滿屋日本料理 (大埔超級城C區)

营业中

休息中

諗起日式放題淨係諗起銅鑼灣尖沙咀？近近地唔想咁遠水路又有冇好推介？😆呢間位於大埔超級嘅人氣日式放題可能就啱你啦🤩座位雖然唔算特別寬敞😝但係就更加凸顯出店員嘅良好服務🥳清枱收碟可以話係全自動波，我哋專心享受食物就已經足夠😛😛食得日式放題又點可以錯過味道新鮮擺盤精美嘅魚生呢？🤤🤤象拔蚌酒煮螺片同埋北海道帶子刺身，款款鮮甜之餘😜唔太覺有雪味，衛生又安心👅👅火炙壽司幾有新意🤤我最鍾意嘅就係蒜蓉炙燒帆立貝壽司☺️當然掌門人至愛嘅傳統卷物花之戀都必不可少🥺🥺熱食方面種類繁多，上菜速度特別值得一讚😙😙飲品包選擇一應俱全👍🏻👍🏻汽水紙包飲品茶類等等款式繁多😽最令人驚喜嘅就係自助清酒吧，可以品嚐到冰涼清酒梅酒架😻😻甜品方面係以雪糕同小蛋糕為主😜雪糕除咗較常見嘅Häagen-Dazs 比利時朱古力或哈密瓜等等口味，今次就特別試吓Mövenpick 奶香雲呢拿口味雪糕，真係好滿足😚❤️

最近幫公司賺到錢，所以老闆請食飯，老闆提議食放題，所以又嚟咗滿屋 🤣 雖然滿屋短時間都嚟過好幾次，不過係老闆請咁就唔客氣。今次熟食區提供麥樂雞同薯圈，而隔離依舊有個朱古力噴泉啱晒小朋友，冷盤種類就無咩大轉變。雖然雪櫃得兩個，但係可以提供到多款飲品，包括啤酒，而且重係無限任飲，呢個真係非常唔錯。自己超鐘意食滿屋嘅刺身，尤其係赤蝦同帶子，因為啖啖肉又新鮮，所以每次嚟都會係咁食。😋燒比目魚上次食過幾正，所以今次再返食 😋 而其他炸物味道都唔錯。

好耐無食日式放題，所以就約左朋友同我食，呢間滿屋之前都有食過，品質幾好所以再幫襯。😊餐廳環境乾淨企理，如果想私隱度高啲可以選擇卡位。飲品種類都有幾多，而且仲有啤酒提供。🍺呢度嘅刺身相當新鮮，所以都叫咗好幾轉，自己勁鍾意食赤蝦所以叫咗一大盤。😝除咗刺身高質外，另外重叫咗幾款壽司同其他食品。燒菠蘿勁甜又多汁。😋避風塘炒墨魚仔十分香口，非常惹味。最後食埋 Häagen-Dazs 雪糕，非常滿足咁埋單。

朋友特登嚟大埔搵我仲要請我食飯😍簡咗滿屋放題極緻set大食一餐🍴因為有大拖羅、海膽、鵝肝、龍蝦🦞都係我的最愛❤️💫粉粉嫩嫩既極品大拖羅🍣 魚油分布均勻，口感入口即化 ❤️火炙拖羅經火燒一燒表面，油香四溢而又鮮甜無比，完全不膩❗💫海膽來自澳洲同加拿大，澳洲口感更滑身creamy，而加拿大質感較實淨爽身，海水味重濃😋好味到Encore幾次😂💫香煎鵝肝就不得了喇，口感细腻入口即化，味道勁香濃💯💫仲有鮑魚花膠雞煲、汁煮鮑魚、多款刺身同壽司、炸物、燒物、天婦羅………….美中不足係雪糕款式唔多，幸好有朱古力噴泉滿足返我個甜品胃🤣

今日突然間想食放題，所以就近近地嚟咗大埔滿屋幫襯，閒日嘅中午時間唔係好多人排隊，所以即刻有得入場開餐。😋熟食區有朱古力噴泉、麥樂雞同薯條，如果唔想飲咁多甜嘅飲品仲有麵豉湯供應，而隔離個雪櫃就有中華沙律、味付螺肉、鴨胸、泡菜同其他特色食品。甜品櫃就有生果、豆腐花、泡芙同幾款甜品，款式選擇都幾多。刺身大概有十幾款，自己主打都係食赤蝦、帶子、榮螺、赤貝 😋 赤蝦相當肥美啖啖肉，每一隻都成隻手指咁粗，帶子亦超級新鮮，所以自己忍唔住叫咗成兜慢慢嘆。😝除咗刺身夠新鮮，其他食物亦幾正，牛舌燒得非常香口，而且細細件可以留返個肚食其他嘢，呢度個榴槤波波真係冇得輸，榴槤味極濃郁，鍾意食榴槤嘅朋友一定要試吓，另外今次試左燒比目魚，比目魚肉質幾嫩滑，重可以配沙律醬食非常滋味 🤤 最後飽住個肚離開，都只係二百幾蚊相當唔錯。🥰

好耐冇同朋友一齊晚飯，以前食開荃灣果間分店，大埔店都係第一次食，當晚只有大約1/3人食，用手機落單，只有刺身係好快到，熟食平均都要等15分鐘先到，而且熟食味道好一般，比荃灣分店差d,但職員服務就幾好.

