滿樂潮州 (美麗華廣場1期) (已結業)

💁🏻‍♀️再次嚟到滿樂潮州，呢一間酒家位於尖沙咀美麗華商場，已經第二次光臨啦！佢嘅點心比起出邊更加有誠意，味道好食，同屋企人都好滿意佢哋每次製作嘅水準！今次都唔例外，以下係詳細嘅食評🥰..▫️潮州炒麵線⭐️ 強烈推介⭐️潮州炒麵線！今次第二次叫佢啦！味道真係好好食，而且非常之有鑊氣，選用潮州幼麵線，蛋香味十足，配埋芽菜韭菜，爽口有層次，而且鹹肉條陳my真係一絕！..▫️蓮子棗皇糕⭐️ 強烈推介⭐️呢一款糕點我同媽咪都好鍾意食，真材實料，食落嘅時候仲食到好有粒嘅紅棗，味道清甜，而且非常之煙靭有彈性！..▫️滷水墨魚片拼雞蛋⭐️ 強烈推介⭐️又一喜歡菜式！墨魚片非常之薄，刀工厲害，加上濃郁滷水汁，令墨魚片同雞蛋都好入味，配上佢哋嘅咸菜前菜，別有一番風味🥰💁🏻‍♀️.▫️鮮蝦菜苗餃佢哋嘅菜苗餃真係非常之足料，好多菜苗之餘，蝦份量都唔少，誠意十足

尖沙嘴餐廳種類繁多，但是從來未試過潮州菜式，適逢朋友平日非常喜愛潮州打冷，所以他建議我們試試潮汕茶樓。這家酒樓除了特色潮式小菜外，還有粵式點心。我們點了午市小聚套餐，套餐包括點心、滷水小食、湯羹和潮汕風味小菜，全部都是小份，適合兩至四人小聚會。點心：鮮蝦蟹籽燒賣 + 金珠鹹水角鮮蝦燒賣大大顆，上桌熱騰騰的；鹹水角外皮香口酥脆，餡料豐富，每一口口感滿足。滷水小食：滷水鵝肉拼盤 + 滷水墨魚豆腐拼盤有鵝肉、五花腩和滷水蛋，口味偏向不算太濃味，就算多吃也不會口渴。墨魚爽口彈牙，豆腐滷得入味。湯羹：海皇豆腐羹湯羹份量很大碗，豆腐香滑濃郁，還有粒粒蝦仁，喝下去非常有咬口。潮汕小菜：秘製乳香骨 + 滷水鵝肉薑蔥撈麵秘製乳香骨香氣撲鼻，肉脂豐富，肉質軟糯，非常入味。滷水鵝肉薑蔥撈麵小小一碗，鵝肉薄切，滷水味不會太濃。最後甜品還有杏汁桂花糕，小小顆只有一口，桂花味清甜，不會太膩。

星期日 午市 之前預早openrice booking 今次去到 叫咗七碟嘢 大約五百幾蚊 埋單 兩大一小食物整體唔錯 冇食到一個係 唔ok嘅, 啲嘢都好食食到一半先至記得影相 呢個係 鹵水鵝片撈粗麵 粗麵爽口 鵝肉 嫩滑7.5分腸粉皮唔算話非常薄但係個皮 好滑 每條腸粉有兩大隻蝦 8分黑松露帶子餃 入面啲蝦都幾大隻 上面有帶子同埋黑松露醬都幾好食，8.5分 蘿蔔灌漿做得好好 外層好酥脆 入面又好滑又多 蘿蔔絲 好食9分金沙鹹蛋黃 魚皮苦瓜 味道是ok的 但係個皮炸得硬咗少少 但都ok嘅7.5分韭菜粉果 入面有韭菜同埋蝦肉6.5 分糯米卷 呢個普普通通啦 冇乜特別6分環境坐得舒服 員工態度唔錯 但真係冇因為員工比較少 做嘢都比較忙 執唔切嘢

