影片
商场冇乜选择，是但啦，买了两个外卖。菜胆鸡和咕噜肉。回家食后，有两点意见。茨汁太多太杰，鸡肉好鞋，菜有啲草青味，未够熟。咕噜肉水准以下，又系太多茨汁，猪肉好硬，感觉不太好。希望可以改善。
继续阅读
今日又黎到我哋嘅饭堂食下午茶，我好钟意食呢度嘅咖喱饭，味道香浓，份量好足，啱晒身边𠮶位大胃王呀。我哋点咗咖喱猪扒饭同鲜茄排骨饭，一如既往好好食，好满足啊。🔎满小厨 (九龙湾)📍九龙湾宏光道80号丽晶商场1楼133号舖
继续阅读
放假带左姪仔出去放电，玩到颠晒，之后当然要揾间餐厅坐低抖下啦，我地行左去附近既丽晶商场，上左去一楼，一见到茶餐厅就入去找个最凉爽既位置坐低。净系下午茶餐都有9款甘多，叫左两个茶餐配两杯涷柠檬茶。干炒牛河：份量足够，牛肉肉质都几冧，唔会好韧，河粉既色泽均匀，调味适中。生炒鸡丝饭：呢个炒饭味道足够，而家够镬气，睇真d，入面除左鸡丝外仲落左炒蛋丝同埋葱花，令整个炒饭既口感同卖相都更有层次。🔎满小厨 (九龙湾)📍九龙湾宏光道80号丽晶商场1楼133号舖
继续阅读
今日又做左早餐Deadline Fighter, 10:55先入到餐厅，侍应姐姐超好立刻帮我落单。今日要雪菜肉丝米粉，配方包肠仔炒蛋，饮品要冻鸳鸯。看似普通嘅雪菜米其实唔系间间餐厅煮得好味，呢间汤底够浓够味，最喜欢配上这里辣麻油，少少辣但又带点香，比起其他茶餐厅潮式辣椒油更合胃口。牛油面包不过不失，而炒蛋没有加太多忌廉，反而食到更多蛋香。餐饮点了冻鸳鸯走饮筒，香浓好味，同埋要赞一赞侍应姐姐好记性，真系记得。发生咗段小插曲，邻座客人见我冻饮无饮筒，反倒怪责侍应姐姐，我立刻解释系我提出走饮筒爱地球㗎😌
继续阅读
今日试左满小厨既晚餐，今晚比较夜食晚饭，餐厅人唔多，我地又㨂左个卡位打对坐，晚餐有经济街坊小菜套餐，可选择两款、三款、四款小菜，配白饭同埋例汤。今晚口感想食清清地，点左豉汁盲曹，豆腐双腩煲，椒丝腐乳炒通菜。我地点好餐后，职员送上两碗例汤，冬瓜猪骨汤，这个例汤唔错，鲜甜可口；豉汁盲曹肉质嫩口；豆腐双腩煲入面既豆卜索晒d汁，热辣辣。至于椒丝腐乳炒通菜既腐乳味道唔系好出，味道稍为淡咗d。 整体黎讲，调味偏淡左少少，但有家既感觉。
继续阅读