱線問吓！

以前出深水埗為咗金翠D肥叉，點知佢轉曬做兩餸飯冇再做燒臘，咁四圍行睇吓有乜嘢食，就經過呢間主推鵝嘅燒臘店。首先環境乾淨，坐得算舒服，見過年食豪D就叫個叉鵝脾飯試吓。隻鵝脾出奇地好食，皮脆肉嫩多汁，完全滿足我口味。D叉燒就偏瘦咗D，下次試吓有冇得叫剩係要肥叉。價錢方面其實同一般市場比較又唔係貴，成隻鵝都係$450咁出面大部份都係差唔多，半斤叉燒$65，以佢嘅質素反而比我平時買開同級平。呢間絕對係我食燒臘嘅選擇。

今日去開深水埗買嘢，順便諗住買嘢返屋企食，行過這間燒味店，見到店舖掛出嚟啲燒鵝個樣都幾好，都燒得漲卜卜咁，就決定買下庄回家一試，點知開出嚟個樣同店舖掛出嚟得已姐有出入，心想好味就得啦！味道和口感似鴨不是鵝，仲要除左隻髀係無肉架，仲要未熟，未食過一間燒鵝係咁，仲要收120蚊，有啲比人呃感覺，從來不會寫食評嘅我都忍唔到要即刻發洩下🤬🤬🤬希望店舖嘅人睇到呢篇食評用心改同用認真心態對待食客同食物，當客人滿心歡喜購買完美食，但換來這種心情作為廚師應該反省一下吧！一

每次經開深水埗都食佢，因為佢既燒鵝真係幾特別佢哋自稱燒味係自己燒，的確係有炭香味，肉都骨都食得出不過唯一要彈既，就係質素時高時低，以下兩圖就係相隔幾個月去食既，兩次都係下午茶，第一次有鵝脾，第二次得碎骨😂但我之後經開深水埗，都會幫襯呢間小店👍🏻

今天中午經過深水埗，再次給自己一個機會試吓其他食品。叫了碟叉燒燒鵝飯，燒鵝有兩款顏色，相信係兩只鵝（餸頭餸尾吧）。淺色為燒鵝背骨位，深色為燒鵝胸（柴皮），叉燒似南乳腩肉（失望）。十分滿分只能俾五分，唔可以叫好難食，但一定係（好食）兩個字唔關佢事！

地點方便，價錢 適中（約$63蚊左右2023年），味道一流，推介燒鵝同叉燒。味道比美百多元的質素，強烈推介比喜歡食燒味既人。Convenience location, reasonable price (around $63 in 2023) and very delicious. Strongly recommend roast goose and BBQ pork.便利な立地、リーズナブルな価格、おいしい料理。ローストガチョウとバーベキューポークを強くお勧めします

成日係深水埗唔知食咩好。最後見到呢間燒味店都幾燈火通明同埋都好乾淨就吸引咗我行入去試下佢。店內整潔同光猛嘅，冷氣都好夠真係分分鐘吹到你頭痛個隻🤣咁我地order咗燒鵝脾叉燒飯咁個燒鵝脾份量都okge 起碼唔係柴皮鵝脾但係個皮就個人黎講可以好dd，佢唔係過硬但係就係無左燒鵝應該個款的個種，個皮可以咬開的質感。肉質都唔錯嘅，食得個脾，至少唔會整到/放到d肉都鞋又或者梅左個隻，我覺得個肉質同味道相當唔錯。叉燒反而好突出，咁岩係有dd燶嘅叉燒，我估上枱前上面好似搽左dd蜜汁係上面所以咬落口會食到個叉燒有dd甜甜地嘅感覺肉質都係唔錯，你以為佢係好鞋好柴但絕對唔係，佢係整到相當軟嫩，好好味🤣另外就叫左 碌鵝叉燒瀨粉碗瀨粉堅係大碗💜，同埋想試下碌鵝我個人覺得碌鵝感覺似係鹵水鵝咁，但係佢又唔係個d好鞋好難入口個隻。我覺得食鵝類嘅野，都係要配瀨粉呢d濕濕地嘅野先好食。咁我呢碟叉燒就係半肥瘦（影個舊唔係🫣），個面頭都係有d蜜汁搽左咁，但真係唔錯，亦真係好好食。如果以單單係深水埗黎講，呢度個叉燒我反而覺得係幾突出同埋出奇地係好食。真係睇相以為好鞋，入口係軟嫩好食。咁加5蚊就有凍/熱飲，咁我覺得都幾超值至少唔

夜晚唔知食咩好，本身想賣外賣，行過見到有位，環境又幾乾淨企理所以坐低食。叫咗燒鵝瀨粉加碟菜芯，原來仲送例湯～份量比想像中多，好彩早食晚飯，如果唔係都幾飽😂😂下次試下其他先～

路過見到下午茶嘅價錢好優惠 ，$38起， 所以入去試吓 。$41嘅下午茶有7塊燒鵝肉 + 凍飲 ，算係好抵食！燒鵝味道唔錯 ，肉質嫩滑 ，唔用sauces都好好食 ！ 下次會再試吓午餐燒鵝髀！

今日夜少少去，諗住冇咁多人，點知… 我錯了😲坐到臨收鋪都仲有2，3個人嚟食嘢！聽講鋪頭全部都係江門家鄉口味！突然間想試下梅鯇魚，平時都唔係好食，因為覺得好腥，點知… 我又錯了… 一啲腥味怪味都冇，仲好嫩滑，但又唔係流曬血，係火喉啱啱好！啲梅菜都係濃度適中，好好食，同好大粒！🍗梅子雞髀唔知點整！好得意😯第一次食！唔食雞皮嘅我都舔曬面頭啲梅子，底下配個秘製醬油，好夾！我貪心咗，要埋個薑蔥😜，可以試多個配搭！個瀨粉原來都唔嘢少，問咗老闆，啲粉係專登喺家鄉訂返嚟！條條都好粗，好爽口！浸極都唔會好林仲有個冬瓜湯，冇味精！入面加咗海藻，有埋枝柄🌿👈🏻，食落係爽爽地，口感幾得意😀💕

聽聞在福榮街新開了一間燒爉店，有傳統碌鵝食，今日去開深水埗，買完嘢行咗去食碌鵝。新開張，櫉窗掛滿燒爉，有义烧，但色水偏啞，燒鵝則漲卜卜，充滿油水。坐抵看看menu，新開張有九折，除左燒爉外都有蒸魚，蒸肉餅....飯。🎇碌鹅飯$61上枱簡簡单单一邊飯一邊鵝，飯中間有些鵝汁，但偏少，試唔到碌鹅汁係乜味，似乎孤寒咗D，碌鹅近尾部，偏肥，有一兩舊係肥膏，鹅味是有的，但偏淡，肉質比想像中偏鞋，普普通通啦，因有期望，所以有少少失望。食完碟飯，都有幾多下欄嘢食唔到的。