滿記甜品

营业中

休息中

今天下午 ，天氣幾熱 ，我走了過去v walk 2樓滿記甜品， 叫了一杯 - 楊枝甘露配雲呢拿雪糕， 合共50元。楊枝甘露配雲呢拿雪糕，絕配中的絕配！這款組合簡直是天衣無縫，口感滑嫩，甜而不膩。楊枝甘露帶來清新爽口的果香，搭配雲呢拿雪糕的濃郁香甜，仿佛在口中綻放了一朵朵美味花朵。每一口都讓人回味無窮，實在是一道令人難以抗拒的美味誘惑！

今天下午，自己走了過去深旺道28號v walk 2樓 滿記甜品 。我看見招牌仙草芋圓 甜品， 42元 。十分為食的我 ，便走了入去， 叫了一份 。當中有黑珍珠 、芋圓 、馬蹄白珍珠 ，底下有仙草， 十分好味。

喂，話說回頭，滿記呢間鋪頭，真係有得搞添！嗰日嘅桂花酒釀丸子，搭配咗流心蛋🍳嘅組合，講真，味道真係令人回味無窮啊！搞到我個心思思，每一啖都享受到酒釀嗰淡淡嘅甜，加上桂花嘅清香，簡直就係舌尖上嘅交響樂，流心蛋嘅嫩滑，啫喱似嘅口感，整件事粒粒皆是嘅輕盈暢快。至於桑寄生蓮子蛋茶，嗰陣古早味，飲落去真係暖笠笠，好有家嘅感覺😌。而家市面上嘅甜品多到數唔晒，呢個卻係經典中嘅經典，如果想懷緬下小時候嘅滋味，錯過會可惜！當然，最正嘅還係要數宮廷奶酪啦！件件都滑到冇朋友，入口即溶，酒香撲鼻卻唔覺得搶鏡，飲茶之選無誤。跟埋熱窩心冰糖燉蛋，爽滑中帶點微甜，與芝麻湯丸嘅芳香夾擊，簡直係閉眼嘆世間好物！真心講，滿記嘅甜品總有種叫人回味再三嘅魔力。裝修雖然普通，但正正就係喺於這份簡單中尋覓到咗快樂。呢個地方，只要你一踏進去，保證你會心甘情願嚟個又一碗！🥣👅💖

一個人逛街很無聊，點一碗可愛的小丸子吃下。滿記的甜品式樣一如既往的豐富，款款看著都不錯。最後相中了這個小丸子，粒粒晶瑩剔透，看我們這很是誘人。整碗甜品甜度適中，芋圓軟軟糯糯，仙草滑彈好吃，大大的滿足了

難得知道聽日有打風假，即刻同屋企人出去搵商場食個甜品。行過滿記見到佢嘅設計同平時嗰啲有啲唔同，睇落好整齊乾淨。於是就入去坐低食。鮮奶桃膠銀耳芋圓 $45甜品過到嚟嘅時候仲係熱辣辣，最岩一啲養生嘅人士食。裏面嘅桃膠芋圓好充足👍👍😍，但鮮奶略為甜左小小，如果可以叫少甜就更正！白雪仙草芋圓配芋泥 $42芋圓好彈牙，食到底底嘅時候有一啲冰粒可以中和返個甜味，而佢呢個配搭都係擺咗好多種唔同嘅食物喺裏面，令到你每一啖都會有唔同嘅感受！👍👍

南昌薈食完譚仔好想食甜品之際醒起Vwalk滿記甜品心思思左好耐之前一直都想食佢既滑滑布丁冰今日終於完成心願去到落單買外賣滑滑布丁冰$38一大舊芒果布丁，加椰汁加沙冰第一啖飲筒吸落去舊布丁頂住晒飲唔到椰汁之後中欄個布甸搞勻全杯嘢飲落好似以往酒樓食嘅花奶芒果布甸有種懷舊嘅感覺攪勻之後飲落好有香濃芒果味，不過飲唔出倒芒果肉，純粹舊芒果布甸好香，椰汁香味加綿綿薄片易入口嘅沙冰$38一杯略嫌細杯咗少少，好快飲哂如果大杯啲會更吸引