訂位好方便因為有OpenRice程式可用，還可以賺取飛行里數，環境一般，卡位較少，沙律乳鴿幾好味，鮮蝦粉腸OK，家鄉鹹茶果有特色，其他茶樓少有，我鍾意食嘅韭菜豬紅唔知點解冇咗，因為其他茶樓少有！記得叫職員俾你功夫茶唔係佢哋就唔會俾你㗎喇，功夫茶味道唔夠濃，可能因為剛開門所以泡得唔夠濃，滷水鵝片拼豬大腸都很有潮州菜風味，職員服務一般，斟水兩次都是要叫服務員，但要注意這裹飲茶時間有兩小時限制！想嘆茶的朋友就要考慮其他酒樓了！

每次放假都會和家人到滿樂潮州酒家食點心，他們除了點心還有潮州美食可以選擇，喜歡這裏食物及環境質素不錯。入座後店員給我們兩杯功夫茶，茶味香濃帶點甘香。鮮蝦滑腸粉上枱時已經很吸引，腸粉皮很薄肉眼都看到裏面的鮮蝦餡料，蝦肉份量不少，每一啖都食到新鮮爽口的蝦肉，沾上甜豉油一齊食味道更美味。鮮蝦菜苗餃餃皮晶凝通透，熱辣辣香噴噴，嫩嫩綠綠豆苗，新鮮清甜又爽口，加入蝦肉口感不錯，另外還加入蝦米鹹鹹香香更加惹味。潮式煎韭菜棵這個只有潮洲酒樓先食到，一碟有三隻，外皮煎至金黃食，香脆可口，內裏餡料十足，除了韭菜還有新鮮豬肉，咬落多汁美味。鴛鴦水晶包最後我們還點了甜品，豆沙和蓮蓉餡料的水晶包，包皮煙煙韌韌，咬開餡料即時流出，好好味😋

系openrice尖沙咀區搵潮州菜，哩間應該系最好，當然價錢亦吾便宜。改善地方-已經之前係網上訂位，亦打電話再指定要卡位，但來到經理系hard copy 搵吾到，最後系openrice至搵到，吾系早到有可能無留位。-大部分女服務員好似剛剛來做，吾熟悉餐牌，又無禮貌。-有一半煎炒野太油膩。優點-環境舒服,最好要訂卡位。-蒸的點心真系吾錯，有鮮味-午市有部分二人套餐幾抵食。368兩位有咁質量系尖沙咀真系好抵-午市價錢算是超值。滷水拼盤（$118）2分-滷水鵝片同豬肉比較“鞋”，瘦同無乜肉味，係一家出名潮州酒樓系比較難接受；豆腐系比較好，好在無聽女服務員提議叫個大盤。潮州炒飯（$108）4分- 做得好特別，有個蛋網，涵料有好多蝦和肉粒等，都好有彈口和肉味，炒飯亦好香蠔仔粥（$68）5分- 蠔仔真好多又新鮮，個粥底做得好好味，性價比超高所有蒸點心都做的好好（4分）蒸粉粿（$38）鮮蝦荀果（$48）鹹茶粿（$38）黃金豆茸煎軟糍（$38）

美麗華四樓有幾間不錯的中菜，其中這間滿樂潮州，感覺很正宗！而且環境好靚☺️門口還有很多潮州特色小食、月餅🥮裝修時尚，地方非常之寬敞，坐得舒服😌先來杯潮州茶，頗有特色，非常回甘😌午市有套餐，但我們兩人就想試特色小菜😬滷水一定要試！滷水大腸腩肉 $78份量好多大腸包小腸，賣相十分吸引，而且滷得非常入味，唔會太油膩，點上醋、辣椒油，十分惹味呢薑蔥鵝肉撈麵 $68有驚喜，鵝肉甘香，蔥油撈麵彈牙、有咬口！不失為一個特色潮菜👍潮州鮮蝦荀棵 $48 第一次食煎嘅做法，好香口，鮮荀爽脆，蝦仁蛋大大粒，棵皮非常滑溜，值得一試👍煎蓮藕餅蓮 藕粒爽脆外皮甘香，而且有4大塊，抵食😆晚市仲有好多套餐，嚟緊中秋節可以book定枱啊☺️

