影片
港铁宋皇台站B3出口, 步行约6分钟
继续阅读
电话号码
23838248
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
去法國醫院睇完醫生，當然入九龍城醫肚啦～行過福佬村道，原來都有唔少食肆，呢間未幫襯過，見佢啲上海菜都幾吸引，帶住個上海老細，就一於試下啦！坐低叫咗個醉豬手咬住先，再慢慢睇菜單～佢個豬手好有咬口，爽口彈牙！係我鍾意嘅口感！🥰👍🏻花雕好好味，我一路食…一路飲…😅唔會太鹹～隔離枱食緊肉夾饃，響香港未試過，都試下！好香脆～加咗蛋感覺唔錯，不過佢個饃用咗手抓餅，好容易碎曬～我覺得肉餡可以多啲～😁生煎包好食！！包皮鬆軟，有少少肉汁～小籠包熱辣辣，湯汁香濃，不過都係嗰句……餡料少咗啲啲～😁😁😅叫多個素雜錦，呢個要讚！！好足料，除咗菜同筍～佢個素雞用咗煙燻嗰隻，仲有香菇、蔬菜同大量百葉～食完都好飽肚！要一讚係佢嘅鮮磨豆漿，好香濃，又唔會太甜～以為咁夜冇人，點知食到就埋單，仲有人入嚟食宵夜～店員可能覺得我哋差唔多年紀～播咗啲懷舊歌（最愛陳百強）仲問我啱唔啱聽呀？！🤣🤣菜單上仲有好多其他餸菜，下次可以嚟試下！
继续阅读
九龍城呢間上海菜嘅裝修坐入去好有年代嘅感覺。價錢嚟講唔算太平，但小籠包和炒肉片之外其他味道一般。上海回鍋肉味道還可以，但是菜吃下去的時候感覺有點油。價錢：$108家鄉炒肉片肉質嫩滑😃炒肉加上大蔥很夠味，味道很濃郁但加上飯一齊吃剛剛好！價錢：$92楊州炒飯炒飯夠大份，但係食得出食物使用的食材不是很夠新鮮。價錢： $88小籠包是所有食物中最好味的味道啱啱好，小籠包入邊嘅湯汁味道不錯！加上必沾的醋😉味道一流！價錢：$48
继续阅读
向九龍城見最多既餐廳一定係泰國菜，西餐火鍋都唔少。但就冇見過有上海菜館，所以開頭都有期待既。首先講裝修，唔講你唔會知係只係開業幾個月。老土簡單同大陸風味極濃，唔講肯定會以為係老字號。打開餐牌發現，價錢唔算親民。大部分菜餚價錢都平均超過$100或以上。所以就選擇左$298 兩菜一湯既晚市套餐：我地選左上海回鍋肉+銀芽鱔糊；套餐仲包2碗菜飯+2碗酸辣湯。如一般既上海菜，回鍋肉惹味濃郁；但味道偏鹹。銀芽炒鱔糊尚算爽脆彈牙，非常惹味。見係食大閘蟹既季節，所以就叫埋蟹粉小籠包。蟹粉小籠包 $92/籠有4隻，但上面既蟹粉分量得一點，相比起普通一籠小籠包只係$48/籠，果少少既蟹粉就顯得有點貴。可能因為蟹粉分量少，所以完全食唔到蟹粉既味道，有d失望。
继续阅读
難得響九龍城有上海菜，擔粗粗試一試。本人最喜歡食湯年糕，本身年糕冇味道，所以湯嘅濃道同味道至係靈魂。可惜呢碗雪菜肉絲湯年糕食咗幾啖就放棄。湯冇味之餘又清過史雲生清湯，肉絲亦冇味。就係呢碗湯年糕，冇其他原因叫我去幫襯多一次。
继续阅读
我就專鬥氣，人哋話唔好食，我偏要去試吓，越寫得差越要試真啲⋯⋯結果正如所料，如果差到咁，今日開張，明日收皮啦。由點心、冷盤到小炒到大菜，樣樣都水準以上。結論係，有啲人一係脷脂遲頓，一係心黑到盡頭。
继续阅读