Vwalk食街入面既轉角位落地大玻璃滿記甜品舖，精致裝修，吧台設計，金屬吧枱櫈腳，精緻嘅餐牌海報，好多款甜品都好吸引，次次黎親買甜品都想一次過試哂幾款甜品，不過知道自己會眼闊肚窄，唯有一次買一款，上次食過白雪仙草芋圓真係好好食，佢中間果舊雪糕球狀既芋頭配襯芋圓食完令我間唔中都回憶起果種口感，難以形容，總之就係好好食唔怪之得滿記咁多分店，而家d甜品愈黎愈有質素今次再食決定俾返個好評今次叫左窩心冰糖燉蛋、雪山紫米仙草佢個芋頭雪山好正

呢間滿記由佢o岩o岩開無耐，到依加，都唔知食過幾多次😂次次都係為佢個宮廷奶酪而來，食過一次就愛上😍今日咁o岩去開附近，所以又來幫襯😏去到餐廳係五點半，時間尚早，未係糖水時間，所以都幾多位~呢度係要去收銀處買左野食先入座~我地今次叫左🍶酒釀宮廷奶酪、🥚熱窩心冰糖燉蛋跟芝麻湯丸~坐低冇耐，兩個甜品就上枱~不過今次有D愕然🤦‍♀️🍶酒釀宮廷奶酪 ($35)之前食開係用金屬碗好靚咁上枱~但今次唔知點解會係外賣膠碗，全無美感🤦‍♀️所以扣左一粒星😂但味道上同之前冇乜分別，一樣咁香酒味同咁滑😍唔會好甜，入口即溶，每一啖都好滿足😍記得之前有次，姐姐有問夠唔夠酒香，洗唔洗再加少少酒😂鍾意酒味重嘅朋友可以試下~🥚熱窩心冰糖燉蛋跟芝麻湯丸 ($37)呢個有凍同熱可以揀，湯丸都可以揀芝麻或者花生餡~我地揀左熱食跟芝麻湯丸~上枱幾靚，燉蛋鮮黃色，再加兩粒湯丸~芝麻湯丸外皮黑黑地色，幾得意👍湯丸皮煙韌，餡幾多，好食😋🥚燉蛋好重蛋香，幾滑~不過略嫌甜左少少，如果冇咁甜就好完美了~兩個甜品加埋 $72~食物上我覺得係絕對高質，如果唔係都唔會不斷幫襯😜服務上，今次正正常常啦~

白雪仙草芋圓plus楊枝甘露，兩樣都好好味，味道剛剛好，唔會太甜，芋圓亦唔會係雪硬左o既,芒果🥭夠甜唔會酸，紅豆好香好綿，仲有龍眼肉食落好青涼，原來龍眼肉真係甘岩做甜品！

南昌v walk呢間滿記比起其他分店小左好多選擇☹️☹️，但就多數係比較健康養生嘅甜品選擇😮😮🥰，可能南昌分店店舖面積比較小🤔🤔，廚房可以準備到嘅甜品款式都比較小🥲🥲，但白雪系列依舊好好食！！每次去滿記都係必叫‼️‼️☺️☺️………燉蛋配芒果🥭🤔🤔，就麻麻地，好似有d奇怪咁😂‼️😵‍💫但職員服務都幾好呀👍🏻🥰，整體來講都幾好，如果滿記可以有多d選擇就更加好喇😉😉‼️

中秋節想食湯圓，團團圓圓，但又唔想自己煮，一於就去甜品嗰度食啦🤩 薑汁湯圓薑味超濃，佢直情喺隔離枱都會聞到🤣 太薑其實我handle唔到，所以即刻轉軚，叫返個雪糕楊枝甘露（$50）。分量都OK嘅，不過價錢真係有啲貴囉，芒果甜嘅，其他配料都足料，但雪糕我諗都係普通維記嗰啲。不過不失啦，如果價錢平少少就會好啲👍🏻👍🏻話時話，平時都唔覺原來間甜品店都幾多人排隊，埋單嘅時候見到如果外賣滿$100的話有九折。