位於熙來攘往的美麗華廣場一期內，滿樂潮州提供了一個舒適寧靜的環境，讓食客可享受一頓質樸無華的潮州美食。除了齊全的防疫設施外、服務員的殷勤款待、餐前餐後奉上的功夫茶，打開味蕾的甜酸菜，亦值得讚賞。～家鄉炒河簡單的材料如惹味韮菜、爽口椰菜和鹹味肉絲蛋絲，加上十足的火候造就做出這一道美味卻不油膩、實而不華的炒河，真是難得。河粉炒得條條分明，醬油不多，但一端上枱已經香味撲鼻，入口味道更是吸引。～潮式煎九菜棵煎得恰到好處，兩面微黃的九菜棵餡料豐富，味道不濃不淡，多食亦不覺油膩。～鮮蝦蘿蔔烙賣相非常吸引，金黃色的蘿蔔烙煎得表面焦香，內裏軟韌，面上還灑滿了脆口的花生碎。一口咬下，外脆內軟，煙煙韌韌。蘸著魚露來吃，味道更突出。如果蘿蔔的份量多些的話，那便更理想了。～蟹籽燒賣皇燒賣皇造型令人垂涎欲滴，橙色的蟹籽和蝦仁非常吸睛。真材實料的燒賣鮮味又爽口，十分好味。～芋茸煎堆仔一口一個的煎堆仔外脆內軟，最愛是煎堆面沾滿了香口的黑白芝麻。軟糯的外皮裏是綿綿的芋茸，味道絕不會過甜。熱騰騰和脆卜卜的小煎堆仔誰也不能抗拒。個人認為這店食物的特色之一就是味絕對不會過濃過鹹，讓人感覺食得健康和有信心！餐後享受一杯熱潮州

滿以為是許美德大廚主理的潮式菜，但是強差人意，菜式一般，味道奇差。首先講冬瓜盅，完全未蒸冧就出爐，第二，蝦子柚皮仲差，全煲有六塊左右，上面三片還可以，但下面三片更完全無色無味，簡直是瞞天過海，另一味魚旦浸津菜，啲魚旦勁咸，完全唔掂，下次可以唔使幫襯！招呼還可以，裝修方面，如果坐房的非常有氣氛，黑黑暗暗，如用手機拍照就一面黑一面光呀。另外自來酒水收$150，否則可買月餅一盒($268/四小只)代替或幫佢買枝值幾十蚊的酒，收$250-350。總之，名過其實，要幫襯的，你們要考慮吓。

🙆🏻‍♀️好耐無飲茶，滿樂潮州第一食試，真係好好食，而且選擇又多！ ..▫️家鄉咸茶棵必推介食呢個！因為真係賣少見賣，家鄉咸茶棵有蝦米、冬菇，又有糯米糕點的滯膩感覺，令人一吃愛上，而且又唔會好油膩感～..▫️潮州炒面線又係好食推介！炒得好香口，而且又多芽菜同韭菜，食落又爽口！而且用咸肉咸咸香香，用黎送炒面線真係一流呀！..▫️金珠咸水角同家鄉咸茶棵好似，但呢個油炸版，感覺又係另一個層次，味道更香口！正..▫️翠黑松露帶子餃淡淡黑松露香，配上迷你帶子，加上有蝦肉既餡料，食落爽口，令人回味！..▫️蜜汁叉燒飽蜜汁叉燒叉燒份量都足料，蜜汁濃郁，味道可口！..▫️香脆五香芋絲卷呢款小食好少見，香芋絲卷香脆美味，五香粉味道重，但一D油膩感都無～