滿屋日本料理大埔安邦路9號大埔超級城地下542-548號舖住北區既朋友極方便唔洗出去九龍都有放題食環境闊落 位置大服務態度一流用手機落單 快準店員既服務又好 見到就滿既兜會即刻更換張枱滿左又會幫埋你清潔上菜速度快值得一讚刺身 壽司刺身賣相唔錯 顏色鮮艷 唔會放左好耐會有暗啞切得夠薄又通透壽司細細件魚籽飽滿 每一啖都口感爆炸食過一次 覺得唔錯食物既種類又好多又創新例如 避風塘炒魷魚🦑 鴨舌 相當惹味微微既辣味 外脆內軟既魷魚 相當入味各款燒物 一樣出色鹽燒雞翼 燒到雞肉嫩滑 雞皮香脆唔會有油膩感 少少鹽味帶番出雞鮮味鹽燒海蝦燒到外殼都脆咬到蝦肉唔會燒到太乾 保持住蝦肉既鮮味鯖魚皮脆肉滑 大份怕腥既可以落少少檸檬汁炸物 脆香不油膩食炸野最怕d油芝麻雞翼 榴連炸彈 天婦羅🍤都唔會好油 炸得好脆 保留住食物既嫩滑炸得岩岩好 唔會太老值得推薦既係一口牛每粒都啖啖肉 唔會帶肥超級嫩滑 無帶筋唔會過老 好輕鬆咬開會加上蒜片 帶出個香味飲品種類都多平時放題既一定會放有氣既飲品但呢間會有蜜瓜奶同朱古力奶 適合一家大細 中間位置仲帶有朱古力噴泉可以同小朋友一齊玩最後每人會有一杯雪糕埋尾絕對唔係杯仔 係中型

疫情緩和咗，就急不及待約返啲舊同事食晚市放題，好耐都未試過咁滿足🤩近近地去咗大埔滿屋,咁多座位都爆滿，好彩一早book定位自助落單實在太方便勒！款式夠晒多，先落咗啲刺身壽司再出去自助區拎冷盤同飲品  食物種類繁多😝👍🏻刺身、壽司款式都好多，又新鮮又美味🤩仲有不同類型既炸物、煮物、串燒、手卷等等👍🏻👍🏻全部都係任叫唔嬲😚😚我地都食左好多round 上菜速度都好神速，我地未開始食第一碟，都已經好快上左數十碟👍🏻👍🏻😝而且全部壽司都好新鮮😛海鮮色澤同外觀都好靚☺️☺️賣相勁吸引，入口口感都體現到好新鮮，味道令人回味無窮☺️出面自助區仲有好多款小食、海鮮、湯類、甜品、飲品等等比客人自取😋😋真係可以鐘意食咩就食咩🤤不過最緊要都係食得哂先好拎😼最後我地仲加左蟲草花烏雞燉湯，雞湯超清甜濃郁🤤🤤大大隻烏雞同花膠，唔會因為係放題而份量好少👍🏻👍🏻真係落足哂料，食到回本仲賺到😛😛飲品方面款式夠齊全，連啤酒同清酒都係任飲👍最後唔少得食埋甜品同雪條啦！

不用多說，大家應該一定食過的日式放題！來這裡食一餐放題是非常開心的事情！價錢不貴，味道亦都十分之好！我已五，六次到上址享用美食， 每次都相當滿意。餐廳位置交通方便，餐廳內十分寬敞，環境清潔舒適。 最緊要食物新鮮好食，價錢合理。無論熟食和刺身都好好吃，選擇也多，甜品味道比較好！畀五粒星係最主要 嚟食過好多次， 佢都繼續保持到水準， 所以好簡單繼續食， 你食到嘅就可以嗌多啲，食物多樣化新鮮有誠意。 想試下嘅都係嗌少少嚟食， 咁就唔會嘥， 值得推介

今日同同事一齊食放題已經好耐冇黎啦，今次再嚟多次呢見到啲食物啊各方面都保持到環境舒適装修典雅，食物質素和服務都好好，下午放題超值有刺身，羊架，炸榴槤都是喜歡食，CP值高去過好多次。值得贊是出貨快並有擺盤,年青侍應精力到場人雖然多, 但環境整潔, 座位亁淨, 但講到食放題, 最緊要梗係食物質素喇, 我鐘意佢即點即送, 咁先安全架, 而且唔洗等好耐, 5 分鐘內送到, 熟食如芝蔴雞翼同炸鮮奶, 熱辣辣同脆薄薄, 燒蝦嘅蝦新鮮, 刺身則尤以帶子出色, 甜蝦也不錯, 絶對可以再試