放假除咗食都唔知有乜好做就試咗呢個滿記嘅oreo麻薯， 其實覺得價錢唔平要37蚊,不過未食過就想試下。今次係買外賣返屋企食, 番到屋企打開覺得個盒好大但係裏面都好少 ，另外就跟咗兩盒仔oreo餅碎。先講麻薯， 份量少做肯定㗎啦 ，麻薯煙韌韌不過覺得有少少濕，話係牛奶麻薯，但完全冇奶味， 我覺得應該要在煙韌一啲。 oreo餅碎份量係夠嘅,但係因為啲麻薯唔係好多,反而覺得啲oreo餅多咗少少, 麻薯好容易就黏滿咗嗰啲oreo碎。整體嚟講一試無妨

今次食左好平民糖水薑汁芝麻湯圓薑味可以再多d 個人鍾意食再辣d 又有試到糖不甩都係第一次食🤣呢間甜品係好平民價平時都會re union 的選擇每次去食都可試不同因為好多元化

不嬲都話甜品係放第二個胃，所以食完午餐無幾耐我哋又食甜品喇🤣。我從來無食過「滿記甜品」，呢日終於開齋，皆因佢個麻糬我好想食，二嚟樓面個阿姨幾熱情招待。舖頭環境半開放式，高枱同矮枱都有。如果坐滿人會好逼，但而家下午茶時段直頭係我哋包場咁濟😜。原來佢嘅甜品唔算貴喎，大部份都係$40樓下有交易👍。揀好食乜，再自己走去收銀處落單畀錢，不過甜品就由店員送上😊。我哋叫咗兩份甜品都唔駛$80，抵喎，又可以歇下腳🦶。酒釀宮廷奶酪($35)，奉送糖不甩兩粒。呢個齋講個擺盤已經好正啦😍。餐廳用個圓形托盤放啲甜品，感覺有啲和風。同時，奶酪同匙羹都係金色系，唔通配合番「宮廷」二詞？酒釀奶酪味道超濃烈，又夠冰凍，勁正😋。奶酪食落嘅口感同眼見嘅形象一樣咁滑，質感唔會太水，能夠留在口腔中一陣子。呢個甜品叫「奶酪」，而唔係叫「奶凍」，佢嘅命名十分正確✅，因為甜品帶有一份乳酪雪糕Fro-yo嘅微酸滋味。再者，我亦估唔到奶酪嘅酒味咁出，絕不欺場！糖不甩🍡係送嘅，價值唔高，但就能夠令客人覺得成個感覺圓滿好多。$35一碗奶酪，價錢正常，但加配多兩粒就變得抵！糖不甩口感煙韌，並無內餡，主要靠出面嘅黑糖漿同芝麻花生碎粒🥜帶出味道

食完晚餐因為唔係好夠飽所以搵間糖水外賣返屋企食南昌V walk 有咩糖水舖選擇，行行吓見到呢一間滿記糖水幾特別，所以揀咗佢嚟試吓佢同出邊既糖水好唔同，好養生但係種類就比較少其實好想食焗西米布甸，但店員話要10月先至有，唯有下次再去食。呢款甜品出面已經愈黎愈少有了今日我叫咗熱牛奶桃膠芋圓（少甜）我覺得好細心可以有得揀少甜🙈聽落感覺食糖水而又無咁肥😝牛奶好香，芋圓唔會死實實，淋得黎有咬口👍🏻d桃膠都淋，唔會好硬屋企人就叫左凍椰汁紫米露小丸子我食咗一啖，我自己覺得好好味佢唔會好甜，小丸子同埋紫米都唔會好硬另外加$16可以揀一款食品我加咗糖不甩屋企人好鍾意食，成兜食晒堂食比起外賣應該會更加好味😊外賣自取仲有88折，好抵