今午好友約了我在美麗華商場一間潮州菜館用膳，幸而好友早已訂了位否則要在門外排隊等入座。我倆點了半隻麻醬手撕雞，碟頭頗大，鷄肉絲大少一樣，麻醬淋在已撕開一條條的雞絲上，撈亂後一起吃味濃而不油膩，非常嫩滑多汁，也有咬感。芋茸香酥鴨，把鴨肉拆骨，表皮香口亦酥脆，下層的鴨肉肉質能保持嫩滑，有嚼感，這道菜工序非常繁瑣，並不簡單，師傅手工真是頂呱呱。手打魚蛋煮津菜煲，很新鮮很爽滑彈牙的魚蛋和魚片配了少許方魚碎片，有嚼勁；再加上這些津白很鮮嫩幼滑，令整煲津白湯更添美味鮮甜。最後上了碗清心丸綠豆漺，很清澈的清心丸，爽滑彈牙，清甜可口的一碗甜湯，結束了這頓美味午膳，但假設甜湯後還能端上功夫茶給我們嘆嘆那就完美無瑕了。

Chiu chow dinner at Mira, with signature dishes such as their braised goose, and interesting fish pancake, an aesthetic vegetable soup/congee, fried rice, deep fried shrimp balls andsugar coated taro sticks.It was my first dinner there though I've been for lunch with my grandma a couple times before. It was a prettysatisfying overall experience and the last pic is of the pretty room we had that didn't look that chiu chow, but I appreciate the aesthetic hahahah

難得平日放假， 同屋企人去飲茶。 因為之後要到尖沙咀一轉取文件， 就去了美麗華廣場一期嘅「 滿樂潮州」嘆潮州茶。餐廳裝修雅緻， 座位闊落， 枱與枱之間都有一些距離， 坐得比較舒服。 兩點鐘嚟到 ，大約八成滿座， 可能樓底較高， 環境唔算好嘈。茶介每位$15， 叫咗壼菊花普洱， 普洱夠滑又夠菊花味！ 如果要剩菊花就要$20～餐前小食$20：潮式鹹酸菜。 鹹酸菜好爽脆少少甜唔會好酸 ，非常開胃！兩個人最啱就係叫午市抵食套餐$228這個套餐E 有四款美食包括：點心， 菜，滷水拼盤和炒河粉， 二人足夠有餘～鮮蝦滑腸粉腸粉好軟熟好滑， 原隻鮮蝦平均放滿～ 鮮蝦爽彈並非雪藏蝦。 非常足料，旁邊兩條菜心都好清甜 並非只作裝飾。鹵水鵝肉拼盤因為好想食鹵水豆腐而揀這E餐。鹵水汁嘅味道好鲜，甘香又唔會太鹹。豆腐厚切好滑， 鹵水鵝片肉質夠嫩好入味。鹵水蛋和紅腸都是鹵水拼盤中好重要嘅配角。金銀蛋莧菜超開心中午時間飲茶都可以食到煲仔小菜～ 用煲仔上熱辣辣， 今日嘅莧菜非常幼嫩清甜，索滿湯汁， 配上鹹蛋皮蛋粒和肉碎， 超美味～家鄉炒河簡單材料有蛋，肉絲和椰菜已經好美味， 一啲都唔油膩，夠乾身，河粉十分彈牙！ 分量

美麗華商場內的餐廳一向質素不錯。潮州菜花樣多，豐儉由人，適合大眾胃口，見到餐廳裝修現代，有新鮮感，一於試下。餐牌選擇多，眼花撩亂，套餐都有幾種。這次先試「必食套餐」，前後八款又有魚翅，不用費神單點，工作一日放鬆食個晚餐。中鮑翅熱湯上桌，幾大碗，食到的粗針魚翅，算係足料。鮑魚柚皮海參相當大份，燜煮的很惹味，鮑魚彈牙。食得太快竟然唔記得影像。豉油皇炒麵乾身，香氣撲鼻，好有鍋氣。總體滿意。餐牌太多嘢想試，一定會再來光顧。

我1人，諗住去食晚飯。排我前面的是2人，我聽到門口阿姐同佢地講得返2張2人枱。咁佢地揀左其中一張，跟住我話1人，而我後面的客是3人。阿姐就同我講，你1人難啲畀枱你。我會畀左3人先。但明明另一張可以揀的枱只可坐1-2人呷囉！態度咁差我都唔稀罕食。