影片
以上资料只供参考，请与餐厅确认详情
食家推介
第一次嚟呢间烧味餐厅，叫咗碟叉烧烧肉饭，加杯冻柠茶。叉烧- 又干又柴，仲要有骨，大概有六件叉烧，但有一半都系连埋一齐冇斩断，调味还可以，但整体难食程度令人印象深刻。烧肉-同样，肉质极干，但烧肉皮皮脆，勉强可以接受，但勉强可以接受可能是因为先食完叉烧的关系。白饭正常附送的例汤正常冻柠茶正常共$70环境方面，店舖卫生，但建议佩戴太阳眼镜光顾，店舖内的射灯极度光猛。
继续阅读
今天中午去黄金商场买电脑，经过见无乜人，就行入去叫了个62元餐，先讲食物，本人一向支持小店，有好多餐厅味好过佢，亦都有差过佢，不过不失一个午饭，本来都唔想比个差评佢！食完起身就人，见到张单写63元，就多口问阿姐：个餐唔系62元？一个疑似老板，就指一指墙上海报，我见海报大大个红字写住都系62元，我以为眼花，时运低，见到邋遢野，就在困惑期间，老板再指一指海报下面有行唔知系啡色定灰色细字仔写住：价格如有更改，恕不另行通知！个疑似老板就出声：1蚊啫！(态度极差)重大大声同阿姐讲：「以后有客问起，就话价钱有改；恕不另后通知！加1蚊我边度咁得闲改餐牌海报！」我听到真系O晒咀，「1蚊啫！」你可以唔加价啫！你唔得闲改餐牌海报，咪唔好加住，等你得闲，改完餐牌先加啰！今日你加1蚊就好多客人费时出声(出声又比你寸)，下次你加20元；30元；又恕不另行通知呀？香港商品条例；免责条款：唔系你写行细字就大哂！免哂责任！唔识就打去海关热线问吓！
继续阅读
以前出深水埗为咗金翠D肥叉，点知佢转晒做两𩠌饭冇再做烧腊，咁四围行睇吓有乜嘢食，就经过呢间主推鹅嘅烧腊店。首先环境干净，坐得算舒服，见过年食豪D就叫个叉鹅脾饭试吓。只鹅脾出奇地好食，皮脆肉嫩多汁，完全满足我口味。D叉烧就偏瘦咗D，下次试吓有冇得叫剩系要肥叉。价钱方面其实同一般市场比较又唔系贵，成只鹅都系$450咁出面大部份都系差唔多，半斤叉烧$65，以佢嘅质素反而比我平时买开同级平。呢间绝对系我食烧腊嘅选择。
继续阅读
今日去开深水埗买嘢，顺便谂住买嘢返屋企食，行过这间烧味店，见到店舖挂出嚟啲烧鹅个样都几好，都烧得涨卜卜咁，就决定买下庄回家一试，点知开出嚟个样同店舖挂出嚟得已姐有出入，心想好味就得啦！味道和口感似鸭不是鹅，仲要除左只髀系无肉架，仲要未熟，未食过一间烧鹅系咁，仲要收120蚊，有啲比人呃感觉，从来不会写食评嘅我都忍唔到要即刻发泄下🤬🤬🤬希望店舖嘅人睇到呢篇食评用心改同用认真心态对待食客同食物，当客人满心欢喜购买完美食，但换来这种心情作为厨师应该反省一下吧！一
继续阅读
每次经开深水埗都食佢，因为佢既烧鹅真系几特别佢哋自称烧味系自己烧，的确系有炭香味，肉都骨都食得出不过唯一要弹既，就系质素时高时低，以下两图就系相隔几个月去食既，两次都系下午茶，第一次有鹅脾，第二次得碎骨😂但我之后经开深水埗，都会帮衬呢间小店👍🏻
继续阅读