疫情緩和，政府放寬抗疫措施後，第一餐約朋友食晚飯就係呢間餐廳，因為地方近朋友屋企，貪方便就揀呢到。我地揀左C餐，有海膽、拖羅同長腳蟹，叫左第一輪， 海膽食左2板都係有苦味，蟹就正常，蟹肉質地算ok。啲刺身款式唔多，味道還可以，壽司質素反而都幾差下，三文魚壽司係好薄同唔新鮮，啲飯係熱既，上面舊魚生都比佢熱埋，呢個價錢，食呢個質素，性價比好低囉！熟食牛都可以，羊鞍我覺得太咸，炸榴連都麻麻地，入面粉粉地，下次如果要大埔食放題，都係食返A餐算。今次消費左$488/位

選套餐C，就係想食長腳蟹同海膽！每位488仲要未計加一！去到就同我講無長腳蟹，無問題喇都已經黎到，又見呢度評分咁多哈哈笑～試吓喇～真心講，熟食係唔差，剌身就一般喇～環境就好迫好嘈！嘈到我同老婆打對面坐講嘢都聽唔到！一坐低7點04分落單要2件海膽試下，7點25分左右到～試過唔苦（我嘅要求只係唔苦）再叫。第二次落單係7點34分，點左10件，到8點鬆d至到，一放入口，苦！唔止苦苦地，仲好似臭臭地！再試多件，係真係成口臭到屎味！搵個職員同佢講左一句，佢就叫我自己再落單！咁咪再落係8點14分再落單囉～點知職員係8點28分拎張單埋黎叫埋單先！話last order 8點半，我就著著地，我話你不如幫我拎左d海膽黎先喇！最後隔左6、7分鐘至黎！食一件，一樣係臭⋯⋯算～埋單～個職員仲問我使唔使再換，個理由係d海膽一板板返貨可能換另一板好d⋯⋯我話你自己睇下隔離左右前後枱，個個都係食1、2件就成碟唔要！出品之前你哋自己唔會檢查下至比客嘅咩！我話食呢個套餐就係想食長腳蟹同海膽，結果只係食得2件唔苦嘅海膽！我就唔會再去～咁嘅價錢仲有好多更好食的～睇到呢篇野嘅人，你哋自己諗！

有四款價錢可以選擇，最基本都有72款食物，由於家人唔太食刺身，所以揀左最基本$268 嘅餐牌。刺身叫左三文魚、帶子、赤蝦、甜蝦、象拔蚌等。正正常常都幾新鮮，唯獨象拔蚌嘅口感怪怪地，唔似平時食開嘅😂燒扇貝就暖暖地，唔算好熱。配料都幾多，有啲菇同洋蔥等等，幾好食羊架肉質唔會好硬，羶味唔算好重天婦羅夠哂熱，外脆內軟👍🏻👍🏻👍🏻成晚最深刻應該係呢個雪花牛肉鍋，牛肉肉味濃，而且嫩滑，鍾意食牛嘅唔好錯過。鍋入面仲有唔少配料，有菜、菇、粉絲等。牛柳粒相對失色少少當然仲有每人一杯嘅雪糕作結😊另外值得一堤就係當中有啲上年紀嘅服務員好有禮貌，令食客感覺好好❤

好耐之前係荃灣食過滿屋，前排發現原來開到黎大埔，緊係去試一試回味下，雖然知道好多放題店都會做set lunch，但第一次回味緊係試下佢個放題啦！刺身不錯，新鮮但可惜至愛的帶子被師傅切到好碎，半粒半粒咁食落去有點失落感握壽司，火炙壽司都不錯，飯量夠細，可以試多幾款，幾貼心，但唔知set lunch 既壽司會唔會大粒返少少呢🤣厚燒牛舌好好味😋 最後我食左10串，十分推介魚蓉壽司正常發揮，都幾好食，但間唔中有筋卷物都係正常發揮走廊仲有自助bar，有各款前菜任食（如螺肉，中華沙律，八爪魚等），仲有少量熟食但我發覺………原來set lunch 都可享用自助bar下次搵日試下佢個set lunch!!!!!!不過有樣不滿意既係，佢座位安排好差，雖則做多一枱生意係好，但強行加張枱係赴廊，令我無位出入，下下要其他客人起身讓我出入就唔好，尷尬麻煩囉😅😅😅

想食日式放題的朋友，呢一間一定要試！點解有時因為平時食開旺角太子地區的放題，都是人太多、爭嘢飲嘩，環境唔太乾淨、甚至有時個地下黐立立，所以有時環境都會令到你訊息心情消滅左。但係呢一間位於大埔超級城嘅滿屋可以令我大滿足，同時間因為衛生環境同埋座位唔係太多，所以反而令到我哋呢啲經常食日式放題嘅市民會有好好嘅感覺。日式放題最緊要梗係魚生啦，魚生喺呢間餐廳來講，係一個非常之令人喜出望外嘅重要重點，每塊都唔會太薄，又有裝飾，亦都好細緻，而且即叫即出好幾分鐘就已經有，呢啲係魚生嘅流量速度兼且你要食到最新鮮嘅魚生先至係放題嘅靈魂，天婦羅炸物呢一啲都係好上盛，另外竟然放出嚟嘅小丸子都好好食，另外值得推介嘅係佢嘅飲品選擇非常非常之多有成三十幾款，所以唔講咁多啦大家去呢一間大埔滿屋試吓放題啦！拜拜！